حفيدة آلـ سرحان ( مكتملة )

بارت 7

الجزء الثاني # حفيدة آلـ سرحان
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .

ـــــــــــــــــــــــــــــــــــــــــــــــــــــــــــــــــــــــــــــــــــــــــ
{ الجزء الثاني البارت 7 }
ــــــــــــــــــــــــــــــــــــــــــــــــــــــــــــــــــــــــــــــــــ

ابو غياث - هذا مُهيـم الكلب ابن الكلب
حاظرني على الفيس بوك ؟

غياث - عليش يحظرك ؟

ابو رنا - شبي تخبل ...يحظرك ؟!

اختنكت بالجبساية وكمت اكح بصوت عالي خليت وطلعت عدل للمطبخ شربت ماي ' انه
حظرته وأبوي عباله هو حاظره 

اسمع غياث يگله '
لا يابة ماحاظرك أنت حاظره !

ابو غياث - ماحاظر ... ولا تطمطم له الكلب
حظرني مايريدني اشوف سوالفة المكسرة
 طايح الحظ جيب التلفون

غياث - هاك شوف أنت الحاظر مو هو

ابو غياث - خل يولي هالجلب .. سارة
يابة جيبيلي جاي

سارة - صار يابة

كتمت ضحكتي ابوي غلس واكيد عرفني انه حظرته ومابين لهم انه الحاظره همزين سويت چاي لابوي وصبيتله وديته له ابتسم بوجهي

رجعت الابتسامة له ورجعت نمت على رجل امي وحسون بحضني نباوع على التلفزيون الكعدة
جانت حلوة ونوب ابوي اتصل بابو فلاح

ونزل دوسة ونص على مُهيـم علمود منزل منشورات له هو طالع خارج العراق شحن ابو فلاح شحن
على ابنه وانه خربانة من الضحك بگلبي

بقينا كاعدين لحد الساعة بالـ ١٢ وراها كمنا نمنا ابوي وغياث وعلاوي بالاستقبال ناموا واحنا بغرفة رناوي نمنه نمت يم رناوي فوك الجرباية

ثاني يوم الصبح كعدنا وره الريوك اخذت رنا
وكعدنا بالغرفة احجي وياها

- رنا والله يحبج شبيج خايفة

- مايحبني سارة كل همه يذلني
ويذل وردة وال سرحان

- اي هواي مايحبج ويريد يذل العالم ولج لو مايحبج مابذب لحم بالخطوبة جان مامصدك ههههه كلما اذكر شكد جان فرحان ويركص اخرب

من الضحك فضح نفسه فضح هههههه

- هههه لاا

- والله ههههه

- بس يريد يحرك گلوب

- دولي غير مامصدك وهسة تلكي يتكلب
بفراشه لصبح من الفرحة

- تضحكين علية ؟

- انجبي ام كفشة ماشفتي البارحة شكد  جان
فرحان ومامصدك صرتي مرته وهسة شفته
فرحان وطاير من الفرحة