حفيدة آلـ سرحان ( مكتملة )

بارت ماقبل الأخير

القصة : ( حفيدة آلـ سرحان ؟ )
الكاتبة : رواء هادي
يوزر حسابي على الانستغرام : royan4h@
قراءة ممتعة لجميع
ــــــــــــــــــــــــــــــــــــــــــــــــــــــــــــــــــــ

بالليل اجت مريم واحمد يتعللون قبل
لا يرحون كامت مريم وگالتلي ...

- رناوي حبي معتازة شغلة

رنا - شمعتازة

- شغلة خاصة

- امم

رحنا لغرفتي دخلنا طبكت الباب وگالت "

- جهزي روحچ لعرس غياث

- راح يزوج ؟

- اي

- تحجين صدك لو تشاقين ؟

- لا والله احجي صدك راح يزوج

- الله يسمع من حلكج

- فرحانة ؟

- اي والله كلش فرحانة وأخيراً
راح يزوج واخلص منه

- لهاي الدرجة ماتحبي

- اي

- ليش هيج تكرهي ؟

- ترى ماخله شي حلو بگلبي علمود احبه بي

- قبل صغير هسة كبر واختلف

- شختلف مريم صار انكس لعد تسوى
سوه عركة شكبرها وشكدها
علمود طالعة الوحدي

- مايتحمل احد يباوعلج

- خل يولن مريم جايب صاحبة مُهيـم ويباوع لسارة وتگله ولا جن اخوج مكار وجذاب يكيف يلكه زلة يرزلني بيها هو گالها من صغره

إلا اذلچ يريد ذلتي بس ماعلش اللي يذلني. ...

- لاتخاطين سارة وياج

- شنو الفرق لعد عنده غيره على بت عمه
وماعنده غيره على اخته

- شنو ماعنده غيره اشو ماتعرفين تحجين رنا بيت ابو فلاح جانوا يردون سارة وابوي منطيها لهم بالخط العريض حتى الفاتحة
قارينها جانوا

- اي هاي هم ينطون بناتهم بكيفهم

- خلص هسة لا أنتِ اخذتي غياث ولا سارة اخذت مُهيـم سدوا السيرة بعد ..عود ماوصيچ
لا تجين للخطوبة وبيني آل سرحان
مكسورة وغيرانة

- وليش ماجي لا الله اول وحدة اجي
واجرلي فستان  بشرط أبيض

- رناا لتلعبين بالنار

- والله إلا فستان ابيض مال عرايس اجيب

- لتجين لعد

- والله اجي وأكل كيك وجكليت خطوبة
ابن عمي الغالي ذيب المكذل

- بيج بلا اسود نفس سارة

- اريد اشوفه منو الكسب انه لو هو ؟