حفيدة آلـ سرحان ( مكتملة )

البارت 8

الجزء الثاني # حفيدة آلـ سرحان
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .
ـــــــــــــــــــــــــــــــــــــــــــــــــــــــــــــــــــــــــــــــــــــــــ
{ الجزء الثاني البارت 8}
ــــــــــــــــــــــــــــــــــــــــــــــــــــــــــــــــــــــــــــــــــ

جانوا مربطيني على الكرسي حديدي وكفروا بي كفران عمري كله ماماكل هيج كتل وانه عناد وهم يردون يعرفون وين مكان مُهيـم بالضبط

جرني من شعر رأسي كل قوته سديت عيوني
بوجع وحركه أعصاب لو ادري اموت
مراح اكول وين مگانه ...

- غضب وين ؟  ...احجي غضب وووووين ؟

حلكي متروس دم بلعت ريجي وبلعت
الدم وياه فتحت عيوني باوع
بعيونه ابتسمت وگتله

- لو جنتوا زلم طلعوا غضب ههههههه

ضحكت بصوت عالي جان يجيبني براشدي فر وجي فر ورجع يجر بشعر راسي كطعلي شعري
الحلو رجع الثاني گاله

الثاني - كافي الأستاذ يريده عدل مايريده ميت

الاول - مجاي يعترف الكلب

الثاني - خله هسة بعدين يعترف غصب عنه

الثاني - تفوووو

تفل بنص وجي غمضت عيوني متوجع اخخخ منك مُهيـم وين وصلتنا وين جنت وين صرت
صرت مدكه لهاي العارات...

انتظر آل فلاح وآل سرحان يغطون المكان ماكو تأخروا شلون ماحسوا بي اختفيت وانه انطيت
اشارة من لابو كرار حياتي بخطر

شوي واجه الاستاذ مالتهم وياه اربع زلم صاروا ست زلم كلها التمت عليه قتربلي الاستاذ مالتهم و
هاي أول مرة اشوفه وماعرفه حتى

جان اصلع الراس وطوله مربع متروس لابس قاط والولد الوياه كلها قوط سود لابسه كاشفين الوجوه عود مانخاف ننعرف وراح نكتلك هذا

المقصود من كشف الوجوه جرني من شعر راسي حيل غمضت عيوني كل قوتي متوجع خله
المسدس باركبتي يضغط على تفاحة
آدم براس المسدس ...

الاستاذ - غضب ويييييين ؟ احجيييي كلب
غضب وين ضميتوا ... احجيييي لو
اكطع لوزتك احجييييي ..

كلب وين ضيميتوااااا .....

خنكني النذل بسرعة كلها اطشرت من سمعوا صوت دورية صارت وباب المخزن اندفر دخلت عناصر شرطة رفعت راسي باوعلهم متوجع

كلها الزمت عناصر بكد الدود هجمت عليهم شفت ابوي وابو فلاح وابو كرار وابو براء وربع ابوي
وابو فلاح اجوي عناصر الشرطة

فكوني كمت مابي حيل ساندت على احد عناصر الشرطة اجه ابوي خطية جان مخطوف لونه من شفت ابوي ابتسمت بخفه حضني