"اللى ربى بتاع مربى" 😉🙄

عاوز حقى😂❤️

فى الساعة الواحدة ظهرا حيث يوجد الفراغ في الشقتين المقابلتين لبعضهما في نفس العمارة التى تقبع في تلك الحارة البسيطة
حيث لا يوجد إلا ثلاثة أشخاص (منة وليان ومهاب):-

منة وهى تجمع أشيائها بينما ليان ومهاب جالسين على السفرة:انا لازم أنزل حالا معدتش وقت والمحاضرة هتبتدى
مهاب ببسمة: تمام يا منة خلى بالك من نفسك كويس
منة وهى تضع كتبها في حقيبتها:إن شاءالله إن شاءالله
ليان باعتراض:إن شاءالله وكل حاجة بس انتى هتسبينى مع ده لواحدى
مهاب بتذمر:ليه يا أختى هاكلك
ليان مربعة يديها بغضب:لا طبعا ولا تعرف تعمل معايا حاجة بس مينفعش نقعد انا وانت لواحدنا ومفيش حد غيرنا في البيت
منة بتذكر:اه صحيح
ثم نظرت لمهاب:هى عندها حق ميصحش برده يا مهاب
مهاب:طب ومهاب المحتاس يعمل ايه دلوقتي....أشوف يعني حنفية صدقة أبلبط جمبها ولا إيه
ليان:مليش فيه اتصرف عشان انا مش هقعد معاك هنا لوحدي
مهاب بغمزة: اكيد مش هقل معاكي يعني متخافيش😉😂
ليان بغضب وهى تنظر لمنة:شايفة يا منة
مهاب ضاحكا: ههههههههه 😂
منة وهى تنظر له بغضب:لهو فكره إنى كنت هسيبه هنا اصلا
مهاب:نعم
منة:من غير ولا كلمة تاخد حاجتك وتتفضل على تحت
مهاب:تحت فين انتوا هترمونى لكلاب السكك ولا إيه
ليان:بلا سكك بلا قطورات...س انت أخو مين؟
مهاب:خالد
ليان:أهو اعترفت على نفسك
منة:يلا بقى يا بابا محناش ناقصين فضايح على آخر الزمن
مهاب وهو يقف بزهق وبهمس:وش فقر يا زفتة بس والله ما سايبك وراكى وراكى
منة بشك:بتقول ايه
مهاب وهو ينظر لليان بتسبيل:بقول أحلى من الشرف مفيش
ليان وهى تجمع له كتبه: طب يابا يلا زوق عجلك وروح اترمى على القهوة
مهاب وهو ياخذ الكتب منها بعنف: ما ترمينى في دار المسنين احسن
ليان بغيظ: يا ريت والله
منة وهى تنظر إلى ساعتها:مفيش وقت
ثم نظرت لمهاب:انت أحسن حاجة بالنسبالك تنزل تقعد عند البواب ومراته
مهاب متخصرا:ليه هصالحه على مراته ولا إيه
ليان بوجه ممتعض:ت..إيه..تصالحه عليها ده إن مخليتهاش تخلعه مبقاش انا
مهاب بتحدى:أومال هتبقى مين زعبولة القولة
ليان وهى تضربه بالكتاب في وجهه:زعبولة دى تبقى أم...أوف مش هقدر أغلط دى مرات عمى برده
مهاب وهو يمسح وجهه بغضب:يلا يا بتاعة الأدبي يا حفيظة
ليان بغضب شديد: احسن من بتاع الأحياء والأموات...والأموات دول عايدين عليك إن شاءالله
مهاب بسماجة وهمس:نموت انا وانتى سوا إن شاءالله
ليان بصوت واضح:إن شاءالله انت يا بعيد
مهاب مقتربا من وجهها وهو يقف على الجهة الأخرى من السفر غير عابئ بمنة المستشيطة غضب منهما:انا مش بعيد على فكرة انا قريب...وقريب اوى كمان
ليان وهى ترزع بيدها:انت قليل الأدب ومتحرش
مهاب بغضب:وانتى م............
منة صارخة: باااااااس...كفاية قلة أدب ولسان طويل منك ليها
ثم نظرت لمهاب:تاخد كتبك دى وعلى القهوة لحد ميعاد الدرس
ثم نظرت لليان:وانتى تكملى مراجعة وبعدها تدخلى تلبسى
ليان:بس.....
منة:مسمعش صوت حد فيكوا اللى قولته يتعمل...وانا نازلة عشان معدتش غير حاجة بسيطة واحتمال ملحقش أصلا آمين
ليان ومهاب بغضب: امين
منة وهى تدب بقدمها:طب ايه
الاثنين:إيه
منة وهى تدفع مهاب بكتبه وتغلق الباب:براااا
منة وهى فى الشقة وتنظر للباب الذى أغلقته: ايه التناحة دى
ليان بهدوء وحذر:منة
منة بغضب:ايه تانى
ليان وهى تشاور على الباب:مش كنت نازلة تقريبا
منة بتذكر وصراخ:المحاااااااضرة
ثم خرجت وأغلقت الباب بقوة في وجه ليان
ليان بضحك:البت معدتش نافعة يا عين امها 😂😂
ثم نظرت للفراغ: والله ولا انا كمان... هو الزفت ده راح يقعد فين يا ترى...يلا ما يولع بجاز ولا إن شاءالله حتى ببنزين ٥٠ انا مالى