حفيدة آلـ سرحان ( مكتملة )

بارت 11

القصة : ( حفيدة آلـ سرحان؟ )
الكاتبة : رواء هادي
يوزر حسابي على الانستغرام : royan4h@
قراءة ممتعة للجميع

عيوني توسعت من شفتهم حفروا الحفرة والكل كمز مختنك من الريحة الكريهة تطلع من الحفرة الكل صارت تكح بصوت عالي والرائحة الكريهة

وصلت لعندي ردت اتقيئ بسرعة سديت خشمي وحلكي بأطراف حجابي ورصيت عليهن حيل
بس بدون فائدة الريحة الكريهة

كلش كلش كريهة جانت ولأول مرة اشم هيج ريحة ابوي مخلي الشماغ على خشمه ولازمه بايده
حيل وكال بصوت مختنك

_ بسرعة شيلوا الجثة لا احد يجي

رد عليه وسام ...

_ راح تطلع روحنا عمي

يرد ابوي بانزعاج '
وطلعتهم يلا تحركوا بسرعة شيلوا الجثة

يرد فاضل هو يتقدم للحفرة وساد خشمة بالجفية ...
حجي عمي صدك هم يلا ننقلها لغير مكان
بالساعات يداهمون المنطقة...

_يلا شباب همتكم

كمت بسرعة مختنكة طلعت من البستان سارة واكفة كدامي سادة خشمها بايدها وتاشرلي بايدها
الثانية اجي لعدها

رحتلها بسرعة حجيت بالكوه ...

_ سارة

_ شفتهم لتحجين امشي بسرعة للبيت

هزيت راسي وشلت الاغراض وياها ورجعنا للبيت شوي هنا ردت روحنا ريحة ماكو وحدة مكابله الثانية وتجر بالنفس نريد نطلع نفس الزفر
وناخذ نفس نظيف ..

_عمي رجع يشتغل وياهم

_ اي

_ شنو ذنب هالمسكين كاتلينه ودافنينه بستانه قلت بساتين بزول إلا بالبستان مالتنه

_ مادري

_خل يرجع عمي وانه اعلمه

_وانه هم مراح اسكت

_ ولا انه اسكت شلون يدفنون رجال مقتول
بنص كاعنه يردون يورطونه ذولة

_ يمكن

_ اكيد مو يمكن فوتي جوه خل نسبح روحي
راح تطلع صدك لو كالوا اكره ريحة ريحة
الانسان من يموت .

بوجهنا للحمام هي سحبت اول وانه وراها سبحت جان عدهم حمام واحد كلها تسبح بي كملنا سبح وبقينا ننتظر ابوي للعصر يلا بين

سارة تباوعلي وانه اباوعلها نريد فرصة نحاجي بيها ابوي احمد كاعد يمه وجعفر هم كاعد يمه جعفر يسأل على مكان عمي وين ..

جعفر _ هسة غير لو تحجون

احمد _مالي دخل لحد يسألني رايح للبيت

جعفر _ اسأل منو لعد لا أنت ولا عمي
يكول وين مكان عمي

ابو رنا _ مالكم دخل بمكانه انه مامنه بمكان امن عود من يصير زين يجي لعدكم بنفسه روحتكم له لا تقدم ولا تأخر ولا راح تشفي من البي بالعكس راح
تضره وراح تجيب له الذ أعدائه