حفيدة آلـ سرحان ( مكتملة )

البارت 7

القصة : ( حفيدة آلـ سرحان؟ )
الكاتبة : رواء هادي
يوزر حسابي على الانستغرام : royan4h@
قراءة ممتعة للجميع.

ابو غياث _ حقج  علينا يابة ماحسبنه لها
حساب عبالنه من راح تشرد الزلم
مراح يداهمون المكان

ام غياث _ بت البغدادية لا تشرفين برأسي وبراس ابني بت منو أنتِ بت وردة البغدادية اللي خانت رجلها وراحت تزوجت ابن خالها ...

ودربج درب امج هم تشردين
وتصخمين الوجوه .

ابو رنا _ لزمي حدج ام غياث وخليني محترمج

ابو غياث _ ام غياث انجبي لو اجي اكسر حلكج

ام غياث _ من حجاية الحق كلها تضوج

خلت ودخلت لغرفتها ضايجة وراها غياث وبناتها ابوي ضاج كلش وانه نهاريت من البجي ام فرح
ردت تجرني من ابوي ماخلاها

ام فرح _ انطينياها ابو رنا

ابو رنا _ عوفيها ام فرح لظاهر بتي مالها
مكان بهذا البيت بعد

ابو غياث _ حمزة تنعل الشيطان ولا تاخذ بكلام النسوان وتعال استريح وخل نفتهم .
.ليش تزعل وتروح

ابو رنا _ رايح لبيتي امشي بابا

ام فرح _ عيوني ابو رنا لتأخذ على خاطرك مني والله لصالح رنا ضربتها والله العظيم رنا معزتها
معزة عندي وحالها من حال بنياتي

ابو رنا _ اي هواي عزيزة عدكم

خله ومشى ابوي عمي هالمرة ساكت لا حجه لاكال لا دافع لنه لا كام كتل مرته ام غياث شسالفة ...مروا يومين وابوي زعلان حتى بيت

عمي ماوصل بعد وانه مافاتحته بموضوع شغله علاس بقيت ساكته ماريد ازيد من همة العصر نظفت البيت وطبخت العشة وطلعت لكيته

كاعد بالحديقة وايده على خدة صافن .كعدت
بصفة تشجعت وسألته بخصوص شغله .

_ بابا شورطك بشغل العلاسة

جر النفس بحسرة وزفر بقوى وكال ...

_ امج دمرتني ورطتني بشغل الحرام

_ ليش دخلت بالحرام

_ ماردت اخسرج بسبب العوزة مثل ماخسرت امج كلت اشتغل أي شغل بعد اهم شي أمن لبتي عيشة حلوة وترضيها وتخليها فخورة بنفسها

عد اب مثلي

_ انه فخورة بيك بابا بس هسة راح تطيح من عيني عوف شغل العلاسة ابوس ايدك ارجلك عوفه ماريد اخسرك بابا ماريد ..والله ماعندي

غيرك سند لي بهاي الحياة ...

دنكت بست ايده ورجله وابجي واتوسل بي يعوف شغل العلاسة لأن ماريد اخسره ماعندي معين غيرة العمام كلها تكرهني وام غياث

اللي عبالي تحبني طلعت حية صفرة
واليوم رشت سمها علية

حضني كل قوته وكال...