حفيدة آلـ سرحان ( مكتملة )

البارت 9

الجزء الثاني # حفيدة آلـ سرحان
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .

ـــــــــــــــــــــــــــــــــــــــــــــــــــــــــــــــــــــــــــــــــــــــــ
{ الجزء الثاني البارت 9 }
ــــــــــــــــــــــــــــــــــــــــــــــــــــــــــــــــــــــــــــــــــ

جريت ايدي من ايده ونزلت ايدي الثانية بحضني شابكت ايديه الاثنين والوردة بحضني عفتها خجلانة ومستحية منه أريد اشرد ماتحمل انه هيج

استحي والله جنت اتعارك ويه عادي كلمة مناه
وكلمة مناه كلهن سب وغلط مو هسة كلهن غزل
وتهيج مشاعر وتخربط الوضع كله ..

- رناوي

- هاا  ؟

- أحبچ

هو گال أجبچ وحسيتها من گل گلبه گالها خجلت كلش وضعي تخربط بسرعة فتحت باب السيارة وردت انزل ماتحمل انه الغزل استحي

وبالأخص منه ماتحمل كلام الحلو متعودة على العرايك والسب والغلط احسه من يتغزل بي مو هو هذا غيره توني ردت انزل جلب بايدي

- وين رايحة ؟ رنا .. شنو ماعجبچ كلامي ؟!

جريت ايده من ايدي وگتله '
اريد انزل

- وين نازله ؟

- اروح للبيت

- شصخمين بالبيت رنا انه بيا حال وأنتِ بيا
حال شبيج باردة وماتهتمين ؟

- مادري

- رنا لتخبلين شنو ماتدرين ؟!

- مادري شبيك انطيني مجال

- يابة المجال كدامچ مفتوح بس انه هم اريد مجال اعترف لچ انه احبج واريد اكمل حياتي وياج
واريد اعوضج عن كل الفات

واثبتچ انه مو نفس ما أنتِ مفكرة ...

- الله كريم

- ويييين ؟

ردت انزل جرني من زندي حيل علية إلا شوي وكعت بحضنه وجعني ورجع سد الباب حيل ضاج بسرعة بعدت عنه وعدلت كعتي حتى الوردة وكعت

بين رجليه باوعتله ضايجة '

- شبيك ملخت ايدي

- تستاهلين من احجي وياج باوعيلي مو تشردين شبيج صايرة فدمرة فاهية وين جنتي تاكلين
الطفة شبيج رنا شبيج ؟

- ماتكيف عقلت

- هذا عقل لو برود !؟

- عقل

- ماحبه ارجعي ام كفشة الوكحة ماحب الفهاوة 

- هاا تريك مشاكل

- ياريت مشاكل ولا هاي الحالة احجي
كلمة تستحين وتشردين

- افهم مامتعودة عليك انه متعودة على
غياث المخبل الشاخط مو هذا
مدري شلون احسك مدري