القصة : ( حفيدة آلـ سرحان؟ )
الكاتبة : رواء هادي
يوزر حسابي على الانستغرام : royan4h@
قراءة ممتعة للجميع .
رنا " مرت على الحادثة ثمانية أيام وغياث ماكو ماله طك وحتى أهل البنية انزعجوا وكالوا إذا مااجه وخطب هذا الأسبوع وعلنها رسمي
مراح ننطي مره بعد .
وانه زعلانة على بيت عمي اجني البنات عتذرن ماقبلت اعتذارهن أبد خل يولن انه بمثابة اخت لهن وعشت وياهن على الحلوة والمرة هيج
يسون وياي ويطردني وهاي سارة تكلي ماريد الصابونة تنكست شنو انه نكسه لو جلبة
وتكلي نكاسة حقيرة.
المهم العصر اجه الشيخ ابو رحاب لعدنا يسأل
ابوي على غياث انه واكفة بعتبه باب
الاستقبال واسمع بحجيهم
الشيخ_ طمني اخبار غياث ؟
ابو رنا_ علمني علمك ماله طك
الشيخ _ شنو سالفته الولد من يوم لضرب بتك بي اختفة اسأل يكولون مطلوب لفلان علاسة وانه بتي هواي عالم تريدها خوما ابقى على غياث
ابو رنا_ ماعليه انه أنت وابو غياث حلو السالفة بيناتكم اما انه لا اعرف غياث ولا يعرفني من
يوم لضرب بتي تبريت منه
الشيخ _ ساعة شيطان وضرب بتك قابل متعمد
ابو رنا_ مايهمني شيخ المهم عندي بتي بخير وغياث بعيد عنها لأن مامستعد اخسرها من وره طيش ابن عمها لو صاير بتي شي منو ينطيني
أنت لو ابو غياث لو غياث ينطيني بنية محد ينطيني وانه بتي تعبت عليها بكد تعب امي بي ومستحيل اخلي شي يأذيها يقرب صوبها
الشيخ_ حقك والله اترخص انه
ابو رنا_ مرخوص شيخ
ترخص الشيخ وراح وانه رجعت كعدت يم
ابوي اباوعله يباوعلي بصفنة
_ بابا
_ عيونه ؟
_ خوما سويت بغياث شي
_ هههههه
_ سويتله ؟
_ ذبحته ودفنته باول بزل
_ لااااا
_ هههه جذب ولج عمج ضامة
_ خوفتني
_ شايفه ابوج ولج سفاح
_ شمدريني عبالي سويت بي شي انتقام لي
_ ترديني اخذلج ثارج من ابن عمج؟
_ لا انه اخذه بايدي بس خل يجي
_ هههه اي عفية
_ بالقرآن إلا اطشر راسه مثل ماطشر راسي
_ طشري وانه بظهرج
_ عد عيناك بابا إذا ماطشرت راس ذيب آل
سرحان فلا اطلع رنا آل سرحان
_عفية بالذيبة مالتي
أنت تقرأ
حفيدة آلـ سرحان ( مكتملة )
Bí ẩn / Giật gânتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
