حفيدة آلـ سرحان ( مكتملة )

البارت 20

الجزء الثاني # حفيدة آلـ سرحان
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .
ـــــــــــــــــــــــــــــــــــــــــــــــــــــــــــــــــــــــــــــــــــــــــ
{ الجزء الثاني البارت 20}
ــــــــــــــــــــــــــــــــــــــــــــــــــــــــــــــــــــــــــــــــــ

زفرت هوى وجلبت بعباية أمي حيل دموعي نزلن بسرعة عماتي يخزرن بي عمامي جارخين سنونهم علية انه ادري يردون موتي علمود ماحصلوا

ورث ابوي ورث عمي من وراي ومن وره مريم "

جرني غياث من ايدي ومشى بي قبل
الكل وكفني بصف سيارته ابجي ...

- سارة ارفعي راسچ ...انه واثق بيچ
كلشي مابيچ ليش خايفة ؟!

- أنت واثق بس انه مواثقة خاف اطلع مو بنية

- سارة احجي الصدك مُهيـم اعتده عليچ لو لا

- مادري

- سارة شنو ماتدرين ؟!

- مو جنت فاقدة بالمستشفى
شمدريني صار ماصار بي

- مال معتدي عليج بالمستشفى هاي مستحيلة
مايكدر يسويها احنا محد تيهج دقيقة
وحدة شلون اعتده ؟

- مادري

- اسكتي سارة ولتخافين وخليچ
قوية مطمنه كلشي مابيچ

- وإذا بي راح يگتلوني لو يزوجوني لاخوه

- اگتل عمامي واخذچ وهج بيچ لديره ظلمة

- ماتنطيني ؟

- شلون انطيچ سارة ! اكو واحد ينطي اخته الشريفة لو مو شريفة بيها باب وجواب بس أنتِ شريفة ونظيفة وصغيرة وتحملتي مسؤولية

اهلج ومافديوم احد وصل طرف ثوبچ ترديني انسى كل هذا واسلمچ ال سرحان الكواويد هم لو شرفاء جان كتلوا عرضهم السكط مو طمطمولة

- يردون يگتلوني علمود وكفت
بعينهم انه ومريم بغيابكم

- وانه اخوچ اشلع عيونهم
علمودچ ... يلا اصعدي

ماحجيت فتحلي الباب صعدت اجت امي صعدت وعمي حمزة رادن عماتي يصعدن ماخلاهن غياث تعاركوا عمامي وياه صعد وطبك الباب
ماخله عماتي ويانه

يدري بيهن برابيك المهم عمامي رادوا فلان دكتورة غياث ماقبل تعاركوا بالتلفون غياث يخاف منهم يطلعون متفقين ويه الدكتورة علية