القصة : ( حفيدة آلـ سرحان؟ )
الكاتبة : رواء هادي
يوزر حسابي على الانستغرام : royan4h@
قراءة ممتعة للجميع.
رحت لغرفتي فتحت الكنتور تخيلت غياث كاعد بنطن الكنتور ويحجي وياي بقيت صافنة وابجي مديت ايدي اطلع ملابس اجه بايدي
شماغه جان ناسي بالكنتور .
تلقائي نفسي حضنت الشماغ وكمت
ابجي واصرخ بصوت عالي .
اجه ابوي يركض شوف شعباله صاير وياي كعدت بالكاع كعد وياي وحضني حضنته كل
قوتي ماريده يعوفني
_ اششش بابا اششش
_ بسببي مات غياث بسببي
_ ماعليج الصوج من عمج عمج لكتل ابنه
بايده كافي بابا راح تتخبلين كافي
_ بابا انه ضميته بالبيت
_ شتحجين رنا ؟
بعدني عنه اباوعله بعيون مليانه دموع رفعت
ايديه شايله الشماغ مالته
_ بس شماغه بقى منه
اخذ الشماغ من ايدي وشمه هو يعرف عطر
غياث رجع باوعلي متفاجأ
_ منين جبتي ؟
_ بابا غياث جان يمي خاتل وانه ماكلت لاحد من خابرك عمي ورحت هو باك الفلوس والمسدس
وشرد وانه اجيت كتلكم
_ ليش بابا هيج سويتي
_ هددني ماكول
_ شنو هددج مو تدرين بي حياته بخطر ويردونه بروح هسة مات وراح وإذا عرفوا بيج جنتي
ضامته إلا يشربون من دمج
_بابا
_ ديري بالج تكولين دفني ضمته واسكتي
_ عمة ام فرح تدري
_ لتخافين ماتحجي ام فرح اطمني يلا كومي
بدلي لما اسويلج اكل اكلي ونامي
هزيت راسي اخذ شماغ غياث جلبت بي باوعلي مجلبه بالشماغ بايدي حيل
_ رنا
_ اخر ذكرى بقت منه رده لي
_ اخاف يشوفوا يمج ويعرفون بي جنتي ضامته
_ مراح اشوفه
_ ماشي ضمي زين
هزيت راسي واخذت الشماغ وكمت طلع ابوي ضميته ويه اغراضي زين رجعت بدلت وطلعت غسلت وجي وكعدت يم ابوي بالمطبخ جان يسوي
اكل أصلا مالي نفس صورة غياث متروح
من بالي اكلت شلون مجان.
_ خل اطمن على عمج
اتصل على عمي واطمن كالوله نفس الشي ماكو تحسن بحالته وبعده داخل غيبوبة ...
_معجزة إذا طلع منها عمج
مارديت خليت وكمت رحت نمت اريد أنام مكدر غياث طابع بالي وصوت ضميري يأنبني
انه السبب انه ضميته عنهم .
أنت تقرأ
حفيدة آلـ سرحان ( مكتملة )
Mystery / Thrillerتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
