حفيدة آلـ سرحان ( مكتملة )

بارت الأخيرة من الجزء الاول

القصة : ( حفيدة آلـ سرحان )
الكاتبة : رواء هادي
يوزر حسابي على الانستغرام : royan4h@
قراءة ممتعة لجميع
ــــــــــــــــــــــــــــــــــــــــــــــــــــــــــــــــــــ

رحت لميت هدومي بجنطة سفر وتلفوني وطلعت وصلني ابوي لبيت عمي نزلت الجنطة اسحل بيها وراي وكفت بنص الطرمة من شفت غياث

لابس دشداشة بيضة وشعره مخرط وعيونه حمرة دم صايرة مبين هواي باجي بلع ريجة
وگالي بصوت ناصي

- ابشرچ انذليت

مارديت دنكت راسي قربلي وگال "
افرحي هلهلي اخذتي بـحيفچ مني ابوي بين الحياة والموت ومايريدني امشي وياه وأختي
سارة راح تروح زعلانة مني

بلعت ريجي ورفعت رأسي باوعتله عيونه
انترست دموع گلبي نبزني علية ماعرف
ليش رديت بصوت ناصي

- انه شلي دخل

- أنتِ السبب كله من وراچ الصار بي

- شلي دخل ليش ذب الصوج بي !

- هاي الحقيقة رحتي كبرتي الموضوع وسويتي سالفة من سالفة وخليتي عمي يحقد علية ويبطل ماينطيج لي ورحت عاندت ابوي وزوجت غريبة
ماراضي عليها ..الله يحرك كلبج نفس
ماحركتي كلبي بأهلي

خله ومشى راح صعد بالسيارة درت وجي اباوعله انه شلي دخل مو هو اللي سوه مشكلة من مشكلة علمود جاية الوحدي وانه گلت لابوي راح اروح

البيت عمي اودي لهم چكليت بمناسبة
حمل مرته وگال روحي يابة ...

مشيت والجنطة وراي الباب جان مفتوح دخلت اول مدخلت طلعت بوجهي بنية سمره حنطاوية سمينة اقصر مني بشوي مكياج مامخليه

وظافره شعرها جان شعرها طويل وظفيرتها طويله وميشة ميش اشقر بقت تباوعلي من فوك
ليجوه وچان تگول بنبرة مستفزة

- منو أنتِ ؟شلون طبين ؟

- عفواً حبيبتي انه بت هذا البيت مو غريبة

- بت هذا البيت اشو ماشفتج لاحنة
ولاعرس تضحكين علية

- جان عندي ظروف وماكدرت احظر العرس...
..لحظة أطياف زوجه غياث أنتِ ؟

- نعم منو حظرتج ؟

- اعرفچ على نفسي رنا بت عم غياث الوحيدة

- اعذريني والله ماعرفتچ

ـ بت حمزة إذا تعرفي

- حمزة منو ماعرفه

- ابو رنا اخو عمي ابو غياث من امه
وابوه عرفتي هسة

- هاا ابو رنا اي عرفته اهلا وسهلا بيج حياتي تفضلي

بسرعة ضحكت بوجي وحضنتني وبوستني بخدودي وانه هم بوستها بخدودها بعدت عني تضحك فزيت وگلبي وكع جوه رجليه من دخل غياث وگال