---- حفيدة آلـ سرحان
بقلمي/ أنا رواء هادي
لا تنسون تخلون لايك وتعلقون بين الفقرات
قراءة ممتعة لجميع 🤍🌿
طلعت مريم وامي ام فرح خليت وطلعت كعدت على الطرمة باردة كلش كمت ارجف من البرد رفعت
راسي باوع الدنيا مغيمة غيم اسود
راح تمطر سمعت صوت ابوي وغياث...
ابو غياث ـ محد بي فايدة منهم كلها جبناء وإذا بقينه هيج تحت تهديد وره يجي يوم وكلنا تشمرنه بالسجن ... وصرنا مضحكة لليسوى....
ولمايسوى من اخذت رنا منه وكعدتها بيت رجلها الغريب ..خلص قررت اوكلك المهمة احذف كلشي
من وردة ورجع رنا لو اطر الامر اخطفها
_ تأمر أمر يابة لتريده يصير
ــ باجر انه ماشي لبغداد واخلها تأمن
وأنت وره شهر هيج قطعن
ـ صار
خليت وكمت دخلت جوه ابوي جاي يخطط يرجع رنا وهذا هو الصح خل ترجع وين دايحة بالبيوت" رحت لفيت راسي ونمت ثاني يوم الصبح
الحمدلله الدنيا ماماطرة بس بعدها مغيمة ...
ابوي كعد من وكت وغياث كاعد هم سويتلهم ريوك تريكوا وابوي راح يبدل غياث كاعد ومخلي
ايده على خدة صافن اشرتله ...
مو يمي صحت بي "
وين سرحان ....؟
انتبه علية وكال "
هنا
ـ وين هنا رايح بعالم ثاني
ـ اففف
ـ ابوي وين رايح ؟
ـ شمدريني
ـ امم تسوي نفسك ماتدري
ـ لعد شمدريني حالي من حالج كاعد هنا
ـ رايح لرنا
ـ لا
ـ اي
ـ جاي اكلچ لا
ـ اكلك اي ولا تنكر ترى ادري
ـ شتدرين ولچ ؟
ـ ادري بكلشي
ـ هو شنو وتدرين بي ؟
ـ ابوي رايح لبيت وردة ويطمنها بعد ماعلينا بيها
هي من تامن تروح أنت تخطف رنا
ـ اي عفية وبعد
ـ هاهي
ـ البارحة جنتي تسنطين علينا ؟
ـ لا
ـ لعد شلون دريتي ؟!
ـ بالصدفة كعدت بره وسمعتكم
ـ بالصدفة وبره وبهذا البرد !؟
ـ اي انه متعودة من اضوج اطلع بره حتلوه باردة
ـ اكطع لسانچ سارة إذا جبتي طاري
ـ سركم بير
ـ مو لكاه باجر بكهوة
أنت تقرأ
حفيدة آلـ سرحان ( مكتملة )
Bí ẩn / Giật gânتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
