"اللى ربى بتاع مربى" 😉🙄

آه يا زمن😂🤔🙄

ڤيلا العقيد أكرم مصطفى.......
وكفاية نقول كده 😂
لإن دى مش ڤيلا عادية دى حواليها خنادق وجاردات وقناصين و......
ومش مهم خالص نتكلم عن النظام العسكري المطبق في أقصى يمين ويسار المنزل
على كل من فيه من أفراد
بداية من طنط نهال زوجة عمو أكرم ووصولاً إلى أولادها........

كانت نهال قاعدة بتشرب الشاى في الليڤنج وبتقرا الجورنال ومستنية جوزها أكرم وابنها ييجوا من الشغل كالعادة
نهال بصوت مسموع بفزع:أب يقتل أولاده الأربعة في ظروف غامضة يا ربى هو فيه كده
أكرم وهو يدخل للمنزل بوجه غاضب ممسكاً بخالد ابنه من ياقته:فيه يا هانم لما يكون زى ابنك كده
نهال واقفة باستغراب:هو فيه إيه يا أكرم ماله خالد
أكرم وهو ينظر لخالد:ما ترد يا حضرة الظابط
خالد بزهق: كفاية بقى يا ب......
أكرم بغضب شديد:اخرس يا حيوان هترد عليا ولا إيه
نهال لأكرم:براحة شوية يا أكرم حصل ايه بس
أكرم بغضب لنهال:طبعا يا حبيبتي كل اللى همك روح أمه يبقى حلو وكويس ومحدش ييجى يامته
نهال بغضب:فيه إيه يا أكرم مش ابنى ولا أنا لقياه في الشارع
أكرم بغضب لخالد اللذى تسلل خلسة وتركهم:وإن شاء الله الشارع ده هيبات فيه النهاردة....ولد تعالى هنا
خالد بملل:ما خلاص بقى يا بابا حضرتك بتهزقنى من ساعة ما كنا في القسم
أكرم:ويا ريته جايب نتيجة
ثم نظر لنهال:ابنك الشملول يا هانم اللى المفروض إنه الكبير بتاعى الظابط المحترم المتربى بدل ما يشوف شغله بيستغل البنات اللي بيشتغلوا شمال وبيشغلهم وبيبقبض فلوس عليهم
نهال بطيبة:الكلام ده صح يا خالود
أكرم بهمس: استغفر الله العظيم يا رب
خالد محتضنا والدته: يا ماما يا حبيبتي هو أنا بشتغل عجلاتى ما أنا شغلى تبع الآداب أعمل إيه يعنى
نهال وهى تخرج من أحضانه:بس كده غلط يا حبيبي إوعدنى يالا متعملش كده تانى
خالد وهو يقبلها:طبعا يا نونو
أكرم وهو يفك حزامه:آه...معتش هعمل كده تانى يا نونو....
ثم نظر لنهال بشر: مبسوطة بابنك الشمال يا نونو
خالد وهو يحتمى بوالدته:نونو جوزك هيموتنى إلحقينى
نهال بحذر:إجرى
خالد وهو ينظر لحزام والده:إيه
نهال بغضب:بقولك اجرى هعملك ايه أنا
أكرم وهو يلسع بحزامه بقوة في وجههم:ابنك قواد يا هانم ابنك مترباش كله من دلعك فيه بكرة يشغل اخواته ويقبض عليهم
خالد وهو يجرى ناحية الجنينة:يا بابا.... يا بابا....ده
أكرم مناديا للجاردات:قفلى المخارج وأمنلى السور من كل الجوانب
خالد وهو يبتلع ريقه بصعوبة وينظر للحصار من حوله:أناااا.....آخر مرة....دى...دى كانت مصلحة كده وخلصت
أكرم وهو يخرج مسدسه بصوت جهورى:اقلع الجاكيت
خالد ببسمة لعوبة:ها
أكرم وهو يشد الأجزاء:تقلع ولاااااا
خالد وهو يخلع ملابسه بسرعة:حاضر...حاضر
أكرم بنظرة ثاقبة:القميص واللى تحته
خالد وهو يضع يديه على أكتافه:مالهم
أكرم بصرامة:يالا
خالد بخوف:طيب...
أكرم وهو ينظر لبنطاله:وال....
خالد شاهقا:ال....لا البنطلون لا
أكرم وهو يلسعه بالحزام على قدمه:عاملى فيها شريف الوقتى يا كلب
خالد:ايه يا بابا دول هما زيزى ولولا وسوسو الدلوعة بس اللى قبضت من وراهم يعنى ملحق....
أكرم وهو يقترب منه بسرعة ويضع المسدس على وجهه: وربنا اللى خلق الخلق ما أنا حالك النهاردة غير لما أخليك لا تنفع واد ولا بت
خالد وهو يبتلع ريقه بصعوبة:ما...ما أنا بقولك يا با...بابا ملحقتش أقبض الفلوس كلها والله
أكرم بنظرة شر وصوت جهورى:البنطلون يالا
خالد وهو ينظر لبنت تقف في شرفة قريبة من منزلهم ومسدس والده في وجهه:هاى
فقام والده بضرب نار على الشرفة فصرخت الفتاة وهربت للداخل
خالد لوالده بفزع:موتت المزااااااااا
نهال من بعيد:اقلع واخلص
خالد وهو يمسك حزام بنطاله:هو طلب جماهيرى ولا إيه
أكرم وهو ينزل بنطاله بسرعة(من الآخر سلت بنطلونه😂)
خالد بشهقة:هااااا....بابا
فقام أكرم بحدفه ليقع على الأرض بملابسه الداخلية تحت نظر الحراس
أكرم للحارس:يتربط للساعة ١٢ بالليل ميتحطلوش المية حتى
نهال وهى تقترب منهم:أكرم حرام عليك بجد
أكرم بقسوة:أنا بربيه يا هانم عشان ميعدهاش تانى
خالد لنهال:ما أنا وعدتك يا نونو إنى مش هعمل كده تانى قوليله
نهال: يا حبيبي يا خالود....
ثم نظرت لأكرم:فكه يا أكرم معدتش هيعمل كده تانى
أكرم وهو يشد الأجزاء:قسما بالله تطلبى الطلب ده تانى ولا تحاولى تفكيه لتشوفى منى وش مشفتيهوش أبدا
نهال بتوتر:ط...طيب..
أكرم للحارس:أى حد يفكه أو يحاول يأكله لو أبويا تربطه هنا جمبه
ثم نظر لنهال:ورايا
خالد بضيق:ماما
نهال:معلش يا خالد مرة تانية مش هينفع أتربط مكانك دلوقتى عشان راحة أعمل لبابا الأكل
خالد بضيق:بجد والله...ربنا معاكى
ثم قال بخيبة أمل:ومعايا