حفيدة آلـ سرحان ( مكتملة )

البارت 11

الجزء الثاني # حفيدة آلـ سرحان
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .

ـــــــــــــــــــــــــــــــــــــــــــــــــــــــــــــــــــــــــــــــــــــــــ
{ الجزء الثاني البارت 11 }
ــــــــــــــــــــــــــــــــــــــــــــــــــــــــــــــــــــــــــــــــــ

ابو فلاح - نوف بت جدك ابو غياث
اليوم بالليل نقرأ الفاتحة

كرار - هاا الف مبروك لخالي مقدماً والله ونعم
ماخذ أخذ حفيدة آلـ سرحان هههههه

هو گال هيج لو طلقة ونضربت بنص صدري مكان گلبي انطه مره لجواد الفاهي العار الجبان وانه الشهم الذيب الغضب الأسود وجنت مداري وشايله نفس الماي بالصينية هو وابنه لسنوات ماينطيني

مره وينطي لابن عمي الفاهي مرررره !؟

خزرت كرار خله وسكت ابوي يباوعلي ويضحك ياناس ياعالم ابوي يشمت بي ! عيوني براسي
صارت اجت بالي ارجع للبيت

اجيب المسدس واخلي طلقة براس ابوي وابو
غياث واروح لسارة احط بيها طلقة
واكتل نفسي وارتاح

ماتحملت عفتهم وطبيت جوه أول ماطبيت
صارت أمي كدامي انفجرت بامي

- شفتي ابوي! شفتي

- خير هم تعاركتوا

- راح خطب نوف لابن عمي العار

- انطوه مره ؟

- اي انطوه للفاهي العار ابن العار وانه الغضب
الاسود ماينطيني مرررره

- انطاك وگالك طب وتخير من البنات أنت غبي وبقيت مجلب بسارة ماخذت وحدة منهن
اريد شحالها الزركة لازكلي بيها

- هو لو يريد ينطيني مره جان انطاني سارة بس هو مايريد ويدري بي عاجبتني سارة ومراح اخذ وحدة من اخواتها ضحك علية وعليكم ترى

من البداية جان مراضي ينطي مره

- لو مراضي مگال طب وتخير أنت غبي مو كتلك اخذ فرح خوش بنية وحلو ليش ماخذتها
ليش خليت الغريب يأخذها

- يالكائنات جنت اريد ساااارة

- وجعععع اسكت كافي موتتني سارة سارة ماتمل ولك صارلك سنوات سارة سارة مو الشيب راح ياكل راسك وباقي على امل سارة تصيرلك
واخذها مني ماتصيرلك

- منو گالچ انه اريدها ! انه ماريدها انه صرت اكرهها وامووت منها بس جاي احجي هيج علمود اعرفكم بالكواد الساقط مايقدرنه ويقدر غيرنا افهموا هذا مثل الواوي مكار ومخادع وبعمره
ماحبنه ولا راح يحبنه

- انجب مُهيـم وكافي تحرك بدمك لا تروح تنجلط

- وجلطتهم

عفتها وكعدت فوك الكرويتة اهز برجلي من العصبية هناك وين تذكرت سيارتي وموطوري هي
واكفة تباوعلي وجر حسرات