حفيدة آلـ سرحان ( مكتملة )

البارت 5

القصة : ( حفيدة آلـ سرحان؟ )
الكاتبة : رواء هادي
يوزر حسابي على الانستغرام : royan4h@
قراءة ممتعة للجميع.

انه سمعت كلامهم عقلي وكف كام مايستوعب الكلام اللي سمعته طلعوا عائلة مجرمة يقتلون العالم بكل دم بارد علمود الفلوس احمد ربي

واشكره الباب مقفول كعدت مرعوبة يردون يكتلون غياث ابن عمي الوحيد صح انه ماحبه واكرهه مو شلون مجان بس مستحيل اتمنى له

الموت ،وثاني شي موته راح يكون بسببي
وبسبب ورث ابوي اللي خلاه لي .

كمزت من مكاني من انفرت يده الباب وسمعت
صوت احمد ابن عمة مواهب الله يرحمها

احمد _ خلود صيحي الرنا

خلود _ هاك نايمة ومقفول الباب

احمد _ كعديها

خلود _ خطية

احمد _ كعديها اكلج

خلود _ ماشي.. رنا ماما اكعدي احمد
ابن عمتج يريدج

بسرعة رديت ...
اي هسة بس أبدل واطلع
خل ينتظر

خلود _هو هوينه جاي ينتظر باب الغرفة

رنا _ ماشي

احمد _ هاا غسان اليوم هنا

غسان _ والله طلعتلنا شغله بفلان مكان و
كلنا نمر نشوف خلود بطريقنا

احمد _مابيها شي البيت بيتكم

غسان _ رحم الله والديك

أحمد _ والديك

ام غسان _ شكو عليش جاي تاخذ بت خالك ؟

احمد ' خالي ابو غياث دز عليها تساعد البنات

ام غسان _ تساعد بشنو ؟

احمد _ تنظيف المضيف اعتقد عدهم
عزيمة باجر على الغدة

ام خلود _ شنو ماعنده بنات نسوان
داز على بت اخوه

احمد _ چنته هاي خالة ومن حقه يدز
عليها ..كملتي رنا

رنا_ لحظة

ام خلود _ منين اجت چنته .

احمد _ محجوزة خالة لابنه غياث شنو مكالت
لج خلود بعد جم شهر يعرسون

ام غسان _ بيها الخير ابن عمها واوله من الغريب بيها

احمد _ اي هو احنا ماننطي بناتنه للغريب لو
ابن العم ياخذها لة ابن الخال

ام غسان _ اي احسن من الغريبة

احمد_ اي غسان شغلك عملك

غسان _ والله ماكو شي

احمد _ اي الأوضاع مو تمام يمكم سمعت
بايكين بيت وكاتلين مره عجوز

غسان _ اي والله