"اللى ربى بتاع مربى" 😉🙄

الى اللانهائيه وما بعدها 😂

فى ذلك المصنع المهجور وبغض النظر عن الجثتين المعلقتين في السقف كانت الجدة تقوم برحلة سياحية لترى الأحفاد متحفها ومقتنياتها الثمينة...........

تيتة مجيدة وهى تشاور بعكازها على صندوق زجاجي به شئ ما:وده زى ما انتوا مبحلقين كده بعينيكوا اللى شبه البوم دى..كورباج...كورباج سودانى أصلى
ندى فاتحة فمها:واو it's like a new weapon تحفة بجد
مهاب لندى:لا هبلة بجد
ندى بتذمر للجدة:حقه انا هبلة يا تيتة
تيتة مجيدة وهى تنظر لها بتفحص:لا اسم الله عليكى من الهبل
ندى وهى تقفز في مكانها:ييييييس
تيتة مجيدة وهى تضربها بالعكاز في جانبها:ده اسم الله على الهبل منك انتى واللى جابوكى
ليان: معلش يا تيتة امسحيها فيا أنا
تيتة مجيدة بغضب:وأمسحها فيكى ليه لما ممكن أمسح بيكى البلاط انتى وهى
ليان لندى:شايفة جبتلنا الكلام ازاى
ندى: والله ما جبت حاجة لحد ولا اتحركت من مكانى
أمير باندفاع:صح وانا شاهد
خالد لأمير:شاهد على إيه
مراد بحمحمة:مش..مش نكمل بقية الجولة يا تيتة
تيتة مجيدة بتكبر :اه طبعا ورايا هيا بنا
مراد وهو يمشى بجانب أمير:لم نفسك المرة الجاية ممكن محدش يلحقك
أمير:بحبها يا مراد
مراد بهمس:حبك بغل ياكلك مش شايف اخوها واقف
أمير:ما يتحرق يا عم بحبها يا مراد الله
مراد:طالما الجلالة واخداك كده...قول كده قدامه
أمير بتوتر: دلوقتى يعنى؟
مراد:لا امبارح
أمير:لا أتلم أحسن
مراد:انا بقول كده بر.........
تيتة مجيدة بغضب:انت وهو
مايا بضيق:مين يا تيتة انا؟
تيتة مجيدة: لا مش انتى هما عارفين نفسهم بس بيستعبطوا
مازن وهو ينظر لأمير ومراد:دول مش بيستعبطوا دول هيتعبطوا جمب نجوى وسيد النهاردة
تيتة مجيدة:صدق فكرة
مازن بفرحة:ايه هتعبطيهم يا تيتة
تيتة مجيدة:لا أولا...هعبطك انت
مازن:ليه بس كده يا حجوجة ده حتى انا اللى جايبلك الفكرة
تيتة مجيدة بغضب:طباخ السم لازم يدوقه يا حيلة أمك
مازن مبتلعا ريقه بصعوبة:تيتة
تيتة مجيدة بغضب:بلا تيتة بلا هيلة بيلة وسع كده أما اشوف امير الظلام ومراد الليل اللى واقفين وراك دول وانت شبه سيد قشطة كده مخلتش من اللى خلفوه حاجة
مازن وهو يبتعد:منك لله يا مفترية 
تيتة مجيدة بغضب شديد:بتقول ايه يا حيوان
مازن ببسمة مصطنعة: بقول ربنا يخليكي يا مهلبية
تيتة مجيدة بعدم اهتمام:اه
ثم نظرت لأمير ومراد:انتوا الاتنين
مراد:ايوة يا تيتة
تيتة مجيدة بغضب:انا كنت بقول ايه من شوية
امير وهو ينظر لمراد:بتق...بتقولى كلام يا تيتة
تيتة مجيدة:ايوة كلام ايه يعنى
أمير:كلام حلو زيك يا قمراية
تيتة مجيدة بغضب:ما تيجى تبوسنى من بوقى احسن ياض
جدو مصطفى:بس يا مجيدة عيب كده
تيتة مجيدة: عيب ايه مش شايف الفسل ده بيعاكسنى
سليم:يعاكس مين بس يا تيتة صلى على النبي في قلبك
تيتة مجيدة:ليه يا ولا هو أنا وحشة متعاكسش
سليم:لا طبعا
مهاب:يا أختى اسكت يا سليم بقى
سليم لمهاب بضيق:اكذب يعنى
أمير: يا جماعة...انا اسف...انا اسف يا تيتة... حضرتك كنت عاوزة حاجة
تيتة مجيدة بغضب:أيوة...انا كنت بقول ايه وانت وسى مارد وشوشنى اللى جمبك كده بيكلمك
مراد:مبنقولش يا تيتة حاجة
منة: معلش يا تيتة سامحيهم وهما بعد كده هيركزوا
مراد ببسمة لمنة:قلبى
منة لمراد:احترم نفسك بابا واقف
مراد:مش واخد باله عادى
خالد: وبالمناسبة لإننا كلنا سمعنا وأخدنا بالنا عادى
مراد:بالله عليك تخل..........
جدو مصطفى:انتوا هتتخانقوا قدامى ولا إيه
مراد:انا مش مستحمل كلمة يا جدو من أى حد أصلا
خالد وهو ينظر تجاه مايا:ولا انا عاوز أشوف خلقتك والله انت وحد معين كده 
فنظرت له مايا بحيرة وصمت
خالد باستفزاز:ايه متخانقتيش المرادى معايا يعنى
مايا وهى تنظر للجانب الآخر:وانا اتخانق معاك ليه
شوقى:شاطرة يا بنتى خليكى انتى العاقلة
مايا بغيظ:ما يولع يا عمو
شوقى: يا أختاااااااااى هموت منكوا والله
خالد:تولعى انتى لواحدك
جدو مصطفى بغضب:خالد
خالد:ايوة يا جدو
جدو مصطفى:تعالى جمبى هنا...وانتى يا ست مايا خليكى جمب جدتك
تيتة مجيدة وهى تقترب بغضب شديد من أمير ومراد:انا بقى مش هسيبكوا غير لما أعرف انتوا كنتوا بترغوا في ايه وانا بشرح السلاح الجديد
ليان: معلش يا تيتة سيبيهم
تيتة مجيدة:اترمى على جمب أبت كده
ليان:ليه كده ده انتى قدوتي يا تيتة
تيتة مجيدة بغضب وهى تدفعها لتقع على مايا:فسحى كده بلا قدوتى بلا زفت هو انتى بتتكلمى زويل
مازن:دى لو بتكلم نويل مش هتعملى فيها كده
تيتة مجيدة وهى تمسك ذقنها له بتوعد:جيالك الوقتى يا برص استنى عليا بس
مازن:طيب هستناكى
تيتة مجيدة:استنانى انت ورا المصنع بعد الحفلة دى
مازن وهو يمسك ملابسه:ياما
سليم:احترم نفسك ياض
ثم نظر لأمير ومراد:اعترفوا وخلصونا
أحمد وهو يجلس على كرسى في زاوية ما مغطى رأسه بقبعة ممدا قدمه على كرسى اخر:ما يمكن بيقولوا اسرار يا تيتة
تيتة مجيدة بانتباه:بسم الله الرحمن الرحيم انس ولا جن
ثم نظرت حولها:جى منين الصوت ده
ندى:ده أحمد يا تيتة سيبك منه 
شوقى لجدو مصطفى:هو حضرتك اتجوزتها عادى كده ولا كنت تحت التهديد
جدو مصطفى:لا وأنت الصادق كنت تحت التخدير 😂
شوقى:نعم
جدو مصطفى:نعم الله عليك...بذمتك انت فيه حد يعمل في نفسه كده وهو واعى
شوقى: بصراحة لأ😂
جدو مصطفى:الحب بقى هنقول إيه😂
شوقى:هو حضرتك بتحبها بجد وهى كده
جدو مصطفى:حتى وهى أمر من كده كنت بحبها برده
شوقى:هو فيه امر من كده
جدو مصطفى بيأس:مشوفتهاش انت في صحتها وفى شبابها كانت بتعمل ايه
شوقى:بتعمل ايه اكتر من كده يا بابا...بتضرب نار من بوقها
جدو مصطفى ضاحكا: ههههههههه 😂 لا بت........
تيتة مجيدة بغضب: بتقوله ايه الواد ده
شوقى بتلقائية: بنقول انك بتضربى نار من بوقك
تيتة مجيدة بصراخ:اااااااااااااااااااااااه...انا يا ابن ام شوقى تعالى هنا ياض
شوقى بتوتر:ليه بس
تيتة مجيدة بغضب: بقولك تعالى هنا
شوقى:طب سامحيني عشان خاطرى
تيتة مجيدة بصراخ:ده انت هتتعلق النهاردة جمب الكحروتة طليقتك وابنها
شوقى:مكنتش أقصد والله
ثم نظر لجدو مصطفى:طب ايه
جدو مصطفى:طب ايه ايه..مليش دعوه
منة لتيتة: معلش سيبيه يا تيتة
تيتة مجيدة:بيغلط فيااااااااااااااااااا
منة: معلش يا روحى عشان لما نطلع من هنا اجيبلك اندومى لوليتا
تيتة مجيدة:وهنتفرج على صعيد صالح
منة:مين
تيتة مجيدة بغضب:نعم انتى مش عارفاه ولا إيه
منة بتوتر وهى تنظر لوالدها:لا عارفاه طب... طبعا أومال
خالد لمنة:مين ده
منة: والله ما اعرف عديها
خالد:ط..طيب
تيتة مجيدة بغضب شديد وصراخ:انتباه للجميع السلاح الجاى ده اسمه البلطة...عارفين البلطة
مازن: يا ترى بقى بطة محشية ولا مشوية
تيتة مجيدة وهى تضربه على رأسه بالعكاز:لا مهرية...قرف وغباء
تيتة مجيدة بعدم اهتمام بمازن:ما علينا هى البتاعة اللى قدام عينيكوا دى اللى شبه الفاس كده...إن شاءالله تضربوا بيها على دماغتكوا وتتفتح في يوم من ذات الأيام
أحمد بضيق: يا جماعة الخير الصوت بقى انا مش في مهرجان
جدو مصطفى:بس يا زفت وارجع اتخمد أحسنلك
أحمد:طيب
مهاب:ابو سقاعتك يلا
شوقى:وده ماله ده
مايا:تقريبا خايف نعلى صوتنا ميسمعش الحلم باين
خالد بغيظ:لا ظريفة
سليم:طبعا عندك شك ولا إيه
خالد بغضب:انت بترد عليا ليه
سليم:انا حر هو أنا بتكلم من بوقك
جدو مصطفى وهو يشد خالد يرجعه للخلف:قولتلك تعالى هنا
شوقى لخالد:مالك متعصب كده ليه من ساعة ما نزلنا من البيت
خالد وهو يعدل هيئته وينظر لمايا:ولا حاجة يا عمو 
تيتة مجيدة:ولا حاجة ازاى يعنى ده انت عنيك بتطق شرار قولى مين اللي غايظك بس وانا اطبقلك وش أمه
خالد وهو يشيح بنظره للجانب الآخر:محدش معصبنى ولا غايظنى ولا أى حاجة ولا حد يقدر أساسا
امير لمراد بهمس:الظاهر الخطة ابتدت تشتغل
مراد:ايوة الزبون مولع من ساعتها
امير لسليم:كل شوية افتكر وهو بيقول لسليم وانت مالك ومالها😂
مراد:دى حاجات محدش لاقطها غيرنا😂
أمير:عيب عليك احنا مركزين وورا امه لحد ما يسلم نمر
سليم وهو يقترب منهم:شايفين
أمير: الدنيا ماشية حلاوة طالما هو متغاظ كده صاحبى وأنا عارفه
سليم:مع انه عصبى وغبى...بس على نفسه
أمير:انت هتخسره ولا إيه يا سليم
سليم:مش للدرجادى يا عم ولو إنى مش طايقه
جدو مصطفى:بطلوا كلام مجيدة بتبصلكوا
التلاتة بتوتر وهم ينظرون لها:حاضر
تيتة مجيدة مشاورة على اكياس كبيرة:واخيرا ده السلاح المجيد
احمد وهو يرمى القبعة على الأرض بانفعال:سلاح مجيد ايه خلينا نشوف بقى بدل ما الواحد ما هو مش عارف زفت يتخمد
تيتة مجيدة:انت فعلا زفت وزود على كده قليل الرباية كمان
أحمد:موافق بس سيبينى انام
تيتة مجيدة بغضب:نامت عليك حيطة انتباه معايا
الكل:حاضر
تيتة مجيدة بحماس:ده بقى اسمه السلاح المجيد
مازن:يعنى كان السلاح النووي يا تيتة يعنى
تيتة مجيدة:صدق فعلا...هو مفيش إلا النووى اللى هيجيب أجلك في ثانية ويريحنى منك إن شاءالله انت والاشكال الضالة اللى زيك دول
ثم قالت بهمس:من غير جوزى أورة عينى طبعا والواد ابو الشوق
مهاب: معلش استحملينا يا تيتة وقوليلنا ايه السلاح المجيد ده
تيتة مجيدة: والله ببساطة دول شوية اكياس لقيتهم متعانين عندى فى المطبخ قومت معبياهم شوية ظلط كده من العمارة اللى بتتبنى جمبنا وجبتهم على عددكوا عشان نلوق الحلوفة بنت الحلاليف اللى عاملة شبه السلحفة وابنها ايه رأيكوا
الكل:ها
تيتة مجيدة:ما تنطقوا مالكوا بلمتوا كده ليه
الكل وهم ينظرون لبعضهم:ها 
شوقى وهو يمشى أمامهم:عادى عدوها يا ولاد
تيتة مجيدة وهى تجذبه من ياقته:يعدوا ايه بدل ما أعدى على وشك ياض
شوقى وهو يختنق:إلحقوووونى...ه..هموووت
فجرى الجميع عليه وشدوه من يد الجدة مجيدة
كلهم كانوا بيشدوا من جمب وهى لواحدها ماسكاه من لياقته😂😂
لحد ما وشه ازرق قامت سيباه يوقع على الأرض قاموا كلهم واقعين فوف بعض😂
تيتة مجيدة وهى تنظر لهم بقرف:هم...جايبنلى اكتئاب مش عارفه أفرح ولا اتبسط ولا أعيش طفولتى بسببكوا
فنظر الجميع للجد الذى نظر لهم بوجه جامد ثم قلب عينيه وتنهد 🙄😂
جدو مصطفى:ورايا
منة لمراد: يا ترى فيه إيه تانى 
مراد:هيطلعلنا جنية الوقتى
منة:نعم
مراد: بكرة تشوفى  
مازن مشاورا: وبكرة ليه ما هو دلوقتى أهو
جدو مصطفى مطبطبا على كتف زوجته:جدعة والله
أحمد: جدعه ايه يا جدو دى جايبة عجانة كبيرة واخدة تلاتربع المصنع وحاطة فيها دقيق ومأربجاهم في السقف
ليان: ودي هتنزلهم فيها ولا ايه
جدو مصطفى: طبعا بس مع تعديل بسيط بس
الكل: تعديل ايه
تيتة مجيدة:إن ده مش دقيق
سليم:اوعى تقوليلى انه اللى فى دماغى
تيتة مجيدة:هو جبس يا حبيبي 
مهاب وهو يجلس على كرسى ما:ابدئى الشغل يا تيتة
خالد بغيظ:وتبدأ الشغل ليه لما ممكن كابتن مايا تديله بوكسين ونخلص
أمير لخالد: بس يا بابا
مايا وهى تشمر أكمامها:ليه ما انت اولى بالواجب ده
وكادت تقترب منه حتى وقف بينهما مراد وسليم   
شوقى:فيه إيه يا ولاد
جدو مصطفى وهو يزيحه للخلف:استنى بس
ثم نظر لهم:ايه هتضربوا بعض
فلم يرد أحد
جدو مصطفى:لا يلا...يلا موتوا بعض وانا واقف يلا يا خالد مد ايدك على بنت ويارتها غريبة عنك دى زى أختك
خالد بكره وهو ينظر للجهة الأخرى:انا معنديش اخوات غير ندى بس
جدو مصطفى:انت تخرس خالص وانا بتكلم يا حيوان
فرجع خالد للوراء وصمت فقط
ثم نظر الجد للباقين:وانتوا؟
مايا:انا مالى يا جدو هو اللى ب.....
الجد مصطفى:انا قولتلك ميت مليون مرة إن دراعك ميبقاش سابق عقلك فاهمة ولا لأ...ولا انا لازم اعيد كلامى مرتين
مايا وهى تنظر لخالد بغضب مختلط بحزن:لا يا جدو مش لازم تعيدوا مرتين
فنظر لها خالد نظرة مطولة بصمت فقط
ثم نظر الجد لمراد وسليم:وانتوا الاتنين مراد بيه ميبقاش رد فعلك سريع كده قبل ما تشوف مين الغلطان حتى لو أختك كانت الطرف في الموضوع متبقاش متحيز وخلاص لإن ده شئ انا ملاحظه فيك خلى عندك عقل وحكمة
ثم نظر لسليم:وانت يا حبيبي انت بتعمل ايه
سليم:بعمل ايه في ايه يا جدو ده أنا حتى كنت بحوش
جدو مصطفى:اشمعنا وبتحوش عن مين فيهم وليه
تيتة مجيدة:انت مالك عصره في الأسئلة كده ليه ولا موقع عصير الكلاب
مهاب: الكتاب يا تيتة 
تيتة مجيدة:اتنيل وانت متعرفش شكل الكتاب ايه أصلا
جدو مصطفى:مجيدة اهدى على جمب كده...وانت جاوب
سليم:م...مفيش يا جدو انا مش واقف مع حد فيهم أصلا انا كنت هحجز بينهم بس 
تيتة مجيدة:طرف محاود يعنى
مازن:محاود ولفات ايه يا تيتة بيقولك محاور يعنى لافف وداير كدهوت ومقطع السمكة وديلها
ثم نظر الجد:صح يا جدو
جدو مصطفى:بس يا أهبل يا ابن الأهبل وسيبنى أكلم أخوك
مازن:انا مش ابن اهيل ومحبش حد يشتم أبويا الحاج صاحب البيت
جدو مصطفى: متزعلش ابن أهبل وهبلة
مازن:ايوة كده لازم العدل ونرضى الطرفين...أهم حاجة رضا ابوك وأمك
تيتة مجيدة:دك حنش في لسانك اخرس بقى
مازن: هو انا فتحت بوقي اصلا
جدو مصطفى بغضب: باااااااس
مازن وهو يختبأ وراء الجدة:ياما اجعزت والله يا عم الحاج
جدو مصطفى لسليم:خليك معايا هنا...انت الوقتى انا ملاحظ انك مش بتكلم خالد اشمعنا جيت الوقتى وادخلتله يعنى
سليم:لا لو حضرتك فاكر إنى بعمل كده عشان سواد عيونه فأحب أقولك لا انا بس أدخلت عشان أفصل ومنشاكلش قدام حضرتك وحضرتك تشمت فينا بصراحة
جدو مصطفى:يمكن
سليم:يمكن يعنى إيه يا جدو
جدو مصطفى:يعنى انا مش مقتنع باللى بتقوله ده
خالد بجمود:لا اقتنع حضرتك عشان هو مفيش أكتر من كده 
فنظر له سليم بعنين مفتوحتين على آخرهما
أحمد:من امتى يعنى انتوا الاتنين كده مع بعض
ندى: حصل والله ده انتوا الاتنين لازقين في بعض ممسوكين مع بعض قلة أدب مع بعض قلة تربية مع بعض ستات شكلها مريب غريب مع بعض بالأمارة كمان ذوقكوا وحش جدا جدا زى بعض
أمير:حصل وانا شاهد
تيتة مجيدة بغضب:شاهد على ايه أواد على النسوان
أمير بخضة:لا والله شاهد على انهم صحاب وكده يعني...ده حتى خالد اول ما قعد مع ولاد عمه وكده كان بيقولى محدش فيهم عدل غير سليم
فنظر سليم لخالد بعدك تصديق فرد خالد له النظرة بجمود
تيتة مجيدة:يولعوا خلينا في اللى هنموتهم دول الأول
الكل:لا إله إلا الله
تيتة مجيدة:انتوا جايين تتشاهدوا هنا ولا ايه
هجوووووووووووووووم
ليان:كيف يعنى يا تيتة وانا أشرحهوملك
مهاب:انا قولت انك قتالة قتلة برده
ليان:وانت أولهم إن شاءالله
تيتة مجيدة وهى تشاور عليهم:خالد باشا وأحمد بيه الاتنين ولاد الكلب الحيوانات دول يروحوا يشدوا السلكين المتعلقين في السقف دول وينزلوهم الأرض بس زرع مش بشويش
احمد وهو يقف على جانب وخالد في الجانب الآخر وكل منهم ممسك بسلك معلق به نجوى وسيد:وايه لازمة باشا وبيه
تيتة مجيدة:اشتغل يا كلب يا ابن الكلب...حلو كده
أحمد ببرود:مش فارقة
تيتة مجيدة:شد ياض
وما ان شد احمد وخالد تلك الاسلاك حتى وقعت نجوى على وجهها هي وسيد في تلك المعجنه الكبيره الموجود بها الجبس
الابيض  واقعين على وجههما وهما يفردان ذراعهما من علو كبير جدا حتى كادت عظامهما تنكسر😂
تيتة مجيدة بحماس:هوووووووباااااا
ثم تقدمت اليهما وهى تدوس في ذلك الجبس:جيالك يا ثوعبانة انتى والدودة الخضراء الصفراء اللى جمبك
نجوى بصراخ وشعرها منفوش: لااااااااااااااااااااا إلحقووووووونااااااااااااى
الجدة وهى تجلس فوق ظهرها:شىىىىىىىىى يا حماااااااااااااااار....
ثم شد شعر سيد:هوووووووووووبااااااااا
شوقى لجدو مصطفى: إيه ده يا بابا😂
جدو مصطفى: هو انت لسه شوفت حاجه
تيتة مجيدة:واقفين ليه...وانت ياللى اسمك شوقى تعالى خد حقك انت وبنتك ولا بعمل العمايل دى كلها فضا يعنى
منة وهى تشمر أكمامها:يلا يا بابا
شوقى:ايه يا منة مالك😂
منة:لا منة الكيوت اللى بتاخد فوق دماغها انتهت
ثم شاورت على الباقين :ده أنا عيشت مع دول انت متخيل🙂
مازن:مالنا يا أختى
منة وهى تضربه بالشلوت في بطنه:عدينى كده
ثم صرخت جيالك يا نجوى
تيتة مجيدة بتكبر:لا متجيش أنا عندى فقرة حلوة أوى
مازن بألم:دى بقت شديدة أوى
مراد:جدعة😂
مازن:انها شديدة
مراد: لا انها ضربتك😂
خرجت الجدة من تلك المعجنة الكبيرة المليئة بالجبس بعدما داست على رأس سيد
سيد:اااااااااااااااااااااااه
تيتة مجيدة:اتأويت على كبدك يا ابن الجاموسة فيه إيه
ثم نظرت لهم ببراءه: ايه يعنى فرمتيله راسه بالغلط
مايا:ولا يهمك يا تيتة
أمير:ده انتى جامدة اوى يا تيتة😂
تيتة مجيدة لجدو مصطفى:مش قولتلك بيعاكسنى قولتلى لا
أمير:انا مرتبط أصلا يا تيتة
خالد:مرتبط بمين ياض ومخبى عنى
أمير بتوتر:هبقى اقولك بعدين
خالد:ماشى يا بتاع بعدين
فضحك عليه مراد وسليم بينما ابتسمت مايا بيأس🤦😂
جدو مصطفى: ودلوقتي المرحلة التانية
أحمد:اللى هى إيه دى بقى
ليان:ايه هنحرقهم بجاز يا جدو ولا إيه
مهاب: يخرب بيتك تموتي في اي ولعه
ليان بسآعة:اه عندك مانع
مهاب:ابو شكلك
ليان: ابو شكلك انت
مايا:بس يا حبيبي انت وهى
خالد بضيق:حبك برص
مايا:انت ايه دخلك في الحوار دلوقتى
خالد:انا اعمل اللى انا عاوزه وانتى ملكيش فيه
مايا: والله همد ايدى عليك
خالد وهو يطقطق رقبته:لو تعرفى تعالى 
مراد:مايا ملكيش دعوة بخالد قايلك ولا تسعوميت مرة لحد دلوقتي
ندى:مش للدرجادى يا مراد هما ٦٤٣ بس
مراد لمهاب:حوش اختك عنى
مهاب: كفاية البلوة اللى عندك
ثم نظر لندى:وانتى اسكتى يا بلوة مش ناقصة ولعة
ندى:اوف بقى
أمير بهمس لندى:أحلى بلوة شوفتها
في حياتى
ندى وهى تبتعد:ها هتعملى بعد كده ايه يا تيتة
جدو مصطفى: والله احنا مستنينكوا تخلصوا عض في بعض ونبقى نخلص
ندى:لا خلصنا اتفضل يا جدو
جدو مصطفى:اللى حايشنى عنك انك هبلة
ندى بضحك:ما أنا عارفة😂
تيتة مجيدة وهى تصفق بيدها:شباب وكحاكيح وأطفال رضع اللى هو انا طبعا...الخطوة الجاية بعد ما طلعت من الجبس هنشغل المعجنة
مازن: يا حلاوة يا حلاوة انا بحب أشوف الحاجات دى أوى
ليان: عقبال ما اشوفك فيها يا قمر
مازن:الله يخل.....إيه الله يحرقك يا شيخة....اعوذ بالله منك ولية
تيتة مجيدة لأحمد: أنت يا خطاف النسوان انت...تروح تفتح الزرار اللى هناك ده وتحط الفيشة
أحمد:اشمعنا انا يعنى
تيتة مجيدة: عشان تتنحرر كده بدل ما عضمك يخشب ويسوس من قلة الاستخدام
أحمد وهو يذهب:يووووووه
شوقى بتشفى: والله ووقعتى يا نجوى
تيتة مجيدة:نجوة ايه ده انا هخليهالك عجوة دلوقتى بنت الرفضى
نجوى:ابوس ايدك بلاش
تيتة مجيدة:تبوسى ايديا وفى بوقك جبس يا ولية يا عديمة الدم
سيد وهو يشعر باهتزاز:هنمووووووت ياما
تيتة مجيدة:نيلة عليك انت وامك شغل ياض على أقصى سرعة
مراد وهو ينظر لمنة المبتسمة بامتنان: مبسوطة
منة:اوى اوى يا مرااااد...شوف دى تيتة هتعجنهم
مراد:كله عشان خاطرك يا ست البنات
منة وهى تنظر له بحب:انا بحبك أوى يا مراد
مراد:وانا كمان بموت فيكى بس قوليها تانى
منة وهى تتركه:متاخودش على كده يا بابا
مراد:انتى يا بنتى
أمير:بعد إذن الحب عدينى كده اما أقرب عشان اصورهم في الفون بتاعى
مراد:عدى يا أخويا
وكانت تلك الآلة مليئه بالجبس والمياه وهي تدور بهم كالغساله الكهربائيه يعصرون بها وقد امتلئوا بالجبس ابيض واصبحوا كالتماثيل 😂