القصة : ( حفيدة آلـ سرحان؟ )
الكاتبة : رواء هادي
يوزر حسابي على الانستغرام : royan4h@
لا تنسون تعلقون بين الفقرات وتخلون
لايك .قراءة ممتعة لجميع.
انه سمعت صوته بسرعة شردت للبيت أكيد واحد من ربع ابوي طالع بره وسمعني الوب من الوجع رحت لامي ابجي انطتني علاج ونمت يمها
لوجه الصبح ارجف لزمتني رجافة
شافني ابوي هيج كال
ابو غياث - بدلي خل اوديج للدكتور
قبل لا اروح لاخوج
سارة - مابي شي
ابو غياث ـ انتظرج بره
خله وطلع كال انتظرج بره خلص ماكو نقاش كمت مثل خوش مره طلعت الي ملابس امي بدلت و
لبست جبة وحجابي عدلته وطلعت
الوحدي لكيت ابوي ينتظرني بالطرمة...
ابو غياث - اخذتي برد
سارة ـ اي
ابو غياث ـ خل يضربچ ابره
سارة ـ بكيفك
ابو غياث ـ راح نوديچ انه مُهيـم
سارة ـ منو هذا ؟
ابو غياث ـ ابن صديقي ابو فلاح يلا امشي
مشى ابوي مشيت وراه اطكطك بسنوني من
البرد فتح الباب وانه وراه طلعنا سيارة
اخر موديل بيضة عالية
ولد ابيض للكشر باللحية وشارب واكف
يمها من شافنه ضحك وكال
مُهيـم - عبالي طفلة هههه
ابو غياث - لا مره يلا اصعد
مُهيـم ـ السلام عليكم شلونچ يابة
سارة - وعليكم السلام خوية زينة
سلمت وفتحت باب السيارة وصعدت ليورة وابوي بالصدر صعد جان صاك وعلي بس مالي نفس
أصلا صار عندي لعبان نفس
سديت حلكي بايدي بسرعة مد ايده ناوشني علاكة
مُهيـم - هاچ
اخذتها من ايده وصرت ازوع يبوووة
انفضحت وعلي كدام رجال غريب
ابوي التفت علية وكال
ابو غياث ـ سكراب صرتي ذيبة
سارة ـ راح اموت يابة
ابو غياث ـ ذيبة ماتموتين هسة اضربچ ابره
ترجعين نفس الحصان ..حرك
حرك السيارة وانه لازمة العلاكة بايدي كساع ازوع انتهيت آخر شي كمت ابچي مثل الجهال
ماتحمل الوجع ماتحمل
خطية الولد انقهر علية بقى بس يباوع بالمراية وصلنا عيادة نزلنا شمرت من ايدي العلاكة على الرصيف ورحت امشي بصف ابوي
دخلنا العيادة جانت بنية ولد موجودين البنية جيكت وضعي وكالت مستبردة ضربتني ابره وعلاج هم انطتني ورجعت يم ابوي دفع الحساب
أنت تقرأ
حفيدة آلـ سرحان ( مكتملة )
Mystery / Thrillerتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
