---- حفيدة آلـ سرحان
بقلمي/ أنا رواء هادي
لا تنسون تخلون لايك وتعلقون بين الفقرات
قراءة ممتعة لجميع 🤍🌿
هذا البارت كتبته لكم وقت فراغي لأن مايهون علية اخليكم تنتظرون وإن شاء الله البارت القادم
بعد وره العشرة الأولى .
شفت ابوي اجه بسرعة سديت الخط بوجه وردة وضميت التلفون بجيبي اجه بتجاهي
باوعتله يضحكة وكتله
ـ هاا يابة ؟
ـ مُهيـم يريد يرجع
ـ شعنده ؟
ـ كال اكمل ريوكي وارجع لأهلي
ـ مو كال اضل يمك يومين ونرجع
سوه نجيب اغراضي
ـ شمدريني روح شوفه
ـ ماشي .. رايح للبيت ؟
ـ اي
ـ هاا
ـ تعبان ونعسان سارة ماخلتني انام
ـ على طاري سارة متخبله وضالة
ـ حقها تتخيل أخذت مكاني ومكانك
لسنوات شتريدها صير
ـ والله بس هي متخبله مريم هي هي والبقية هم هادئات إلا سارة صايرة انكس من رنا ولسانها متبري منها تلاسن احمد عينك عينك ولا تخجل
ـ اي ماكو شخص يبقى مثل ماهو يتغير ويه
تغيرات الظروف وسارة اخذت مكانه
مو مثل البقية بقن بمكانهن
ـ اي صح بس محلو هيج لازم ترجع مثل قبل هادئة
ـ ترجع شوي شوي لمكانها الصح
ـ اي
عافني وراح للبيت رحت للمظيف يم احمد ومُهيـم جانوا يتريكون ماكلت تمددت فوك الكرويتة وافكر ارجع سارة لمكانها الصح محلو البنية
تسترجل وتلاسن الزلم مهما يكن احمد يبقى ابن عمتنا مو اخوها وتلاسنه وتغلط وتسب بي عادي اخوان وكلشي يصير بيناتهم
لكن احمد خط أحمر ولازم اعلمها تحترمه .
شال احمد الصينية مُهيـم باوعلي وكال "
راح امشي معتاز شي ؟
ـ وين مولي
ـ لبيتنه
ـ شعندك
ـ واحد مايروح لبيته إلا عنده شغله
ـ مُهيـم شعندك
ـ غياث شبيك ؟
ـ احجي شعندك راجع
ـ اوووف
ـ منو منهن ؟
ـ الوسطانية
ـ مو كتلك مايجر عدل إلا دكه
ـ هو هم هيج راح ادكه دكه محترمه
واخلي غصب عنه يحترمها
ـ اي هذا الصح محتاج مساعدة
ـ متقصر بس مشاكل عائلية وتنحل بيناتنه
أنت تقرأ
حفيدة آلـ سرحان ( مكتملة )
Mystery / Thrillerتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
