حفيدة آلـ سرحان ( مكتملة )

البارت 13

الجزء الثاني # حفيدة آلـ سرحان
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .

ــــــــــــــــــــــــــــــــــــــــــــــــــــــــــــــــــــــــــــــــــــــــ
{ الجزء الثاني البارت 13}
ــــــــــــــــــــــــــــــــــــــــــــــــــــــــــــــــــــــــــــــــــ

سويت نفسي مصدومة من الگالته امي
وانه اساس الحركة كلها ...

- منو حركهن ؟

- مادري

عفت امي وطلعت بطرك البجامة ماريد اخلهم يشكون بي عود مفجوع وكلبي محترك طلعت بره وباوع السيارات النار مشتعله بيهن

والعالم كلها ملتمه وابوي وابو غياث واحد بصف الثاني واكفين ويباوعون غياث وابو كرار وابو براء ولد عمي كلها يطفون بيهن بالطفايات الحريق

مُهيـم - ياكلب ابن الكلب حرك السيارات ؟

ابو فلاح - انه ادري ياكلب ابن الكلب حركهن ...راحت السيارات
يابة راحت ملايين

رحت بتجاه ابوي نوب باردة كلش كمت
اطكطك من البارد واصيح

مُهيـم - قسماً عظماً بالله أنت الحركت إذا
عرفتك إلا احرككك بمكانهههههن

ابو فلاح - انه بايدي احركه ...اخخ يابة
راحت السيارة راحت الفلوس

ابو غياث - افففف الله يكطع ايده على هاي
السواية حركنا حرك تالي الليل

ابوي وابو غياث نفس الارامل واحد مكابل الثاني لما عيب مناك العالم واحد حضن الثاني وكعد يبجي طفوهن واجت الشرطة اجه كرار

جابلي قمصله لبستها وصار تحقيق منو هو محد يعرف والحلو ماكو كاميرات عنده وضاع الفاعل مايدرون الفاعل كاعد بنصهم وكاعد

يواسيهم غياث واكف بصفي "
گتله يابة دخل سيارتك جوه ماسمع مني

- هذا عدو لابوك وابوي يكره الاثنين

- اي سيارتي موجودة مامقترب
لها بس سيارت ابوي وعمي

- اي جان مستهدفهن

- راح يموتون من القهر

- هههه

- مُهيـم ...كافي هسة يذبونها براسك

بسرعة وكفت ضحك ومشيت كعدت كدام باب
بيت غياث اجه كعد بصفي نباوعلهم
جاي يحجون ويه الشرطة