حفيدة آلـ سرحان ( مكتملة )

البارت 6

الجزء الثاني # حفيدة آلـ سرحان
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .

ـــــــــــــــــــــــــــــــــــــــــــــــــــــــــــــــــــــــــــــــــــــــــ
{ الجزء الثاني البارت 6 }
ــــــــــــــــــــــــــــــــــــــــــــــــــــــــــــــــــــــــــــــــــ

هذا البارت هدية بمناسبة وصول القصة إلى {1} مليون قارئ، أشكركم من أعماق قلبي على هذا الدعم الجميل والرائع، إن شاء الله بفضل الله وبفضلكم طبعاً نسير دائماً نحو النجاح ♥️
ـــــــــــــــــــــــــــــــــــــــــــــــــــــــــــــــــــــــــــــــــــــــــ

وراها رجعنا للبيت وره العشة عمي صاح الرنا
وسارة وحرير اجوي كعدوا يمنه
وفتح وياها الموضوع

ابو رنا - يابة رنا ابن عمج طلب ايدج على سنه الله ورسوله وانه وافقت بي شنو رايج ؟

رنا "  عقلي وكف كام مايستوعب اللي گاله أبوي الي موافق على غياث وانه آخر من يعلم لا والحلو هو موافق ويسألني موافقه لو لا باوعت الـ

سارة نفسي مصدومة غياث ماخذ وضع الهدوء حرير تباوع لابوي بصدمة هم نفسي خطية وتعرف بي ماريد غياث توني ردت ارد اندك الباب

گام غياث گال "
اكيد مريم واحمد اجوي

خله وطلع ابوي رجع گال بجدية "
وافقي رنا

رنا - بابا جاي تحجي ؟

ابو رنا - إذا عندي خاطر عندچ وافقي

رنا - بابا ...

ابو رنا - عيب تفشليني ... وافقي رناوي

حرير - ابو رنا ...

ابو رنا - حرير لا تدخليني بيني وبين بتي وانه من زمان منطيها لابن عمها وهي جانت ترفض ومن شفت العالم وخبثها خفت عليها

أكثر ومامن انطيها للغريب ابن عمها وبيت
عمها اوله بيها من الغريب

نزلت دمعتي رجع گال "
انطيت كلمة گلبچ ينطيچ تفشلين ابوچ كدام
عمچ وعمامچ وتطلعيني بلا كلمة ؟!

خليت وگمت ابجي اجت وراي سارة دخلت للغرفة ابجي دخلت سارة وسدت الباب واجت وكفت
كدامي انه كاعدة فوك الجرباية وابجي

- ليش هيچ يسوي عمي ؟

- ماتحمل بعد انه شبي اخوچ لازك بي مو
يدري بي ماحبه ومالي نفس بي
هي گوه اقبل بي هسة !

- اندري شنو يدور بال هالزلم ؟

- اوووف

- كافي تبجين اطلعي وگولي ماني موافقة عليش هالبجي والعياط .. گومي ولچ لا تبقين جبانة وتسكتين عن حقك كومي رنااا