حفيدة آلـ سرحان ( مكتملة )

البارت 15

الجزء الثاني # حفيدة آلـ سرحان
#الكاتبة راوء هادي
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .
ـــــــــــــــــــــــــــــــــــــــــــــــــــــــــــــــــــــــــــــــــــــــــ
{ الجزء الثاني البارت 15 }
ــــــــــــــــــــــــــــــــــــــــــــــــــــــــــــــــــــــــــــــــــ

سارة" شفت مُهيـم داخل جوه بالصالة يم النسوان بسرعة شردت كلبي يدك حيل ماعرف شجاني وتخربط وضعي انه بالعادة من اشوفه

ماهتم له ولا اديرله بال هو والماكو سوه بنسبة الي اما هاي الفترة ماعرف جاي يصير وياي ؟! رحت لغرفتي كعدت فوك الجرباية صافنة

بتصرفاتي الغريبة !؟

اندك الباب طلعت مريم "
سارة وينچ ؟

طبت رفعت راسي اباوعلها "
هاا

- وين رحتي الحفلة بدت وأنتِ ماكو

- مُهيـم شيسوي طاب يم النسوان ؟

- مو الديجة ما شتغلت هو جان
بالمطبخ وصاحتله اخته سواها
وطلع يلا امشي

- وقله زلم إلا هو

- بس هو جان هسة شعليچ بي يلا كومي

اخذت نفس وزفرت وكمت بايدي تلفوني "
مريم سؤال ؟

- شكو ؟

- اول ماجنتي تشوفين احمد شنو جان شعورچ

- شنو مناسبة هذا السؤال ؟

- مو اخذتوا عن حب اريد اعرف
شلون شعوره يصير؟

- هاا ولچ تردين تاخذين عن حب ؟

- لا ويني وين الحب

- لعد ؟

- بس حبيت اعرف

- شوفي سارة احنا قبل لا نحب
بعض مخطوبين لبعض

- اي اعرف ابوي منطيج له وراها حبيتوا بعض

- اي

- اي احجيلي شنو جان شعورج من تشوفي ؟

- شوفي جنت اول ماشوفه وضعي
يتخربط وكلبي ينخطف ويكوم
يدك حيل حيل

- احلفي

- والله شبيچ هسة بس تذكرته كام يدك ههههه

- يصير يدك ؟