"اللى ربى بتاع مربى" 😉🙄

سحلة نمبر تو😂

فى الساعة الثانية بعد منتصف الليل
حيث تلك البناية العالية التى تحمل في طياتها
أشخاصا خلقوا للإهانة والذل
حقا إنهم أذلاء مسحولين وأخيرا وليس آخرا
عديمى الأدب

حقا لقد طفح الكيل منهم فقد أعطاهم الجد
نصيبهم من التوبيخ وأصدر أوامره الجديدة
ليفروا بعدها هاربين إلى أماكنهم
ولكن هل انتهى الأمر بتلك السهولة؟

فى تلك الشقة التى يقيم بها العازبين وخصوصا وراء الباب يجلس ذلك السافل فى انتظار وتأهب يراقب شيئا ما او شخصا ما من العين السحرية وذلك بعد تأكده من نوم الجميع :

خالد وهو يراقب من العين السحرية:انتى فين يا شوشو اتأخرت........
مراد وهو يأتى من وراءه ممسكا بزجاجة مياه: شوشو مين
خالد ضاحكا باستفزاز:وانت مالك
مراد وهو يغلق الزجاجة:انت حر المهم الكلام ده ميبقاش هنا وسط المكان اللي بنام فيه
خالد ضاحكا:هو ده كل اللى همك😂
مراد:آه طبعا اصل المفروض إنك كبير وعارف إن ده غلط....بص على العموم ميخصنيش
خالد وهو يفرد صدره:الواحد عنده شغل كتير وعاوز طاقة...على العموم شكلك ملكش فيها
مراد مقتربا منه:أصلى نضيف ومبحبش الرمرمة
خالد ضاحكا: ههههههههه 😂 رمرمة ليه بتحافظ على نفسك للى هتتجوزها😂
مراد بقرف:هتفضل طول عمرك سافل
خالد:انت بتضيع وقتك معايا ليه
مراد:مش يمكن تنضف ولو انى معنديش أمل بصراحة
خالد بجمود:انا كده هصدق إنك عاوز مصلحتى بجد
مراد بجمود أكبر:لا متصدقش....أنا رايح أنام المهم زى ما قولتلك مش في شقتنا يا خالد
خالد ضاحكا: ههههههههه حاضر هخدها تحت بير السلم
سليم مستيقظا:صحتك يا خالود يا حبيبي
خالد:متقلقش على أخوك احنا جامدين
سليم مدندنا:أوى أوى😂😉
خالد بغمزة:هعمل حسابك معايا😉
سليم:اشطا يا شقيق
خالد:عاينلك حاجة كده لوز العنب
سليم وهو يشعل سيجارة:أما نشوف كيفك عامل إزاى
خالد وهو يشد منه السيجارة: حاجة بلدى... بس هتعجبك
مراد فجأة رزع الباب فى وشهم بصوت عالى ودخل ينام😂
سليم لخالد:ماله ده
خالد وهو ينظر من العين السحرية:معقد سيبك من......ايه ده ايه ده
سليم:ايه ياض ورينى كده
خالد بحسرة:المزة يا سولى
سليم:مالها ياض اتشقطت
خالد شاددا فى شعره:أنيل 
سليم:ايه ماتت 
خالد:أنيل وأنيل.  
سليم:لا متقوليش تابت.
خالد:يا عم مش للدرجادى
سليم براحة:طب حصلها إيه
خالد وهو يوسع له:بص بنفسك
سليم نظر ليجد تلك التي طرقت باب شقة الفتيات بل وفات الأوان لأن ندى قد فتحت لها الباب
سليم وخالد:استر يارب
مازن وهو يمشى نائما حتى خبط فيهما:ايه ده انتوا مين
سليم وهو يمسكه من قفاه:انا أخوك يا متخلف
مازن داعكا عينيه:أصلى سمعتكوا بتجيبوا سيرة ربنا قولت لا اكيد أنا لسه نايم وبحلم
خالد:هو احنا كفار ياض ولا إيه
مازن:ألعن وأضل يا خالد باشا
سليم وهو يدفعه:طب خش انت كمل أحلام اليقظة بتاعتك دى عما نشوف شغلنا
مازن وهو ينام على الأرض:اممممم ابقوا صحونى لصلاة الفجر
ثم فتح عينيه:لا فجر ايه انتوا متعرفوش الحاجات دى انا هبقى أصحى من نفسى
سليم لخالد:مين ده
خالد:بيقولوا بنى آدم
سليم:طب سيبك منه وتعالى نشوف بيحصل ايه بره