#حفيدة آلـ سرحان
بقلمي ـ رواء هادي "
لا تنسون تصويت + التعليق بين الفقرات
ومتابعة لحسابي 👇
قراءة ممتعة لجميع 🤍🌿
ــــــــــــــــــــــــــــــــــــــــــــــــــــــــــــــــــــــــ
حابة أشكر كل شخص سأل عني وعن حالتي الصحية شكراً من القلب الى القلب على
محبتكم الجبيرة الي ♥️🥹 ...
الحمدلله والشكر حالتي الصحية احسن من قبل ودا احسن شوي شوي برغم الدكتور منعني من التلفون والضوء والتعب والجهد بس اني ماحبيت
اقصر بشغلي وأجل الرواية .
وإذا تأخرت بالتنزيل فعذروني .
ـــــــــــــــــــــــــــــــــــــــــــــــــــــــــــــــــــــــــــــــ
وحلفت يمين إلا اضربه ....
اجه عمي وگال اتفقنا بعد ثلاث أيام الكعدة بس مگال شكد راح اطلب فصل " گلبي مارف
على وردة ورجلها ولا اهتميت لها
طبها مرض هي جانت ناوية تذل آل سرحان وماكدرت اثاري هم ذلوها وراح يأخذون
فلوسها وفلوس رجلها ...
رحت كعدت بغرفة اخلاص تمدد فوك الجرباية وباوع لصورة عمي واخلاص بيوم عرسهم طفرت من مكاني من نفتح باب الغرفة
ودخل غياث وسده...
بسرعة نزلت من فوك الجرباية ادور على حجابي حجابي طار من كدامي خفت أكثر من قفل
الباب بسرعة وكفت وصحت بي
ـ شتررريد
ـ انبجي لصيحين
اجه بتجاهي متتت بدمي "
شتريد ؟!
ـ احجي وياچ
ـ تحجي وياي تقفل الباب عليش ؟
ـ ماريد احد يسمع الحجي الي راح يندار بيناتنه
ـ لتخوفني على شنو ناوي ؟!
ـ اكعدي ولتخافين مراح اسويلچ شي
ـ افتح الباب
ـ رنا لتعصبيني واكعدي
صار كدامي قريب مني كلش بسرعة رجعت كم خطوة للخلف خايفة حيل گلبي يريد يطلع
من صدري من كثر خوفي منه
هو يباوعلي برود أخذ نفس وزفر مبين
على وجه ملامح الانزعاج
ـ مراح اكلچ بت الكلب اكعدي
ـ ماا اطلع
ـ رنااا
ـ ماا اطلع ماريد اسمع ماريد اطلع
ـ انه شگلت
ـ ماعليه اطلعععع عمم....
ردات اصيح على امه بسرعة اجه لعندي وحضني وسد حلكي بايده حيل حسيته يريد يخنكني
وانه صرت اقاوم بي واضرب اريده
أنت تقرأ
حفيدة آلـ سرحان ( مكتملة )
Mystery / Thrillerتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
