القصة : ( حفيدة آلـ سرحان؟ )
الكاتبة : رواء هادي
يوزر حسابي على الانستغرام : royan4h@
قراءة ممتعة للجميع .
رجعنا بالسيارة وكف غياث السيارة كدام صيدلية
نزل ابوي يشتري علاج فاتت من يمنه سيارة
جيش نفس الجيش لداهمونه
بسرعة كلت لغياث بضحكة ...
رنا_ غياث باوع صكارينك
التفتلي عيونه براسه صايرة ...
غياث _ انعل ابوج يابو صكاريني وياج
رنا _ ترى انزل واكوللهم هذا ذيب آل سرحان
العلاس تعالوا اخذو وخلصونه منه
غياث _ تنجبين لو اسكتج بطريقتي
رنا_ لااا حرامات تعالوا صكارين ذيب آل
سرحان ولكم تعالووا وين رحتوا
سارة _ رنا يشيلون ابوج هم
غياث _ بت القندرة من دمج ولحمج
تغدرين بي نفس ام...
راد يعيرني بامي خله وسكت من شاف ابوي اجه وانه هم سكتت طول الطريق ساكته واتمنى اخنكه واخلص منه اموت منه بالقرآن الكريم
اكرهه مو شلون مجان ...
وصلنا للبيت ابوي نزل قبلي ونزل الاغراض من صندوك السيارة باوعلي وكال...
غياث _ ام كفشة شايفة صندوك الي بيه
غراضج هذا شال نص خلك الله بي
رنا_ فخور بنفسك علاس ؟!
غياث _ كلش
نزلت وكلت له '
ادعي الله يجي يوم واحد يعلسك ويعلمك
شنو شعور الناس الي تعلسهم
طبكت الباب حيل ومشيت اخذت من ايدين ابوي ورحت للبيت ابوي وراي دخلت للبيت عدل
لغرفتي بدلت وكعدت أعزل بملابسي
دخل ابوي '
_ تعاركتوا ؟
_ حيوان وحشي هذا
_ رنا
_ بابا فرحان بنفسه يعلس بالناس ويكلها بكل
فخر هذا مو انسان هذا حيوان متوحش
مثل الذياب والخنازير والواوية
_ اففف ماعليج بي
_ خل يولي
_ كملي من ايدج وسوي لنه اكل
_ تدلل بابا شوي واسوي اكل
طلع ابوي شمرت العلاليك من ايدي وكمت اسوي اكل اسمع تلفون ابوي دك رفعه عفت من ايدي وتقربت يم الباب اسمع بحجي ابوي
بي عادة مال تنسط اخذتها من بنات عمي ...
_ اعذرني توبت وحلفت كلام الله ايدي بعد ماخليها بايدكم .. خلص ابو غياث مالي شغل يهددوك بالقتل فلوسك بكد التربان ادفع وسكت الحلوك
كلتلك مالي دخل بعد في امان الله .
هنا فرحت كلش ابوي صدك سواها وترك لا والحلو مهددين عمي بالقتل حيل وابو زايد لعد دم العالم رخيص ودمك غالي العالم هم تريد
أنت تقرأ
حفيدة آلـ سرحان ( مكتملة )
Mystère / Thrillerتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
