القصة : ( حفيدة آلـ سرحان )
الكاتبة : رواء هادي
يوزر حسابي على الانستغرام : royan4h@
قراءة ممتعة للجميع
اللهّم الوقار والنور واليُسروالانشراح
أينما ولينا وجوهنا.
# استغفرالله العظيم واتوب إليه ....
اللهم صل على محمد وآل محمد ،🌿
رجعتلكم بعد غياب دام لأشهر طويلة بقصة جديدة واقعية من أرض الواقع وهالمرة قصتنا غير بقية كل قصصي قصة مختلفة جدآ وذات أحداث غريبة وغامضة وأكيد راح تنال اعجابكم مثل
مانالت اعجابي "
# وعلي حيل حيل مشتاقتلكم ابطالي الحلوين ☺️ 🫂 ومشتاقة للقصص وتفاعلكم الحلو
وسوالفكم الحلوة 🥹."
اخليكم ويه المقتطفات القصة "
مشهد الأول"
عيوني توسعت من شفتهم حفروا الحفرة والكل كمز مختنك من الريحة الكريهة تطلع من الحفرة الكل صارت تكح بصوت عالي والرائحة الكريهة
وصلت لعندي ردت اتقيئ بسرعة سديت خشمي وحلكي بأطراف حجابي ورصيت عليهن حيل
بس بدون فائدة الريحة الكريهة
كلش كلش كريهة جانت ولأول مرة اشم هيج ريحة ابوي مخلي الشماغ على خشمه ولازمه بايده
حيل وكال بصوت مختنك
_ بسرعة شيلوا الجثة لا احد يجي
رد عليه وسام ...
_ راح تطلع روحنا عمي
يرد ابوي بانزعاج '
وطلعتهم يلا تحركوا بسرعة شيلوا الجثة
يرد فاضل هو يتقدم للحفرة وساد خشمة بالجفية ...
حجي عمي صدك هم يلا ننقلها لغير مكان بالساعات يداهمون المنطقة... يلا شباب همتكم
#المشهد الثاني "
الكاع كلها طين والسما تمطر وصوت الرعيد كلش عالي وفي حيث كلما الدنيا يضرب البرق گلبي يرجف رجف من الخوف وذاك الغريب المجهول
الهوية يركض وراي ويصيح باسمي بصوت عالي " وأني اركض واتعثر بالطين اخاف اوكع و
يلزمني وماعرف شنو نواياه ؟!
_ ولج اوكفي .... بت القندرة اوكفي.. هيج صارت
مو وعلي بس اكضج إلا اطيح حظج
وحظ الخلفووووج ...
_ منو أنت ؟!
_ اوكفيييييييييي
تعب وكف وصاح بصوت كلش عالي واكفييي هو صاح البرق ضرب بقوى من خوفي من البرق و
كعت بالطين على وجهي كل قوتي
بهاي الأثناء أني ايست من كلشي وايست من الحياة لأن راح يلزمني لا محال ويطلع روحي لو يسوي
بي شي مو زين لا سامح الله
غمضت عيوني كل قوتي بعد ماحسيت ايده تركزت بشعر رأسي جرني من شعر رأسي بقوه من الطين عبالك جاي يجر راس حيوان ميت
مو راس بني آدمية مسكينة لا حولة ولا قوة
لها بهاي اللحظات المؤلمة.
_ تعاندين اسيادج ولج
لزمت ايده اللي لازمة شعر راسي بايديه الاثنين وساده عيوني وابجي بكل حركة واتوسل بي
يتركني في حال سبيلي
_ عليك الله عوفني .. ااااه راسي ... عوفني ااااه
ولك راسي ااااه راسيييييي ....
تأذيت كلش من جرني كل قوته حسيت الجلد انفصل عن عظم الجمجمة والشعر كله وكع ....
_ مو كتلج يجي يوم واذلج بي .. هو هذا اللي
ترديه الاذية الاذية تحبين الاذية
عاف شعري للحظات وشالني على جتفه وطلع يمشي بي بالظلمة الدينا هندس ماكو ضوء مرات يصير ضوء من ضوء البرق اللي يضرب ..
هنا انه ايست أصلا ولا حاولت وياه ولا دافعت عن نفسي لأن راح يضربني ويأذيني وأكيد هم مراح اكدرله رجال بطول وعرض
_ أقل حركة منج انهيج
بلعت ريچي بالكوه علمود اكدر ارد عليه
تشجعت ورديت
_ منو أنت ؟
_ ظلج لما يفاركج
_ احجي عدل منو أنت منو دزك علية ؟
عمامي دزوك تأخذ روحي!
_ همزين عترفتي عندج عمام ست رنا
_الله لا ينطيهم الله لايوفقهم شيردون
مني بعد مو اخذوا كلشي
_ مو كلشي كلشي رنا
_ عوفنيييييي
_ انجبي لو اضربج ضربه اخليج تنجبين للابد
_ هو مجبوبة مجبوبة ليش انجب جبانة .. عوفني ابن الزفرة ابن الكلب ابن القندرة الارهابي
العلاس اااه ولك بطنيي ااه
_عوفي شعري لو افصمج نصين
_ عفته عوفني اااه راح امووووت اااه
ولك ااه ابن القندرة ااه
_ ابن القندرة مو انه لج اليوم اعلمج ابن القندرة شراح يسوي بيج إذا مخليتج تبوسين
قندرتي فلا اطلع غـ...
يتبع ....
تفاعلكم الحلو حبايب كل شخص يعلق ٥ تعليقات حلوة مثله ويخلي لايك ...
إذا شفت تفاعل حلو بهذا البارت "
أكيد مراح أتأخر عليكم وانزل لكم القصة بسرعة
انتو تعرفوني من انطي كلمة اوفي بيها
#تابعوني على الانستغرام
@royan4h
#انتظرونا قريباً...
رأيكم بغلاف القصة ؟👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
حفيدة آلـ سرحان ( مكتملة )
Misterio / Suspensoتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
