"اللى ربى بتاع مربى" 😉🙄

العدوان المجيدى على الحارة😂

صوت اقدام كثيره على السلم
جعلت الفتيات ينتفضن من مكانهن
ترى ما تلك الاصوات.............

مايا: أوف بقى هو الواحد ميعرفش يقول كلمتين في البيت ده
منة واقفة:أما نشوف ايه الرزع ده كله
ليان مندفعة: والله لو كان أخوكى لأهب في وشه زى نار انبوبة الغاز
ندى:فيه إيه يا ليان انتى جاية عليه كده ليه
ليان:عش... عشانه مترباش ابن نهال
مايا بغيظ:ولا هو ولا خالد
منة ضاحكة:ما شاء الله خالد بقت تطلع من بؤقك عادى كده
مايا:عادى ازاى يعنى
منة:من غير زفت أو حيوان أو شركائهم😂
ندى بفخر:انا اخواتى ولاد ناس محترمين من بره شمال من جوه
ليان وهى تخطو نحو الباب:آخ منك انتى واخواتك يا سهتانة انتى على روحك
ندى: يعنى إيه سهاتة
مايا:سهاتة😂
منة:اسمها سهتانة يا دودو😂
ندى:يعنى إيه برده ما أنا مفهمتش
ليان وهى تفتح الباب:ومن امتى بتفهمى يا بنت عمى
ندى بوجه أحمر:لا انا كل يوم بفهم عادى على فكرة
مايا وهى تحتضنها:عسل نحل يا ندوشة
ندى بإدراك:صدقى نفسى فيه يا مايا
مايا وهي تدفعها جانبا: داهيه فيكي وفي اخواتك يا شيخه
ندى: منه الحقيني
منة وهى تقوم لتقف بجانب ليان: وانا مين يلحقني منكوا يا حبيبتي
ندى: معرفش شوفى حد
مايا وهى تقف بجوار ليان ومنة:الناس الكتار راحوا فين
ليان:فوق يا مايا
ندى بفزع:ماتوا؟
منة:ميمشيش معاكى إنهم بينقلوا عفش بابا
ندى:عفش بابا؟ اه عارفاه
ليان:عارفة ايه ياللى موتنا وخراب ديارنا على ايدك إن شاءالله
ندى:مش عارفه...انتوا عارفين
مايا وهى تدفعهم للخارج جميعا:بلا عارفين بلا منيلين بنيلة قدامى نشوف هنفرش إيه فوق
ثم أغلقت الباب ورائهم
ليان وهم يقفون أمام باب الشقة: ثانيه واحدة
مايا:ايه يا ليان
ليان وهى تنظر لمنة:هل ده معناه إن منة معدتش هتقعد معانا في شقتنا
مايا لمنة: أيوة صحيح هتعملى إيه يا منة
منة رافعة كتفيها بابتسامة:هبات مع بابا يا بنات
ندى وهى تمسك ذراعها:لا ماليش دعوه انا عاوزاكى معانا يا منة
منة بابتسامة لطيفة: معلش يا نودى عشان مينفعش أسيب بابا لواحده
ليان: ماشى يا منة أهم حاجة برده إنك تكونى جمب عمو
مايا:صح هو محتاجك أكتر مننا
منة بضحك:فيه إيه يا بنات ده أنا في الشقة اللى فوقكوا مش راحة زحل ولا حاجة
ليان:وهتجيلنا تانى
منة:ه...........
ندى:وهنشوفك زى الأول
منة:أي............
مايا:هتخلى بينا يا من........
منة صارخة: باااااااس فيه إيه انا أصلا هبقى مرزوعة معاكوا طول النهار لإن بابا هيبقى فى الشغل وهنتغدى كلنا مع بعض انا وانتوا لانه غالبا مش هيلحق الغدا
مايا بتوتر:اهدى يا منة فيه إيه
منة:لوكلوك لوكلوك من ساعتها وكل واحدة فيكوا نازلة هرى ومش عارفه أقول الكلمتين
ندى:نازلين فين مش احنا كنا طالعين فوق باين
منة وهى تمسك ندى من ياقتها:بيييت اتعدلى بدل ما أعوجلك الشاسيه
ليان لمايا:دى كانت قطة مغمضة
مايا بضحك:فتحت على ايدينا يا لولى😂
منة وهى تصعد السلم أمامهم بغضب:جننتونى وخليتونى شعنونة ومجنونة
الثلاث فتيات نظرن لبعضهن وضحكن بصوت عال فقط😂
فمنة تكاد تحدف نفسها من أعلى ذلك السلم حالا😂😂😂
فى الأعلى:-
شوقى:الله ينور يا رجالة
ليان وهى تنظر للجميع:أيوة الله ين.......
مهاب بغضب:انتى ايه اللى جابك هنا
ليان:انت بتزعقلى ليه يا جزمة قديمة انت
مهاب:ليان احترمى نفسك انا مش راضي اتعصب عليكى
ليان: لا والله هتتعصب عليا واخواتى واقفين
أحمد وهو يضع كرسى ما:هو عنده حق انتى طالعة ليه انتى وبقية البنات
مازن:صح ملكوش حاجة هنا
منة:لا بقى احنا جايين هنا نساعد معاكوا
مراد وهو يرافق العمال للخارج وينظر لمنة:استنى عليا بس
منة بغضب:مراااد بقى
شوقى:اسمعى الكلام بقى
منة:ايه يا بابا انت هتقف معاه ضدى
شوقى:هو انتوا طالعين تحاربوا...منة اسمعى الكلام بقى
مايا: يا عمو هى مغلطتش في حاجة هى عاوزة تساعد واحنا نقدر نعمل كده
خالد:اه طبعا كابتن مايا تقدر على كل حاجة
مايا:اه طبعا وأقدر أكسر دماغك دلوقتى
مراد:مايا احترمى نفسك
مايا: يا مراد بقى
خالد بهمس:طفلة
مايا وهى تنظر له بطرف عينها:خا...خالد
خالد ببسمة:خير
مايا وهى تبتعد عنه:مفيش مفيش
سليم وهو يضع يده على كتف خالد:مالها دى
خالد وهو يزيح يده:ملهاش عدينى بقى أما ننصب أوضة النوم
سليم وهو يدخل ورائه الغرفة:أوضة النوم كده على طول بدون مقدمات😂
شوقى بضحك قوى:مع إنهم متربوش بس دمهم خفيف والله 😂....استنوا يا ولاد انا جاى أساعدكوا
سليم من الداخل بصوت عالى: حبيبي يا عمو شوقى
ندى لمنة:إلحقى باباكى يا منة
منة بضحك:كنت عرفت ألحق نفسى يا حبيبتي 😂😂
مراد لمنة:طيب انزلوا تحت بقى عشان الحاجات هنا تقيلة عليكوا أما نخلص هنبقى نندهلكوا
منة:لا يا حبيبي تقيلة مش تقيلة احنا هنعمل كل حاجة معاكوا مش كده يا بنات
مايا:كده طبعا
مراد ببسمة لمنة: حبيبي
منة بكسوف:إيه
ليان وهى تشد ندى ومايا:سوالف مرتبطين ما إلنا دخل فيها
ثم رحلن إلى حيث غرفة من الغرف
منة لمراد:عاجبك اللى انت عملته ده
مراد ببسمة:عاجبنى أوى أوى
منة:احت...احترم نفسك يا مراد بقى
مراد: الله ما انا محترم أهو
منة بضيق مضحك:انت عارف انا قولت كده...غص...غصب عني يعنى...يعنى تلقائيا كده
مراد يتعالى:طبعا علشان بتحبيني
منة بكسوف:بحبك؟ لا...قصدى أيو....
مراد مربعا يديه وهو ينظر لها بتسبيل:أقسم بالله ما حد مجننى قدك
منة وهى تغطى وجهها بيدها وتلف وتعطيه ظهرها: والله لو فضلت تبص وتتكلم كده هاخد بابا ونمشى من العمارة كلها
مراد بضحك: ههههههههه 😂 ياااااه من العمارة كلها مرة واحدة...لا لا يا ستى وانا مقدرش على زعل حبيبة قلبي
منة وهى تلف له:معتش تقول بقى الحاجات دى
مراد بنبرة لعوب:حاجات إيه
منة وهى تجرى من أمامه:ما...ماياااا انتى فين... يا بنات انا جايالكوا........
مراد بضحك وهو ينظر لها وهى تدخل احدى الغرف:جبانة😂
ثم قال بتنهيدة:بس بموت فيها
مازن وهو يخرج من احدى الغرف مليئا بالأتربة:ده سرير غريب بالله
مراد:مالك يا ابنى كده انت قلبت نفسك في التراب وجيت ولا إيه😂
مازن بضيق وهو ينفض نفسه:لا يا عم بس سرير عمك شوقى ده غريب جدا
مراد بضحك:ماله😂
مازن:فيه ضرف بتتفتح وتتقفل لا وإزاز كمان
مراد:ضرف إزاز؟ ورينى كده
مازن وهو يأخذ يده نحو الغرفة:بص يا سيدى واكتشف
مراد مبحلقا عينيه:انت كويس يا مازن
مازن ببسمة عريضة بلهاء:اه
مراد مقلدا صوته:اه...اه إزاى انت بتشوف يعنى
مازن وهو ينفض نفسه حتى امتلأ وجه مراد بالغبار:اه والله
مراد وهو يكح:كح...كح....انت...انت ايه....كح ده...ده بزمتك كح...كح...سرير
مازن بغباء:اومال ده ايه
مراد:ميمشيش معاك انه دولاب المطبخ يسطا
مازن:وانا أقول حبيته من أول نظرة ليه
مراد:إلحقوووونى....حد يلحقنى من الكائن المستفز ده
مازن وهو ينظر حوله بإحراج مضحك:اسكت...اسكت فضحتنى
مراد:ابدا لازم ييجوا يشوفوا الحزن اللى انا فيه
مازن وهو يحتضنه:يسترك ما يفضحك....اهدى يا مراد
مراد بخنقة وهو يبتعد عنه:أبو شكلك لازقة.... إلحقووووووونااااااااااااى من غباء أهله
مازن وهو يعض على يده:ياما...ياما يا سوااااادى...يقولوا عليك ايه الوقتى يا زونة....أب هجبلك أيسكريم...بلاش تلمهم عليا إلهى يسترك عمك شوقو هنهوت يقول على زنزونة اللى هو انا ايه
مراد وهو يتمالك أعصابه:شوقو؟ ونزنوزة؟اه هموووووت هتشل حد يطلبلى الاسعاااااااف
مازن بغضب وهو يدب بقدمه في الأرض:بقولك زنزونة مش نزنوزة ايه القرف اللي بتقوله ده انا اسمى محدش يغلط فيه والله لأحبسك في الحمام مع الخبث والخبائث بقى
مراد بغضب شديد:ايييييه
فقام مازن بدفعه على باب من خلفه بسرعة وأغلق عليه بالترباس من الخارج:كله إلا زنزونة....ده أنا الزوز حدش يغلط فيا وانا عايش أبدا ولا انا ميت برده للاحتياط يعنى
مراد وهو يطرق الباب بعنف ومازن يستند عليه:افتح لحسن والله لهفتح دماغك يالاااااا
مازن بعند:لاااااااااا
مراد:ماااااازن متخلنيش أدشدش الباب ده أطلعلك
مازن:لا والله وهتطلع منين بقى من الأكرة ولا من تحت العتبة
مايا وهى فى المطبخ لندى:بت يا دودو فيه صوت صريخ بتهيقلى
ندى:عادى تلاقيه من عند الجيران
مايا:أحسن يكون حد من اخواتنا بيشاكلوا ولا حاجة
ندى:حد زى مين يعنى ما انتى أهو وخالد فى أوضة تانية
مايا متخصرة:نعم
ندى بملل:قصدى يعنى مفيش حد بيتخانق غيركوا وانتوا بعاد عن بعض أهو
مايا بتفكير:إذن
ندى:إذن مفيش مشاكل... وبعدين الصوت مكتوم كده كأنه جاى من بعيد
مايا:صح ممكن يكونوا الجيران ولا حاجة
ندى لمايا:تفتكرى يا مايا خالد هيعرف إنك بتحبيه امتى
مايا بغيظ:لما أضربه إن شاءالله
ندى: يا ساتر يا رب ليه كده
مايا بإحراج وهدوء:مش قصدى يا نودى ده خالد ده...ح....حبيب....حبيبى
ندى بهيام:ياااااااه على قصة الحب اللى مفيهاش أمل دى يا مايا
مايا وهى تمسكها من ياقتها بعنف:أمل دى تبقى أختك سامعة
ندى:بس انا معنديش اخت اسمها أمانى
مايا وهى تشتعل:أمل
ندى:أمل أمل
خالد وهو يدخل المطبخ:انتى معتقلة اختى ولا إيه
مايا وهى تتركها وتنظر له بحدة:والمرة الجاية هتبقى مكانها إن شاءالله
خالد وهو يغسل يده وهو ينظر لها بعنيه اليسرى:ولا تقدر
مايا بجنون:تقدر؟ يعنى انا...يعنى انا راجل
خالد وهو يغلق الصنبور:وأجدع راجل يا باشا
مايا بغيظ شديد:خاااااالد
خالد وهو ينفض ماء يده على وجهها:ايه هتاكلينى
ندى بملل وهى تخرج خارج المطبخ:تعبت منكوا بجد
مايا وهى تقترب منه وتدبه في صدره:بكرهك
خالد وهو يمسك يدها بغضب:وانا أكتر منك
مايا وهى تشد يدها من يده بعنف وتخرج: والله لأوريك يا خالد
خالد وهو ينظر لها ويتكلم بهمس: يا ريييييت
مايا وهى تمر على غرفة السفرة:ها خلصتوا يا مهاب
مهاب:أيوة كده تمام يا مايا
مايا:أومال فين مراد وعمو شوقى عشان عاوزاهم يركبوا السخان في الحمام
مهاب وهو يضع كرسى ما حول السفرة:عمو شوقى في أوضة النوم بتاعته بس مراد معرفش هو فين
منة وهى تقترب منهم:ها خلصتوا هنا
مايا:اه كله تمام
مهاب:اومال رجل الكهف بتاعنا فين
منة:أحمد يعنى؟ واقف يا سيدى في البلكونة بيتفرج على تيتة وهى بتمسح ببكرى الشارع كله
ليان وهى تأتى إليهم:طب بقولكوا إيه يلا بسرعة ننزل نتفرج على المشكلة دى تيتة عاملة حوارات تحت
مهاب:تحت وفوق والله هى دى بتعتق حد
ليان:عقبالك
مهاب: أنا وانتى فى علقة واحدة إن شاءالله
ليان:لا انت لوا.........
مازن وهو يأتى إليهم:بقولكوا إيه
الكل بزهق:إيه
مازن:مش كنتوا عاوزين تساعدونا
ليان:اه
مازن:طب ما تعملولنا عشا وتطلعوه
منة:طب وبالنسبة للست ساندويتشات وكيسين العصير اللى انت طفحتهم من أول ما طلعنا دول يبقوا إيه
مازن:مسح زور يا منة
منة: الحمدلله أشكرك يا إلهى
مهاب: على إيه بالظبط يا منة
منة: على إنى هتنقل هنا مع بابا عشان مشوفش سيد قشطة ده كل يوم في خلقتى
مازن بشرود: يا سلام بقى لو عسل اسود مع طحينة وساندويتشين كبدة هوهو مع سجق ونص كباب عارفين بقى ونحلى بإيه
ندى:مش عاوزين نعرف
مازن:هقولكوا...هنحلى ببسبوسة وصنية جولا..........
سليم وهو يأتى إليهم:حد ينزل يجيبلنا شاكوش من تحت بسرعة
ليان:اشمعنى
سليم: مراد محبوس جوه الحمام وعاوزين نطلعه
مايا وهى تجرى بسرعة خارج غرفة السفرة:مرااااااد
ندى وهى تأخذ يد منة:تعالى معايا نجيبه عشان مش عارفه شكله مش هو اللى شكل حرف تى باين
منة بغضب:ما المشكلة إنى مش عارفة أمسك فيكى الوقتى
ندى بحماس:يلا... عشان انا عاوزة انا اللى أطلعه هتبقى حاجة حلوة موووووت
مازن لسليم:هو الترباس تربس خالص للدرجادى؟
سليم:بتقول ايه انت
مازن بدون اهتمام:ولا تشغل بالك دى أفكار كده بنات أفكارى بيكلمونى كدهوت
سليم:وبنات أفكارك دول على كده حلوين بقى ولا شبهك
مازن:انت بتتريق ده انا مز ياض عنين رمادى وشعر اسود وهبهدلك
سليم:لو مش بتشوف يعنى انا عندى نفس العنين الرمادى والشعر الاسود
مازن:بس انا أبيضانى عرسى كده إنما انت قمحاوى شوية
سليم:فعلا انت والعرسة واحد والله
مازن:أب يلا نشوف مووووورااااد
سليم وهو يضربه على قفاه:ندى بس تجيب الشاكوش وانا ادبك زى المسمار في الأرض مش هخلى باين منك إلا عنيك اللى هتبظ لبره دى
مازن:بنت الجيراااان شاغلالى انا عونيااااااا وانا في المكان في خلق حيوالايااااااا وتجينى تلاقينى لسه بخيرى مش هتبقى لغيرى ايوة انا غيرى مفيش
شوقى وورائه خالد وهو يعبر من بينهم بسرعة إلى حيث الحمام: الحمدلله إن مفيش غيرك
خالد وهو يرحل:عندك حق يا عمو ده احنا في نعمة مش مقدرنيها والله
ندى وهى تجرى عليهم:المفتاااااااح أهو
منة وهى ورائها بيأس:شاكوش يا حبيبتي
ندى وهى تلوح بالشاكوش في الهواء حتى كاد يدخل في عين سليم:اه قصدى الشاكوش أهو
مازن وهو يأخذ منها الشاكوش: هاتيه بسرعة عشان انقذ الواد
سليم وهو يمشى وراء مازن: ربنا يهدك يا مازن يا أخويا
ندى:على صوتك يمكن حد ينجدنا منه
منة وهى تأخذ يدها:يلااااا عشان مراد