"اللى ربى بتاع مربى" 😉🙄

تعليقة😂❤️

لقد صرخت تلك الفتاة الواقفة في الشرفة
بصوت مفزع
حتى جرى عليها كل من بالمنزل
وياللصدمة فقد اتضح أن من حقها الصراخ فعلا
مايا ممسكة بعض الملابس في يدها:مالك يا بت بتصوتى لي....ايه ده يالهوى
منة بفزع وهى تقف على أول الشرفة دون أن تنظر في الشارع:ايه الصوت ده
ليان وهى تسرع تجاه السور:مفيش وقت يلا ننزلهم
منة باستغراب:ننزل لمين
ندى وهى تشد يدها: بصى كده وانتى تعرفى
منة بصراخ: يا نهارى دول بيتخانقوا... يا رب ميكونش جرا لحد حاجة
نزلت الفتيات إلى أسفل كل واحدة منهن يبدوا على ملامحها الغضب
والاستعداد للخناق و افتعال المشاكل
فقد أمسكت ليان مأشاة بلاط بالمقلوب بينما أمسكت منة طاسة كبيرة وندى كانت تمسك شبب زنوبة فى وضع استعداد
اما عن مايا فقد ارتدت قفازاتها استعدادا لشلفطة أى حد فى وش أمه😂
واتجهت الفتيات إلى منتصف الشكلة في القهوة التى تقبع بجوار المنزل
مايا وهى تتقدمهم و تزيح الناس:عدوا كده....عدوا يا بنات
شاب ما:بتزقى كده ليه يا بت انتى
ليان:البت دى تبقى انت يا اللى مش عارفينك واد من بيييت
مايا وهى تلكمه:انتى لسه هتطولى لسانك عليه
ندى بفرحة:ايوة كده يا مايااااااا
منة:طب وانا اعمل ايه وسطكوا
ندى وهى تنظر لمايا التى جلست فوق بطنه
والناس بيحاولوا يحوشوها عنه:زغرطى يا منونة احنا الكسبانين
منة في نفسها: ربنا يستر وأفضل بعقلى يا رب😂
ليان وهى تتركهم وتتجه داخل القهوة:سليييييببم....أحماااااااد.....أى حد يرد
مازن وهو يخرج من تحت أقدام الناس بصعوبة:مندهتيش عليا ليه يا بت هو أنا مش أخوكى زيهم
ليان وهى تشده من شعره ليخرج من الزحمة:ندهت عليك النداهة يا بعيد
مازن وهو يسحب مرة أخرى:انقذينى خلى عند أهلك دم
ليان وهى تشده وتنادى الباقى:بناااااااات إلحقونااااااااا
رجل ما:ايه البت دى وبنات مين
ندى وهى تقترب من ليان و تشد معها:خليك في حالك بدل ما أطلعلك بالليل من تحت السرير يا راجل انت
رجل ما للأول:سيبها باين عليها هطلة
مهاب وهو يخرج من فوق رؤوس الناس وينط فجأة على رأس الرجل:الهطلة دى تبقى أمك يا روح امك
مايا وهى تشد يد منة التى تنظر للرجل اللى ضربته والناس اتلمت حواليه:تعالى اما نشوف بيضربوا مين ولا مين بيضرب وهما يستاهلوا بصراحة
منة بشرود في الرجل اللى طحنته مايا:ها...باينه مات ولا إيه
مايا وهى تجذبها بسرعة: يولع سيبك منه
واتجهت لمهاب:انت يا ابنى انطق بسرعة فيه إيه
ندى:ايوة وانتوا بتهببوا ايه هنا
منة لمهاب:وفين بقيتكوا...انا مش شايفة من الشكلة غيرك
ليان ببساطة وهى تنظر للشكلة:لا عادى انا لمحت مازن تحت الرجلين كده بس اتشفط ومعرفتش أطلعه
مهاب بغضب:انتوا اللى بتعملوا إيه هنا وايه اللى منزلكوا أساسا
منة:اومال نسيبكوا تتخانقوا يعنى و نسكت
مهاب بغضب شديد:وانتوا مالكوا اطلعوا فوق
منة صارخة:لا مالنا ونص وتكلم كويس يا مهاب
مهاب بغضب أكبر:طب الشكلة قدامكوا أهى ورونى بقى هتعملوا إيه
ثم نظر لليان:الحق عليا انى خايف عليكوا
فنظرت له ليان من تحت لفوق بعدم صدق بمعنى والله ؟😂
ندى لمهاب:اهدى يا زفت انت واعتذر لمنة عيب كده
مهاب وهو ينظر لمنة بضيق:انا آسف يا منة بس والله المفروض متكونوش موجودين هنا خالص
منة ببسمة:ولا يهمك...بس قولى هى الشكلة د.......
مايا صارخة:مش وقته سليم لمحته بيتعجن في نص الشكلاااااااا
مهاب:جاتلى فكرة بس اسمعوا بسرعة......
ليان:دى حاجة غبية أوى
مهاب: والله ما هيشلنى غيرك انا عارف
ليان:أوف بقى
مايا:اسمعى الكلام الفكرة تنفع بدل المعجنة دى
ندى: طب يلا مفيش وقت
منة وهى تصعد للمنزل:يلا
بعد دقيقة واحدة كانت خراطيم المياه مندلعة من الشرفة بالإضافة إلى الأوانى التى تملأ وتفرغ حتى غرقت الحارة بأكملها😂
مهاب وهو ينظر لهم بفخر وشاور لهم👍
ندى وهى تنظر بفرحة: مبروك غرقنا الحارة يا بنات واو
ليان وهى تزيل ابتسامتها تدريجيا:واو ايه أخويا وأخوكى في الشلاحات
مايا وهى تسبقهم لأسفل:ورايا بسرعة
لينزلوا لأسفل ويجدوا صاحب القهوة معلق سليم وخالد على باب القهوة ومراد ومازن وأحمد مضروبين وبيزعقوا ومهاب واقف بيزعق
معاهم
مهاب وهو ينظر لهم بيأس:انتوا جايين تانى ليه
مراد وهو يضع يده على جرحه بغضب:تانى ازاى يعنى هما كانوا هنا أولانى
منة بخوف:م...مراد...احنا جايين نساعدكوا
مراد بصوت رجولى وجهورى:تساعدى مين منك ليها شايفينا إيه
مازن بجدية: فووووووق يلا من غير كلام
صبى القهوة: على اخر الزمن الستات هتساعد الرجالة
أحمد وهو ينزف من رأسه:عاجبكوا كده اهو بنسمع كلمتين من اللى يسوى و ميسواش بسببكوا
صاحب القهوة وهو ينادى رجاله:رجالة فيه واحد بيقول عليكوا متسووش
مهاب وهو يدفع ندى بعيدا لتدفعهم أيضا:غوروا بقى هيتعمل علينا حفلة الوقتى
ندى بغباء:حفلة موسيقية يعنى
مازن وهو يلطم:بس بقى يا شيخة منك لله
ندى:ايه مش فاهمة
مازن وهو ينظر للرجال من حوله:مفيش وقت روحى هاتى الاسعافات الأولية بسرعة
مايا بشجاعة للرجل:اقدر افهم الاتنين المتعلقين دول هببوا ايه عشان التعليقة دى
صاحب القهوة وهو يضرب فيهم بعصا:كانوا بيعاكسوا بناتى الاتنين
مايا:إيه
صاحب القهوة:زى ما بقولك كده أصلك محموقة أوى عليهم
ليان وهى تنظر لندى: بقولك ايه يا ندى هاتى الشبشب ده كده
ندى:خدى يا حبيبتي
ليان وهى تنظر لسليم المعلق:سليم
سليم وهو مهلك:أيوة يا نيلة
ليان:خد دى
فقامت ليان بحدف ذلك الحذاء في وجهه بينما هو تألم بشدة
منة وهى تنظر لهم:وانتوا مبتعتذروش للراجل ليه عن اللى عملوه....بدل ما تشاكلوا معاه و تضربوا كده
أحمد بهمس:منة بس بقى انتى بتقللى مننا كده
ثم نظر لمراد:قولها حاجة يا مراد
مراد وهو يمرر أصابعه في شعره:اسكت يا عم شكلها قمر وهى متنرفزة كده
منة بصراخ:انتوا الاتنين بصولى هنا
مراد:اطلعى فوق يا منة
منة:لا مش هطلع يا مراد قبل ما أشوف الاتنين دول عملوا كده ليه
صاحب القهوة:هاتلى قهوة يا ابنى خلينا نتفرج بمزاج
خالد:انت بتأذى نفسك انا ظابط وهوديك في ستين داهيه
صاحب القهوة: والله لما تكون مدير الأمن ما أنا سايبك
أحمد وهو يقترب من الرجل بغضب:ما خلاص يا عم بقى فضها س.......
مراد وهو يرجعه:أحمد... خطوتين لورا كده
احمد بتحدى:منتاش شايفه يا عم
مهاب لأحمد: الوضع مش في صالحنا لازم نشوف حل
خالد بغضب:هما كانوا يعنى ملكات جمال الكون
سليم: على رأيك يا عم خالد
صاحب القهوة بغضب:شايفين السفالة وعدم الرباية... والله لما تعملوا ايه وانا منزلكوا
مايا:طب انت يرضيك ا.....
خالد بغضب:ملكيش دعوة انتى ميت مليون مرة أقولك ملكيش دعوة بأى حاجة تخصنى
مايا بصراخ:عندك حق انا لازم أسيبك متشعلق كده والراجل ده يقتلك و نخلص منك عشان انت بنى آدم سافل و قذر وحيوااان
ثم نظرت للرجل:اقتله يا عمو ده ميستهلش إلا كده
فنظر لها الجميع بدهشة ومن غضبها الذى انفجر فجأة
ثم رحلت بغضب تحت نظرات الجميع وخصوصا أخيها مراد الذى ينظر لها بغرابة هو يعرفها جيدا فلابد من سبب ما غير تلك الخناقة وراء ذلك الغضب
مراد وهو ينظر لمنة والفتيات:وراها متسيبوهاش
منة:طب وانتوا
مازن: متشغليش بالك هنتعلق جمبهم
احمد وهو يسلم عليه:إن شاءالله
ليان وهى تشهدها:تعالى يا حبيبتي بدل ما نتعلق معاهم
مهاب لأحمد:اختك دى
أحمد حاككا رأسه:بيقولوا
بعد برهة ذهبت الفتيات وراء مايا الغاضبة بسبب خالد وهذا واضح بالطبع للجميع
فهى تتوعد له منذ رؤية الصورة
مع تلك الفتاة المقززة
فى المنزل:-
مايا وهى تفتح الباب وتدخل بعصبية: يا ابن ال....ال... يا ابن عمو أكرم....ماشى ماشى يا خالد
ندى وهى تدخل وراءها:معلش يا مايا ما انتى عارفة خالد وانه بصراحة يعنى مفيش عمار بينك وبينه وده العادى
مايا وهى تقترب منها بعصبية:ندى ابعدى عن وشى بجد انا مش طايقة نفسى
ليان: كفاية كده انتوا هتتخانقوا ولا إيه
مايا:فيه حاجة يا ست ليان بقولكوا ابعدوا عنى مش ط.......
منة:مايا اهدى مش كده
ندى:انتى بتهديها يا منة....انتى مش شايفة هى بتقولى ايه
منة: خلاص بقى يا ندى معلش...ما انتى عارفة اللى خالد أخوكى عمله
ندى:طب وانا ذنبى ايه يعنى تزعقلى كده
ثم همت بالرحيل:انا ماشية
مايا وعينيها تدمع فجأة:ندى
ندى وهى تنظر لها بملامة:ايوة يا مايا
مايا وهى تحتضنها فجأة ببكاء:انا آسفة
ندى وهى تنظر إليهم ومايا في أحضانها ببسمة:مايا خلاص انا اسفة متزعليش
مايا وهى تشد على عناقها اكثر:انا اللى مزعلاكى على فكرة
ندى وهى تطبطب عليها: يا ستى حقك عليا انا مفيش مشكلة 😂
مايا:يعنى خلاص مش زعلانة
ليان:يا فقعة مرارتك يا ليان
ندى ومايا:اخرسى
منة ضاحكة: ههههههههه 😂 😂 انا اختياراتى مدمرة حياتى فعلا😂
ندى وهى تخرج مايا من أحضانها: مالها البت دى
ليان:ولا حاجة تلاقيها استوعبت بس فجأة الوضع اللى حطت نفسها فيه😂
مايا بجدية وهى تمسح دموعها:طيب عندكوا فكرة بقى هنعمل ايه مع المتعلقين اللى تحت دول
ندى بدهشة:لا إله إلا الله ما هو يا إما انا هبلة يا اما انتى اللى مجنونة بنت مجانين
مايا:انتى اتهيلتى يا ندى انتى بتشتمينى يا بت انتى ده كفاية انك أخو خالد
ليان معدلة:و مهاب
مايا بضيق:يا ستى وزفت مهاب
ندى:ملاحظين ان دول اخواتى مش كده
منة: ملاحظين بس ملاحظين أكتر إنك يا مايا فيكى حاجة مش طبيعيه مش كده يا بنات
ليان وندى: طبعا
مايا:ليه مالى إن شاءالله ما أنا قدامكوا أهو زى الفل لا ماشية على ايديا ولا عندى تسع وعشرين عين في وشى
منة:أصلك فجأة اتعصبتى وفجأة مشيتى و فجأة زعقتى و فجأة عيطتى
مايا بارتباك:عادى يعنى كنت متعصبة أصلا من قبل ما ننزل تحت أصلا وكله جه مع بعضه فجأة
ليان بخبث:بس كده
مايا:انتى بتبصيلى كده ليه يا ليان وايه النبرة دى
ندى: بصى يا مايا انا صحيح مش فاهمة منك حاجة بس مش داخل دماغى الكلام ده
مايا:اومال عاوزانى أقولك ايه عشان يدخل دماغ سيادتك
ندى بتذمر:مش عارفه بس تقولى الحقيقة
منة بهدوء: بصراحة يا مايا انا مستغربة انك زعلتى من خالد لدرجة انك سيبتينا ومشيتى وطلعتى عيطتى كمان
ليان:فعلا هل كل ده بسبب الكلمتين دول
مايا:فيه إيه يا جماعة ما هو على طول بيتخانق معايا ايه الجديد يعنى
ليان:أيوة يا ترى ايه الجديد بقى
مايا بغيظ:ليااااان
ليان:نعم الله عليكى يا أخت مايا
مايا وهى تتجه ناحية الموبايل الموضوع على الطاولة: بقولكوا إيه سيبكوا بقى من التحقيق ده وتعالوا نحل المشكلة اللى احنا فيها
ندى:هنعمل ايه يعنى يا مايا
ليان:هنعمل عمل يا اختى
ندى شاهقة:بجد...انت ليكى في الحاجات دي يا ليان
ليان:انتى هتشبيهين........
ندى بصوت منخفض:بس بس لحسن يسمعونا
ليان وهى تدفعها بعيدا:يا بت ابعدى عنى كده لازقالى كده ليه
ندى وهى تختبأ وراء منة:إلحقينى يا منة
منة:من ايه يا حبيبتي
ندى:وطى صوتك...من العفاريت
منة:استغفر الله العظيم دى نجوى وابنها كانوا رحمة...ده أنا بفكر أرجعلهم تانى
ثم نظرت لندى:عدى كده يا ندى
ندى:لا يا منة لا
ليان وهى تقترب منها:هاكللك يا بت ولا ايه
ندى وهى تقف بشجاعة:هتعمليلى عمل هعملك عمل
ليان بضحك:لا والله 😂
ندى:ايوة هتصل على حورية فرغلي تعملى أجدعها عمل وأطفشك
منة:يا مرارى انا طفحت
ندى. مدندنة: يا مرارى منك يا مرارى حيرت معاك أفكارى😂
مايا وهى تضغط أزار ذلك الهاتف القديم:ما تخرسوا بقى
ندى:مش نفهم الأول انتى بتعملى إيه
مايا:عملك اسود مخطط في كحلى
ندى:مش غامق شوية د.....
مايا وهى تمسكها من قفاها: يا شيخة منك لله انتى وأخوكى أعمل فيكوا إيه أسيب واحد يطلعلى تانى
ليان:ماله خالد ايه جاب سيرته الوقتى
مايا:ما تبلعى ريقك شوية يا ليان
ليان ضاحكة:ليه😂
منة لليان:بس يا ماما
ليان رافعة كتفيها:طيب🙄
مايا وهى ترد علي الهاتف:ألو...أيوة...انا مايا....مايا يا تيتة....مايا مين إيه....بنت بنتك يا تيتة....الرقم غلط ازاى يعنى....استنى بس... يا تيتة.... يا تيتة اسمعينى....أسرقك ايه بس...وده وقت اكل وشرب....ماشى...ماشى...مش عاوزة أعرف انا جدو اداكى علقة ازاى....ايه علقتيه في النجفة... يا حجة الله يكر.... إيه....يا تيتة انا مايا...أيوة بنت هيام...أيوة...ام شعر طويل.... مش عاجبك....حاضر هبقى أقصه.... يا وليااااااه اسمعينى بقى احنا بنموت هنا....اه بنموت....لا اله الا الله ما أنا عارفة انه مكتوب علينا...تعاليلنا يا تيتة انتى وجدو...مكسلة ازاى يعنى
ندى:قوليلها مازن هيغسلك رجلك وهى هتيجى على طول
مايا بزهق:اسكتى انتى
منة: ههههههههه 😂 😂 هموت حرام عليكوا والله
ليان:من ايه بقى يا ست الكل
منة بجدية:من الفقعة هو ده طبيعي يعنى
ندى:قوليلها تجيبلى كورن فليكس عشان أطحنه وأعمل بيه كيكة الكورن فليكس اللى شوفتها على النت وهى جاية
مايا بغضب:المطحون ده هيبقى انتى واخواتك ان شاء الله وخصوصا
التلاتة:خالد عارفين
مايا وهى تمسك الهاتف مرة أخرى:يا رب...ايوة جاية يعنى يا تيتة ولا نتصرف...ماشى بس ما تتأخريش
ثم أغلقت مايا الهاتف 
منة:ها تيتة مجيدة جاية
مايا بفقعة:بتقولى هتعمل الاسكين كير بتاعها وهتحط شوية ماسكات وجاية
منة:لا إله
ليان:إلا الله
ندى: محمد
مايا مكملة: رسول الله
وبعد مرور عشرة دقائق سمعت الفتيات صوت سيارات عديدة وصوت أبواق تهز الحارة
فنظروا من الشرفة ليجدوا
(الجد والجدة)
يقفان وخلفهم عدد لا نهائي من الرجال الأشداء
وسيدات يلبسن عباءات سواد وفي ايديهن شباشب زنوبة😂
وفى الحارة:
جدو مصطفى وهو يكلم صاحب القهوة:فيه إيه يا حاج بكرى
الحاج بكرى:فيه إيه يا مصطفى بيه انت جاى تتهجم علينا انت و رجالتك ولا إيه
جدو مصطفى بحزم:طبعا مش معلق ولاد ابنى طبعا لازم أجبلك رجالة وآجى مش انا اللى اسيب حقى وانت عارف كده كويس
سليم وهو معلق:الرجالة دول هيقطعوك الوقتى يا بكرى وهتشوف
جدو مصطفى:اخرس يا حيوان مسمعش
صوتك
خالد: وربنا اما أنزل لانا موديكوا في داهية
تيتة مجيدة:بس يا كلب يا ابن الكلب بدل ما أعمل منك زلابية وأعبيك في اكياس على العيد
مازن:بس الزلابية بتبقى في رمضان يا تيتة
مجيدة ببسمة: مين العبد بتاعى
مازن وهو يجرى على بكرى:أبوس ايدك علقنى جمبهم
بكرى وهو ينفض يده:و ده يطلع مين ده كمان
تيتة مجيدة وهى تشد مازن:هات كده ده العبد بتاعى وايدك لتوحشك
بكرى وهو ينظر لجدو مصطفى:ما تلم حريمك يا مصطفى بيه
جدو مصطفى:ملكش دعوة بيها وقولى انت ماسكهم ليه
بكرى وهو ينظر لخالد وسليم: الاتنين دول كانوا قاعدين عندى فى القهوة زى خلق الله قام بناتى الاتنين فاتوا عليا عاوزين طلبات للبيت قاموا اتعرضولهم وعاكسوهم يرضيك يا مصطفى بيه
جدو مصطفى بجدية:لا ميرضنيش طبعا يا حاج بكرى بس عاوز أسألك سؤال
تيتة مجيدة وهى تنظر لمراد:واد
مراد:ايوة يا تيتة
تيتة مجيدة:مالك باصص لفوق كده لغاية أما رقابتك اتنت و بقيت شبه الفيل أبو زلومة
مراد ببسمة لمنة التى تقف في الشرفة:ببص على منة يا تيتة
بكرى:شايف أحفادك يا مصطفى بيه
تيتة مجيدة:دى مراته يا أخويا ولا حدش ليه عندنا حاجة يا أبو جزمة في دماغك
بكرى: مصطفى بيه دى مش أصول اللى مجيدة هانم بتعمله
جدو مصطفى:جيت للسؤال اللى عاوز أسأله
مجيدة:يلا قدامك خمس دقايق وهلم الورق
جدو مصطفى:بس يا ست انتى بقى
مجيدة وهى تتخصر:سؤال ايه اللي عاوز تسأله يا أخويا للراجل ده بدل ما تقوله ينزل العيال
جدو مصطفى بعدم اهتمام لها:ابلعى ريقك...وانت يا حاج بكرى اطلبلها عناب وقعدها في اخر القهوة عشان نعرف نكلم
تيتة مجيدة:ليه يا أخويا واقفة في زورك جمب اللوز
بكرى للصبى:خدها ياض قعدها في احسن حتة
تيتة مجيدة:لا خليه يجيبلى شيشة
جدو مصطفى:متجيبلهاش حاجة من دى هات يانسون ولا نعناع وخلاص
تيتة مجيدة:وانت مالك يا حبيبي ولا عشان انت جوزى يعنى هتتحكم فيا
جدو مصطفى وهو يدفعها:خدها من قدامى ٱن شاء الله تشربها بنزين ٩٠
تيتة مجيدة:طب اسأله يلا الأول وانا واقفة
جدو مصطفى:يوووووه يا ولية سيبينى في حالى بقى
تيتة مجيدة:لا يلا الوقت أهو
جدو مصطفى:قولى يا بكرى بمناسبة الأصول...مش الأصول برده لما تلاقى حاجة زى كده تقولى وتبلغنى ولا تتعامل كده وخلاص من نفسك مش ليهم أهل وناس يترد عليهم
بكرى بإحراج:عداك العيب يا مصطفى بيه بس انت شايف اللى عملوه هو ده يصح برده
أحمد بصوت منخفض:ما هما اللى حلوين الله
مهاب:بتقول ايه اخرس هيسمعوك
مراد:ما شاء الله العدوى اتنقلت
أحمد مميلا على مراد: لا يا عم البنتين حاجة جامدة بجد مفيش كده يا جدع
مراد وهو ينظر لمنة:مفيش أحلى من حبيبتي
أحمد:عينى عليك كنت بعقلك قبل ما تيجى
مراد:بكرة تحب و تعرف
أحمد وهو يتذكر أمر ما:يمكن
مهاب:بصوا كده ده تيتة عاوزة تضرب الراجل
جدو مصطفى وهو يشدها:بس بقى لأعلقك من ديلك جمبهم
تيتة مجيدة: ليه فاكرنى حرباية....ده بيقولك مش فاككهم إلا بشروط ده هيتأمر علينا
مازن:ما تستنى يا تيتة نسمع اللى عنده
تيتة مجيدة:بس يالا بدل ما أخلى الستة منك بنص جنيه
جدو مصطفى:بس بقى...قول يا عم شروطك
الحاج بكرى:هو شرط واحد...يجوزوا البنات
الكل:اييييييييييييه
..........................................................................................

بنات وحياة ربنا عندى امتحانات وهسقط😂🤦🤦
انتوا بتهددونى ليه طيب😂
(هى عارفة نفسها😂)
اناهمتحن وعندى فرح قريب وشغل 🥺😂
حرااااااااام😭😭😭
وطبعاً لو عيطت للصبح مفيش حد هيرحمنى برده هتستنوا البارت😂😂🤦