حفيدة آلـ سرحان ( مكتملة )

البارت 3

الجزء الثاني # حفيدة آلـ سرحان
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .
ـــــــــــــــــــــــــــــــــــــــــــــــــــــــــــــــــــــــــــــــــــــــــ
{ الجزء الثاني البارت 3}
ــــــــــــــــــــــــــــــــــــــــــــــــــــــــــــــــــــــــــــــــــ

صار يطلعلي ويضحك بقيت اسوي بالكهوة حظرت فناجين كهوة لهم فزيت من سمعت صوت مُهيـم
وره ظهري التفتت ماشفت كرار بالمطبخ !؟

واكف كدامي ويضحك عباله
جاي اصب چاي ...

- سارة ماتچيبيلي چاي

- ماعدكم شكر

- مو مشكلة نظراتچ بدل الشكر

- ادبسززز

- هاي شبيچ ؟

- شنو شبي ؟! ..متستحي على نفسك
تحجي وياي بهالطريقة ؟!

- موصوچچ

- قليل ادب

خله وطلع منزعج هاي العايزة يتغزل بي وعباله نفس ذني البنات اكيف من ولد يشمرلي حجي وابقى
اخذ وانطي وياه لو اتمضحكله...

رجعت صبيت الگهوة وصحت على كرار من المطبخ

- كرار عمة تعال اخذ الگهوة

اجه كرار بسرعة '
گملتي عمة

- اي عمة گملت وين رحت وعفتني ؟

- يم جدو صاحني تشهي الريحة

- چرب وشوف

- ههه اي هسة نچرب گهوة بت آل سرحان هههه

شال واحد من الفناجين وشرب..
تخبل عاشت ايدج عمة

- منو اطيب كهوتي لو گهوة ابرار

- بدون مجاملة گهوتچ تفوز

- احممم احممم

- سباعية عمة سارة سباعية

- شعبالك لعد حسبت احسابك عود وياهم

- بت اصول

- طبعاً.. خل اصب للبقية

اخذ صينية الگهوة وطلع رحت حظرت گهوة النه اخذتها ورحت يم امهاتي واخواتي عمة ام فلاح شربت وكامت تحمد بگهوتي نفخت نفسي

فرح ضاجت ماعرف ليش وگالت ؟...

فرح - انه هم اعرف عمة

ام فلاح - هم نفس سارة تسوينها طيبة

تبارك - لا والله مو نفس سارة هههههه

فرح - نفسها انتو تخافون منها وماتحجون

نوف - شنو صايرة وحش ونخاف منها هاي
الحقيقة گهوة سارة بالوصف

ام فرح - صحيح سارة احسن وحدة تسوي گهوة