القصة : ( حفيدة آلـ سرحان ؟ )
الكاتبة : رواء هادي
يوزر حسابي على الانستغرام : royan4h@
قراءة ممتعة للجميع .
انه عطت بعلو صوتي بسرعة عاف ايديه وسد حلكي بايده ومطلني بفراشي وصار فوكي متتت من
الخوف خفت لا يتحرش بي .
فتحت عيوني والصدمة لي قرب على
وجهي وكال بصوت ناصي
_ تكولين المطلوب لو اطير روحج
بقيت بس اهز براسي وادفع بي بايديه ولا جن جنه ثور وفوكي صاير رجع قرب راسه يم
اذاني وهمس باذاني ...
_ تكولين للشيخ اريد غياث ماريد كاظم مفهوم
حيلي كله صار يرجف من الخوف رجع يباوع بعيوني رفع ايده بسرعة عني وكام من فوكي عدل ملابسه ومشى بتجاه الباب كعدت بفراشي
ميته من الخوف اباوعله خله ايده على يده
الباب دار وجه عليه وكال
_ولما صار المطلوب ياويلج مني رنا
مارديت عليه خفت يرجعلي فتح الباب وطلع بقيت ابجي وامسح بدموعي اريد اوكف بجي ماكدر انهاريت من البجي انفتح الباب
دخلت سارة تضحك من شافتني ابجي سدت
الباب بسرعة واجت مستغربة
_ شبيج ؟
_ ابوي وين ؟
_بالمضيف يم الشيخ
_صيحي
_ وين اصيحه هم دزوني عليج يردونج بالمضيف يلا بسرعة بدلي ولبسي حجابج الشيخ رايدج
_شيريد ؟
_ مادري
_سارة احجي شيردون مني .
_شمدريني كالولي صيحي رنا بسرعة
_عماتي وين
_الكل يم الشيخ بس انه دزوني عليج
_شمعنى ؟
_شمدريني يلا استعجلي ورانه نومه
_ بيش الساعة ؟
_ بال١ بالليل
_بعدها الليل؟
_اي يلا بسرعة يردون يحلون المشكلة
وكلمن يولي البيته
هزيت راسي ومسحت دموعي وكمت بدلت ولبست حجابي عدل وطلعت غسلت وجهي واخذتني للمضيف أصلا اخاف ادخل
بقيت واكفة بالطرمة وباوع للباب
دفعتني من ظهري وكالت
_ تمشين لو ادفع بيج نفس المطي دمشي عاد
_ امشي عوفيني
_ بساع متتت اريد انام
_اممم .. دخلي اول
_ ماشي بس امشي
_امم ... يلا دخلي
دخلت سارة دخلت وراها رفعت راسي الشيخ كاعد بنص المضيف وعمي ابو غياث بصفه كاعد وابوي
هم وكل عمامي ولدهم والنسوان كلها
أنت تقرأ
حفيدة آلـ سرحان ( مكتملة )
Mystery / Thrillerتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
