"اللى ربى بتاع مربى" 😉🙄

المعجب السرى😉😂

مراد بصوت عالى جدا: لااااااااااااااااااااا
تيتة مجيدة بغضب وصوت عالي: مالك يا بلغة يا ابن البلغ سرعتنى 
جدو مصطفى بضيق:فيه إيه يا مجيدة ما تهدى كده ونشوف بيصرخ ليه ده
تيتة مجيدة بغضب شديد:أهدى ازاى يا راجل ده انا كنت هتقزح في السقف الوقتى ده سرعنى المتشرد ابن المتشردين
خالد بزهق:هو حضرتك لازم لما تشتمتى حد فينا تشتميه بأهله ليه ما كفاية هو
جدو مصطفى:من امتى الاحترام وحضرتك وبتاع
خالد وهو يحك رأسه:من حبة كده يا جدو
جدو مصطفى:امتى يعنى
خالد:استنى أما اعديلك
وبدأ يكلم نفسه:بقالك يا واد يا خالود آدى واحد اتنين تلاتة.... بص يا جدو بقالى اسبوع كده بقول كلمة حضرتك
شوقى:ما شاء الله ربنا يباركلك يا ابنى
تيتة مجيدة لشوقى:انت جاى تشلنا ولا إيه
شوقى:بشجعه يا ماما مجيدة
تيتة مجيدة وهى تضربه على رأسه:خدت اذنى
شوقى وهو ينظر لمنة: ده أصله ايه ده يا بنتى
منة بضحك:عادى يا بابا
شوقى لخالد: متزعليش منه باين عليه محترم كده وهيبة وبعدين ما شاء الله ظابط قد الدنيا
خالد بحمحمة:ده وسام على صدري يا عمو
تيتة مجيدة:صدرك...صدرك يا واد يا بايظ... بقولك ايه... بقولك ايه متخلنيش أفضحك بقى وأقول إنك بتروح كل يوم متكلبش بالأصفاد وملفوف زى محشى الكرومب بالملايات سبع لفات
شوقى:ده بجد
مايا بسرعة:بتهزر يا عمو بتهزر
سليم وهو ينظر لخالد:من امتى ده
خالد بهمس:ده اللي هو ايه
سليم:اللى هو أنا اللى انا شايفه ده
خالد بهمس:عادى يعنى
سليم بشك:يمكن
جدو مصطفى لمازن:عاوز تقول ايه يا ابنى
مراد وهو يقف وراءه ويكتم فمه بسرعة:لااااااااااااااااااااااا
أحمد: ارحموا أمى انا بنام بدرى
ندى بغضب مضحك:ده زى ما يكون حد راشش بنج in his mouth and his nose 
مهاب وهو يطبطب عليها: good boy good boy
ندى بضيق:هو أنا الكلب بتاعك
مهاب وهو يتكلم في أذنها:الله اكبر الله اكبر
جدو مصطفى:بس يا عديم الدم انت وهى
ندى بتذمر:ده هو يا ج........
جدو مصطفى:اخرسوا
تيتة مجيدة لمازن: استنى يا مصطفى.....روح هاتلى الطاسة من المطبخ
مازن:إيه
تيتة مجيدة محاولة تمالك أعصابها: بقولك روح يلااااااااااااااااا
مازن متذمرا:وربنا ما أنا رايح ها
تيتة مجيدة لندى:به روحى جيبيلى انتى الطاسة
ندى بغباء:ده انا
ليان بهمس:لا أمها
تيتة مجيدة بغضب لجدو:روح هاتلى مدفع...دول مينفعش معاهم غير المدافع والأسلحة الثقيلة
أحمد بتهكم:وابقى هاتلى يا جدو حاجة للصداع عشان معدتش قادر من مراتك
جدو مصطفى:ولا احترم نفسك...ايه قلة الأدب دى
تيتة مجيدة وهى تشد احمد من قميصه حتى وقع على الأرض تحت قدميها:مرروا عيشتك أكتر ما هي يا سافل يا منحط يا عديم الاحترام والإيمان يا اللى وشك زى قفاك ياللى عامل شبه...شبه ايه يا بت يا مجودة مفيش...صدق بالله
أحمد وياقته بين يديها:وأمنت بالله
تيتة مجيدة:انت عيل تبت ومالك شبه
مهاب مدندنا: مفيش شبهى في بلدك
ليان رافعة يديها للسماء: الحمدلله يا أخويا
مهاب:مهزأة
ليان بغضب:حيوان 
مازن فجأة بصوت عالى:فيه عقود عندنا في الشركة بتسعة مليون جنيه اتسرقوا
الكل متوقفين وناظرين اليه في صدمة:اييييييييه
جدو مصطفى بجنون:ايه اللي انت بتقولوا ده
مراد وهو يضع يده على وجهه بيأس:ايه اللي انت هببته ده
مازن بهمس:ما هو كان كده كده هيعرف وهيحمرنا زى الكلب الساخن على الجمبين
مراد:كلب إيه
مازن:الهوت دوج.........
جدو مصطفى بحزم شديد:انتوا عارفين انتوا بتقولوا ايه انتوا الاتنين
مراد مشاورا على مازن: والله ما قولت حاجة ده هو
مازن متخصرا:ليه يا أخويا كنت بشتغل في الشركة لواحدى ولا مأجرها من جدك وبدفعله فلوس ولا قالبها شقة استغفر الله العظيم
خالد:لو عاوز قولى وانا أظبطك😂
سليم مصفقا:الله عليك يا حبيب وال......
تيتة مجيدة:حبيب نار جهنم...حبيب الخبث والخبائث....آه يا سافل يا زنديق يا فاجر منك ليه ليه ليه
سليم:احنا اتنين بس يا تيتة
تيتة مجيدة:التالتة دى احتياطي ايش عرفني تكونوا جايبين واحدة سافلة مخبينها جوه ولا حاجة
شوقى:لا إله إلا الله عجايب والله
منة بهمس: هو انت لسه شوفت حاجة يا بابا
شوقى:هو لسه فيه حاجات اكتر من كده
منة بهمس:اتفرج دلوقتى وشو.......
جدو مصطفى بصوت عالى:انتوا الاتنين
مازن ومراد مبتلعين ريقهم بصعوبة:ها
جدو مصطفى:العقوووووود دى راحت فين
مراد:مع...معرفش والله يا ج......
مازن بسرعة مقاطعا:أبوس ايديك ورجليك ما تعمل فينا...قصدى فيا انا حاجة انا لسه فيه حاجات كتير عاوز آكلها قبل ما أموت
ليان:طفس حتى وهو بيموت
مازن متخصرا: محدش قالك ابقى زورينى بالأكل عند الترب
ليان:ولا حد هيعبرك أساسا ولا انت حى ولا انت ميت ريح بقى
تيتة مجيدة وهى تقبلها فجأة:حفيدتى في الملاعب أبت والله
ليان:قلب قلبى يا تيتة
تيتة مجيدة:حربوقة قد الدنيا يا ولاد
ليان بشرار:وراكى رجالة يا تيتة
جدو مصطفى بشر لهما:العقود اللى اتسرقت دى مسؤليتكوا انتوا الاتنين ولازم ترجع تانى سامعين
مراد بجدية: بس احنا قلبنا الدنيا كلها عليها مش موجوده
جدو مصطفى:مش مشكلتى
مازن بغضب مضحك: مش مشكلتك ازاي يعني يا جدو مش شركتك دي ولا احنا بنتبلى عليك
شوقى:اخص على التربية والله
تيتة مجيدة وهى تنظر لمنة:طبعا ما اللى يربى الحلاوة دى لا يمكن يبص لولاد الكلب الجربة دول
شوقى:توشكرى يا ماما مجيدة
تيتة مجيدة بزهق:العفو العفو
منة بضحك:مالك يا تيتة
تيتة مجيدة:زهقت من كتر الشكرانية في أبوكى....ايه ده
شوقى:الحق عليا يعنى انى محترم و......
تيتة مجيدة بغضب:يخربيت أم أخلاقك زهقنا يا أخويا كفاية احترام بقى
مايا:هدى نفسك يا تيتة يعنى مش عاجبك لا محترمين ولا اللى مش محترمين
تيتة مجيدة وهى تحدفها بتفاحة في منتصف وجهها: محدش وجهل......
مايا بملل:وجهلى كلام عارفة 
تيتة مجيدة وهى تنظر لهم جميعا:سقعانين...كلكوا سقعانين
ندى:بس أنا حرانة يا تيتة والله
تيتة مجيدة وهى تمسك تفاحة أخرى لتضرب ندى بينما كانت ندى قد وقفت ببسمة عريضة حتى تفتح احدى الشبابيك لتأتى تلك التفاحة في وجه مهاب لكنه التقطها وبدأ في أكلها وهو ينظر للجدة ببسمة مستفزة 😂
تيتة مجيدة:انتوا أصلكوا متربتوش
ثم نظرت لمهاب:وانت أولهم يا رخم يا سقعان
مهاب:تشكرى يا تيتة ده شرف ليا والله
تيتة مجيدة بغيظ:اه يا نارى هموت وأجيبك من لباليبك
جدو مصطفى وهو ينظر بغضب لمراد ومازن: محدش هيتجاب من لباليبه غير الاتنين دول
مازن لمراد بحذر:نعمل ايه...نعمل ايه
مراد وهو ينظر للجد:اه جرصنا وافضحنا فضيحة المطاهر وقولى نعمل ايه
مازن:ايوة نعمل ايه نعمل ايه
مراد بغضب شديد:هو انت ايه بغبغان صدى صوت...ما قولتلك متزفت معرفش
ندى:طب وهتعرف امتى يا مراد عشان انا مستعجلة ولازم أقوم أحط الماسكات بتاعتى دلوقتى
الكل:يييييييييه
ندى:زعلانين كده ليه
ثم نظرت لمايا:هو فيه حد زعلهم في حاجة
مايا بندم: يا ريتنى كنت جبت حاجة الملاكمة بتاعتى معايا
ندى:ليه كنت هتضربى خالد
مايا وهى تنظر لخالد بعدم تركيز:ها
خالد ببسمة جانبية:ايه كنت هتضربينى
مايا بحمحمة وغيظ:احم...أي...أيوة طبعا وانت مين غيرك يعنى يستاهل الضرب أصلا
خالد بضحك: ههههههههه 😂 ماشى يا كابتن
مايا بغيظ وهى تدب بقدمها:متقوليش كابتن دى تانى
خالد ببرود:أومال أقول لسيادتك إيه يا دكتورة
مهاب:خالد هى دكتورة أصلا
خالد:أكيد دكتورة في مستشفى المجانين طبعا
مايا وهى تقترب منه بتحدى:خالد متختبرش صبرى
خالد بتهكم وهو ينظر لعينيها:ليه وراكى حاجة تانية
مايا بخدود حمراء:ها...ليه فاكر نفسك محور الكون ولا الظابط الوحيد اللى فى الدنيا
سليم بضحك:أى كلام😂
الاتنين:ها
سليم:ها ايه...اللى انتوا بتقولوه ده أى حاجة في أى حاجة انتوا بتقولوا أى كلام مالوش معنى ولا ليه لازمة أصلا😂
مراد: اه والله انا نفسي مفهمتش حاجة
أحمد:المهم يتخانقوا وخلاص
شوقى:اهدوا يا ولاد كده ربنا يهديكوا
مايا وهى تبتعد وتقف بعيدا:وانا مالى يا عمو ربنا يهديه هو انا زى الفل هو اللى مجنون تقريبا
خالد بعدم تصديق:بجد والله انا اللى مجنون برده
مايا وهى تنظر من النافذة بعند وتعطيه ظهرها:اه انت اللى مجنون
خالد وهو يجلس جانبا:ارحمنى يا رب
ثم نظر لمراد: ما تقولها تبطل داء الخناق اللى فيها ده ولا خلاص سكتلها
مراد بعدم اهتمام: بقولك ايه بلا خناق بلا زفت سيبنى باللى انا فيه
شوقى لمراد:يعنى انتوا دورتوا كويس يا ابنى
مراد:اه والله يا عمو ده احنا حتى فتشنا كل الموظفين ستات ورجالة
سليم:ستات؟طب مش كنتوا تقولوا كنا نقلع...قصدى نفتشهم معاكوا
تيتة مجيدة:يخربيت بجاحة أهلك
سليم:من غير الأهل يا تيتة
تيتة مجيدة:وهما أهل اللى خلفوك دول يبقوا مين ما هم ولادى اللى انا جبتهم من بطنى المايلين البعدة اللى معرفوش يربوكوا
سليم: والله انتى أدرى بتربيتهم يا تيت.....
تيتة مجيدة بغضب:اخرس
سليم:هو أنا نطقت أساسا 
مايا بغيظ:انا مش عارفة العرق المنيل بنيلة ده وارثينه من مين
تيتة مجيدة وهى تنظر للجد:هيكون من مين يعنى
الجد مصطفى: بقولك ايه جو التلقيح ده انا مش فاضيله فيه ورايا كارثة بتسعة مليون جنيه
تيتة مجيدة:شا الله تكون بخشروميت ماليون يا حبيبي ولا يهمنى 
منة: طب ما انا جاتلى فكرة حلوة يا جدو
جدو مصطفى:ايه يا منة
منة:لو مش عارفين يلاقوا العقود يبقوا يعوضوها بشغل تانى بنفس المبلغ أو أكتر
تيتة مجيدة: والله فكرة حلوة
جدو مصطفى: هى فعلا فكرة كويسة بس هل يا ترى هما هيعرفوا يعملوا كده
مراد بتفكير:هو... تمام يا جدو إن شاءالله نعرف نعمل كده
مازن:هو ايه حرف النون اللى انت لازقهولى في الكلام ده وايش عرفك إنى هعرف ساحر انت ولا إيه
مراد وهو يمسك كتفه:بقولك ايه تعرف لواحدك ولا جدك يعرفك
مازن وهو ينظر للجد بحذر:هعرف هعرف ده أنا شاطر يا حاج مطرح ما تحطنى هشتغل إن شاءالله اشتغل نفسى.....امممممممم....امممممم
تيتة مجيدة:بتمأمأ ليه يا ابن الجزمة
سليم:هيتحول معزة باين
أحمد وهو ينظر في الساعة:المهم ميمأمأش كتير
ندى:مستعجل انت عليها انا عارفة
أحمد: على مين يا عجلة انتى
مايا: ما بلاش تقول