-- حفيدة آلـ سرحان
بقلمي/ أنا رواء هادي
لا تنسون تخلون لايك وتعلقون بين الفقرات
قراءة ممتعة لجميع 🤍🌿
كام من فوك الدرج لو كلبي ركع بالكاع من الخوف انه اخاف من الزلم صارت بي خوفة من كويظم
نزل بتجاهي قرب علية تفصل بيناتنه مسافة
صغيرة وكال بصوت ناصي
بس جان مسموع "
- اكعدي راحة احسلچ ترى اسوي حياتچ جحيم
ـ تسوي حياة منو جحيم ؟
ـ لتشو...
ـ لا اشوفك ولا اشوفني افتهمت لو لا ترى بالقرآن الكريم اوصل كلشي العمامي واخلهم
هم يصرفون وياك
خليت ومشيت من يمه حجه "
تخوفيني بارهابية واني ابن الدولة
ـ بارك الله بولد الدولة يتحرشون بنات الناس
لو هيج ولد دولتنا لو ماتنراد
لطمته على حلكه وخليت ودخلت يم وردة وبيبي
بيبي ـ رجعتي ؟
مارديت عليها خليت وكعدت بالكاع مطيتهن ظهري ساعة زمان طلعنا مصطفى مجان موجود
رايح لأهله رجعنا للبيت ...
الظهر نايمة على ظهري وباوع لسكف الغرفة وافكر بموضوع المدرسة صوت بداخلي يكلي لتكملين وارجعي لاهلچ وردة تريد تغشمرچ
هاي نهلة كملت دراسه وصفت والمطاعم والمقاهي تفتر وتشتغل ماشتغلت بشهادتها وأنتِ معايزة
فلوس وتعب زايد عندچ مال ابوچ ...
بعد تفكير طويل وصلت لنتيجة ...
قررت مارجع للمدرسة واشتغل على قضيتي ويه وردة واحذف الدليل واطفر لاهلي..
توني فتحت باب الغرفة واسمع
صوت زوجها ابو حسن
ابو حسن ـ شوگي شوگي چبير الچ ورداتي
وردة ـ بعد أهلي هههههه
خليت ورجعت للغرفة هذا ماتحمل فراق وردة ورجع أمدة حظي عبالي راح يطول زعلة وردة
ماتتحمل وتردني لاهلي
المهم للعصر طلعت سلمت عليه وكال ..
ابو حسن ـ جهزي نفسچ المغرب نطلع نتونس
وردة ـ ماوصيچ لبسي ملابس مجادية
رنا ـ وردة
ابو حسن ـ عيب بوية شنو وردة هاي امچ
كولي لها يمة يوم ماما لو هاي
الكلمات ثكيلة بالسانچ
رنا ـ اثكل من ثكل الحديد بالساني
خليت وكمت ضايجة طلعت بره باردة كلش باوع للحارس كاعد فوك الكرسي ويخابر اجت
بالي اطلع افتر شوية
رجعت للبيت بدلت واخذت فلوس من فلوس لانطاهن لي عمي وطلعت وردة ماتدري بي وصلت كدام الباب الحارس سد الاتصال وكام
الحارس ـ وين ست ؟
رنا ـ هنا اشتري
الحارس ـ اني اشتريلچ شتردين ؟
أنت تقرأ
حفيدة آلـ سرحان ( مكتملة )
Mystery / Thrillerتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
