"اللى ربى بتاع مربى" 😉🙄

ليه كده يا دنيا🤧😂

ألا قوليلى يا تيتة انتى ماسكة البتاعة دى فى إيدك كده ليه
كانت هذه آخر الكلمات التى خرجت من فم مازن قبل أن تضربه مجيدة على رأسه بالطاسة وتتركه ينبح كالكلب السعران كما تسميه
وذلك حتى تلحق بزوجها الجد مصطفى لترى على ماذا ينوى لهم 🤔🙂
مازن وهو مربوط في العمود بألم:آه ليه كدهون أتيتة
ثم قال بصوت عالى:حسبى الله فيكم عيلة
ثم كلم الجميع:هى فاكرة نفسها مين ريبانزل  بس والله أما أطلعلك يا تيتة من الشدة اللى أنا  فيها دى..... يا دينى على التثبيت يا جودعان ده احنا متثبتين ولا اللمبى في الامتحان لما كان في نحو الأمة
ندى:أمة مين اسمها نحو الأمية يا جاهل
مازن:أهو أى نحو يا أختى
خالد بقرف لسليم:ده أخوك ده
سليم:ولا أعرفه
مازن:الله الله ليه بس كدهون يا سليم يا حبيبى
مايا:ما تخرسوا بقى كل ده لت ده البنات مبتلتش كل ده
ليان:عندك حق والله يا مايا
خالد:خسارة الاسم والله
مايا لخالد:عاوز حاجه يا شبح
خالد بقرف:هكون عاوز منك ايه يا رجل الكنبة انتى
مراد:ما تلم نفسك يا عم خالد
مايا:ما تسيبه ما يتلمش وانا ألمه بمعرفتى
مازن:دى كانت معرفة سودا يا مايا يا أختى
مهاب:محموق كده ليه الواد بيقول الحقيقة أختك راجل يا عم مراد ومتقرفناش بقى احنا قرفانين خلقة
ندى لمهاب:احترم نفسك انت وأخوك عيب كده هو ده اللي اتربينا عليه
أحمد لندى المربوطه في رجل كرسى السفرة: متزعليش كده انتوا متربتوش أساسا
ندى:انت قليل الأدب وأخرك فاضى
خالد:انا لو مفكوك مكنش فاته اسجر يقول كده
مايا:هى دى الرجولة من وجهة نظرك
خالد:أحسن من اللى بتلعب بوكس وعايشلنا في دور محمد على كلاى ده منظر طبيعي للبنات
مايا:طبعا مالمنظر الطبيعي بالنسبالك واحدة ماسكة صاجات وشغالة في بيت شمال يا شمال
ليان:جدعة اديله يا ميوش
أحمد لليان:اخرسى انتى ملكيش دعوة بالحوار الزبالة ده
مهاب:صح ما هو مفيش أزبل منك انت واخواتك يا حرامية يا نصابين
مازن بضحكة رقيعة:هيهيهىهىهىهىهىهىااااااا اسم الله عليك انت وخالد باشا وندى هانم
مراد:لا ما كفاية احنا بننتفرج عليك انت
ليان لمازن:مازن
مازن:نعم أ أوختى
ليان:تعرف تتسد ومتنطقش
مازن:ده انتوا عيال ها أوى أوف
سليم:بقولكوا إيه كل واحد هنا يخرس خالص عشان مفيش حد فينا أعدل من التانى كلنا جايين هنا وعاملين كوارث
مايا:يعنى مش أهالينا اللى غلط
سليم بقرف: والله ما أنا عارف بقى مين اللي صح ومين اللى غلط
مايا بضيق:انت بتتكلم بقرف كده ليه ما تتكلم عدل
سليم:ابقى سدى ودانك يا عين أمك
ليان:سليم اهدى كده احنا مش ناقصين بالله عليك
مهاب:صح كفاية الربطة اللى مربوطنها دى ولا أجدعها حرامى
مراد لأحمد:كلم يا أحمد انت وأخواتك
مازن:يكلم مين....مين بينده
ندى لأحمد:مش بيقولك حرامى يبقى انت وأخواتك
ليان: حاجة ندى متزعلنيش منك عشان أنا مش حابة أقلب عليكى
ندى بملل:لا اقلبى أهو نتسلى شوية بدل الملل ده
ليان:يخربيت الاستفزاز
ندى بوجه بارد:ميرسى يا حبيبتي
مايا بغضب:ويعنى هتجيب الاستفزاز منين ما هو من المتخلف اللى مربوط في رجل الكرسى اللى هناك ده
مراد بغضب:ما خلاص يا مايا بقى ملكيش دعوة بسى زفت ده
مايا بغضب وهى تنظر لخالد المبتسم بروقان:زفت على نفسه مش علينا
مازن لسليم:سليم أ حبيبى
سليم وهو ينظر للسقف بيأس:خير
مازن:سليم
سليم بغضب:عاوز إيه
مازن بزن: يا سولوم يا أبو السلاليم
سليم:احمد ربك إنى مش مفكوك دلوقتى
مازن بصوت عالى:سليبيييييبببم
الكل:عاوز إيه يا حيوان
مازن بضحك:مفيش بجرب صوتى ههههههههه ههههههههه 😂 😂 😂 😂
فنظر حوله فوجد الجميع بين مستاء وغاضب ومن يشعر بالقرف ومن يشعر باليأس
مازن:هو انتوا مالكوا كده انتوا زعلانين من ايه خليكوا كده ضاربين بوز لغاية أما جدكوا ده يفرمنا زى طاجن العكاوى كده وياكلنا وتقوم تيتة بقى ايه نازلالنا بالطشة وتحطلنا عليها ال.......
مراد:باااااااااااااااس اخرس افصل انت ايه مبتفصلش
مازن بتذمر وهو ينظر لأحمد:أحمد ده بيزعقلى
أحمد:اتحرق
مازن لسليم:بيزعقلى يا سل.......
سليم:تولع انت وهو واللى جابونا واللى احنا مربوطين معاهم اخر.......
مازن بعند:إن شاءالله يا رب بقى هه
مهاب:انتى فين يا تيتة تيجى تضربيه على دماغه وتشليه وتخلصينا
ليان:إن شاءالله انت وأخوك يا بابا
مازن:جدعة يا حبيبة قلب أخوكى
ليان وهى تنظر له بقرف: والله ده مش علشانك ده عشان نخلص من أستاذ مهاب بس...هو اولى برده بطاسة تيتة لكن انت محتاج الحرق حيا
مهاب ضاحكا: ههههههههه 😂 😂 أول مرة هتفق معاكى على حاجة
ليان:مش عايزاك تتنيل تتفق ايه الهم ده
أحمد بهدوء قاتل:أيوة كده يا ليان هو هيصاحبنا ولا إيه
خالد باستهزاء:هو انت فاكر برودك ولا بصاتك دى هتاكل معانا فوق يا روحى مش احنا
مايا باستهزاء:روحى...شمال ومقرف
خالد:وانتى مالك هو حد كان وجهلك كلام
مايا وهى تنظر للجهة الاخرى بغضب: والله ما انا رادة عليك خليك كده دمك فاير هه
خالد ضاحكا باستفزاز: ههههههههه 😂 😂 حلوة أوى الحوارات دى
فى تلك اللحظة تفاجأ الجميع بسيل من المياه المثلجة التى أغرقتهم جميعا
مازن وهو يأخذ نفسه:ها....ياما تسونامى
مايا بعنف:فيه إيه يا تيتة ايه اللى بيحصل ده
سليم بعقلانية:ده مش أسلوب ده على فكرة
ندى بتذمر: والله كده حرام بقى
ليان:فعلا الهم ده كتير علينا بقى
مهاب:هو احنا كنا عملنا ايه عشان كل ده
خالد ضاحكا بقوة: ههههههههه كفاية هزار بقى لحد كده😂
ثم قال بجدية كبيرة:عشان كده مش كويس
مجيدة وهى تقف بالطاسة بجانب زوجها مصطفى:هو من ناحية مش كويس
مصطفى وهو ينظر لها:فمش كويس
مجيدة بشر: ومن حيث انه مش كفاية فهو
مصطفى وهو ينظر لهم بشدة:فعلا مش كفاية
مجيدة وهى تقف في وسط المياة وتمسك شعر مازن:عظيم بيمين ان ما اتعدلتوا واتربيتوا لأخنق الواد مازن ده وأقطعه زى البسطرمة
مازن بوجع:وانتى مالك ومالى بس يا تيتة حاطة بوزك من بوزى ليه
أحمد وهو مبتل: والله هو لو على الحيوان ده معندناش مشكلة
مصطفى لبهاء:بهااااااااااااء
الكل:لااااااااااااااااااااااااا
مصطفى لبهاء:يلا
فقام بهاء برش الماء عليهم مرة أخرى
مصطفى:جميل يا بهاء
ليان:آه جميل يا بهاء يخربيت أبو شكلك
مايا بغضب:سيبونى عليه بس وأنا أفرمه
مجيدة بصراخ: بااااااااااس بيتى.....بيتى اتملى ماية واتوسخ بسببكم يا كلاب
خالد:هتستعبطى يا تيتة ما جدو هو اللى كل شوية يرش علينا ماية مش فاهم انا بيطفى حريقة ده ولا ايه
مجيدة وهى تعطيه في بطنه بقدمها:أنا بستعبط يا ابن الكلب يا حيوان يا زبالة
خالد بتوجع:آه
أحمد:تستاهل
مجيدة وهى تخنقه:شمتان طب خد بقى
ندى: كفاية بقى هو انتوا عاوزين مننا ايه هو احنا أسرى حرب ولا مقبوض علينا ولا ده تبادل رهاين ولا انتوا خاطفنا ولا فيه إيه بالظبط
مجيدة بتريقة:مظلومة ياما مظلومة
مصطفى مستندا لعكازه:بهاء محسن فكوهم
مجيدة لمصطفى بغيظ:متفكش هباب البرك ده اللى اسمه مازن
مازن وهو ينظر لأولاد عمته وأولاد عمه وهم يتحررون:يخربيت مازن على حظه الهباب مالك بيا يا ولية بس
مجيدة وهى تضربه على وجهه وتشد شعره:هو كيفى كده
مصطفى وهو ينظر لهم وهم وهم مبتلين وشعرهم متطاير وملزق على وشهم وهدومهم لازقة عليهم وشكلهم شبه المتشردين وقاعدين وسط العفش والأرضية اللى مبلولة ماية:بهااااااء
مايا وهى تقوم وتجهز قبضتها:هو فين ناديله ناديله عشان أوريه المرار الطافح وأخلى وشه شبه البتنجانة المعفنة
خالد:وانا وربى لملفقله قاضية آداب على ذوقى
مجيدة:صفيق
سليم وهو ينظر لخالد:عشان تعرف محدش هنا طايقك
خالد وهو يمسكه من ياقته بعنف: طب تعالالى بقى
سليم وهو يكور يده ليضربه:أوى أ........
مصطفى بصوت عالى وحزم: بااااااااااس بهاء ارملهم الحاجة هنا
الكل: حاجة ايه
فتفاجأ الجميع بجرادل مسح و..............
مازن متخصرا: يا سلام يعنى انتوا خاطفنا عشان نمسح ونكنس ونسيئ
ثم أمسك فرشة في يده:ودى ايه دى أسلكبها سنانى ولا أعمل بيها مونوكير وبودوكير
مصطفى:اخرس يا حيوان وابدأ اشتغل مع اخواتك يالا
مازن:والنعمة ما أنا شغال
في ذلك الوقت تلقى صفعة على قفاه من الجدة:أيوة كده هو ده اللي انا مستنيه عاش يا تيتة
مجيدة بافتخار:اسم الله عليا وعلى اللى حواليا
ندى وهى تدعك البلاط: مين دول يا تيتة اللى حواليكى
مجيدة:لا م............
مصطفى:لا مش انتوا أصلها مخاوية جنانى
مجيدة:جن اما يبقى يلخبطك ويشوعطك قادر يا كريم
مصطفى:ولية سو منه لله اللى دبسنى فيكى
خالد وهو يعصر القماشة بصوت واطى:بقولكوا إيه دول بيشاكلوا يلا نطلع نجرى
ندى وهى تدعك البلاط:على فين.
ليان وهى تدعك بجانبها هى الأخرى:عندك أمك يا اختى
ندى رافعة حاجبها:ما تتلمى يا ليان أمى ازاى يعنى
ليان لمهاب:فهمها الله يسترك
مهاب وهو ينشف الشرشوبة وينحنى ناحيتهم:أفهمها ايه انا مش مستعد أفتح مخى في أى حاجة انا تعبان
أحمد وهو يمسح الأرض:انتوا متخلفين قصدها نهرب نروح للى جابونا
سليم بغضب:كده معملناش حاجة ويبقى الوضع كما هو عليه
مايا وهى تنظر لمازن اللذى ربطه محسن في العمود مرة أخرى:مش أحسن من الحبسة دى واخوك اللى كل شوية يتربط ده
أحمد:يستاهل
مهاب وهو يعصر اكمامه ويتكلم بصوت منخفض:حتى لو عرفنا نهرب مش هنعرف من اللى واقفين بره
ندى بصوت عالى:صح والله عندك حق
مصطفى وهو يمسكها من أذنها:هو مين ده اللي عنده حق وعنده حق في إيه
ندى بتوتر:ها
مجيدة وهى تمسك الطاسة:انطقى الانكار مش هيفيدك
مهاب بسرعة:دى ك.....أصلى كنت بقولها الفيزيا صعبة فقالتلى عندك....عندك...عندك حق
ندى بصوت واطى:مش ليان ادبى باين
مهاب بتوتر:اخرسى
ثم نظر حوله:مش كده يا شباب
أحمد ببرود:لا مش كده
مجيدة بصراخ:اييييه
أحمد بهدوء و هو يرجع لعمله مرة أخرى:دى كانت الفيزيا مش الكيميا
ندى ومهاب براحة:هاااااااااااا
مايا لأحمد بصوت واطى:منك لله سيبت ركبنا
خالد بضحك:عيب عليك يا باشا تبقى راجل كده وركبك تسيب يا جدع
مايا وهى ترمى جردل المياه بوجهه: على الأقل أرجل منك
خالد نافضا نفسه بطريقة وهمية وببسمة مستفزة:لا راجل راجل يعنى 😂
مازن اللذى غرق من جراء حدف تلك المياه:وانا مال أمى واحدة مسترجلة وواحد منسون وبيتخانقوا مع بعض بتغرقونى انا ليه ما تظبطوا الزوايا ولا تروحوا في حتة تانية ولا اقولكوا احسن روشوا على البت ندى او البت ليان او أى بت عموما أصلهم لتاتين ولكالاكين ومبيبطلوش كلام تعرفوا لما كنت ب............
فى ذلك الوقت ضربته تيتة مجيدة على رأسه فأغمى عليه😂
مجيدة بصراخ:كله على شغله وأى محاولة للكلام اللى على جمب ده او الهرب أنا بنفسى اللى هقفشها وأفشفشها وأخنقها وأوصلها للى خالقها اشتغل...........
مصطفى بصرامة:لا كفاية شغل كده
الكل:بجد
مصطفى:آه طبعا على أوضكوا بقى بس مفيش عشا
مراد: ليه في السجن
مصطفى وهو ينظر امامه بحدة:بداية كده الواد ده في الانفرادى
مايا بضيق:كان لازم تنطق يعنى يا مراد
مصطفى بهدوء:ورايا
مجيدة وهى تنظر لمازن:طب والوكسة ده
مصطفى لخالد وسليم:شيلوه انتوا الاتنين
خالد وسليم بتحدى:لا
مصطفى:يعنى إيه لأ
خالد بتكبر:يعنى انا منزلش مستوايا لحيوان زى ده
سليم بغضب:ده أنا اللى لا يمكن أبص بس في وش كلب شمال زيك
خالد وهو يتقدم ليضربه:على أساس انك مش بتاع نسوان ياض
سليم وهو يمسكه من ياقته بقوة:بس صفحتى بيضا مش زيك يا شمال
خالد وهو يوقعه أرضا:اظبط يا س........
مصطفى:قسما بالله العلي العظيم ان ما اتربيتوا واحترمتوا بعض واعتذرتوا حالا لكون مقلعكوا هدومكوا ومصوركوا ومنزلكوا على النت وأنا مش بهزر
فنظر كل منهما للآخر بغل وذهب كل منهما ليحملا مازن ذلك الفاقد لوعيه لكنهما رفضا الاعتذار وبشدة
............................................................................
فى ڤيلا كبيرة وجميلة كانت فيه ست شيك وراقية جدا قاعدة تتكلم مع واحدة صاحبتها هانم أوى كده زيها لغاية أما...........
الشغالة:هيام هانم
هيام بابتسامة:أيوة يا حبيبتي
الشغالة:هشام بيه على التليفون
هيام ببسمة وهى تنزل ورائها مسرعة:بجد والله
الشغالة وهى تنزل امامها معطية اياها الهاتف:بجد والله يا هانم
هيام وهى تأخذ منها الهاتف:تمام يا حبيبتي روحى انتى
ألو....ألو....أيوة يا حبيبي وحشتنى أوى أوى يا هشام...انت هترجع امتى بقى....إيه....ليه كده مش قولت هترجع على الأسبوع الجاى....ماشى يا حبيبي أمرى لله بقى....لا لا مفيش حاجه والله..... خلاص يا اتش بقى بقولك مفيش حاجه..... الولاد....الولاد مش هنا.....عند جدهم..... والله مفيش حاجه متقلقش....مفيش داعى والله تسيب شغلك.... خلاص اللى يريحك يا حبيبي.... باى خلى بالك من نفسك.
ثم أغلقت الهاتف مع زوجها وظلت تنظر للفراغ بطريقة مشدوهة فهى لا تعلم في الحقيقة ولا تضمن أيضا ردة فعله على مصائب أولاده ولا بشأن انتقالهم إلى منزل والدها.
....................................................................................
فى منزل الجد:-
مازن ممسكا رأسه:آه أنا فين
خالد وهو يخلع تيشيرته:ولا فوق كده اوعى تكون فاكرنى أخوك ولا حد من اللى بره دول وهستحملك
مازن وهو يقف باختلال توازن:ما براحة شوية عليا يا أخويا أما أفتح
ثم وقع على الأرض:آه يا عضمى يانى ياما العضماية كبرت يا واد يا مازن
مازن وهو يستند لسريره:ما تشدنى يا خالد إلهى يباركلك
خالد وهو يخلع بنطاله:help yourself
مازن وهو يطقطق ظهره:اه...اوعى...اوعى تكون فاكرنى مش حلو في اللغات ده أنا قمر وهبهرك
خالد وهو يقترب منه بنظرات لعوب:بجد والله
مازن صارخا:إلحقونى متحرييييييييش
خالد وهو يبتعد عنه ضاحكا: ههههههههه 😂 😂 شكلى هتسلى جامد
مازن وهو يستند على ظهر الباب شاددا قميصه عليه:إلحقوناااااااااى هيغرر بيااااااااا
خالد وهو يلبس ملابس المنزل:فيه إيه يا ابنى هو أنا كل ما هقرب منك هتصوت
مازن:مش عاوز تخدش حيائى ده أنا أصوت لغاية أما زورى يتنبح يا بابا هو انت فاكرنى صيدة سهلة ولا إيه
خالد وهو يمسكه من ياقته:يا ابنى افهم أنا مش ألوان انا بحب النسوان عارف النسوان
مازن براحة:يا اخى ابعد شوية كده.....أيوة عارفهم طمنتنى....الا قولى هو أنا جيت هنا إزاى وفين الواد مراد ابن عمتك مش هو ابن عمتك يعنى عمتو هيام تبقى أخت عمو أكرم اللى هو يبقى عمى انا مش كده ولا انت تبقى ابن خالتى على اساس طنطك فايزة اللى هى امى اللى هى تبقى مرات عمك في نفس الوقت تبقى قريبة أبويا والل.............
خالد:باااااااااااااس فيه إيه لوكلوك لوكلوك اخرس بقى انا معرفكش أساسا ده ايه الشورة النيلة دى
مازن ببرطمة: والله شكلك هتطلع خالتى في الآخر
خالد وهو يخرج مسدسه اللذى خبأه جيدا في ملابسه من الجد:عارف لو سمعت حسك تانى والله أكون مفرغ الطلق كله في جسمك سامع
مازن بضحك وتوتر:انت أكيد بتهزر يا خالود
خالد وهو يوجه المسدس لرأسه:مبتنيلش أهزر
مازن وهو يبتعد عنه ويتجه لخلع ملابسه: خلاص يا عم سكتنا أهو.... بقولك ايه متبصش
خالد وهو يلف وجهه ويعطيه ظهره:اخلص أول مرة أشوف راجل بيتكسف
مازن:أنا عندى حياء ايه مسمعتش عنه قبل كده
خالد وهو يلتفت له نصف التفاته:أصل........
مازن صارخا:ولاااااااااا متبصش احترم نفسك
خالد:استغفر الله العظيم يا رب
مازن وهو يلتفت له:بص خلاص انا لبست
خالد وهو يتجه للنوم على السرير:آه الواحد تعب منكوا بجد والبيت ناشف أعوذ بالله مفهوش واحدة..........ايه يالا بتشد المفرش ليه
مازن وهو يتجه للحمام: هنام
خالد:فين في الحمام
مازن:آه اومال انام جمبك وأصحى الصبح يعملولى تحليل DNA
خالد: ههههههههه 😂 😂 يخربيت شورتك الهباب
مازن وهو يضع المفرش في البانيو:مقولتليش مراد فين
خالد:عقبال عندك جدك حاطه في الانفرادى
مازن:يستاهل برده هو اللى لسانه طويل وبالمرة برده بدل ما ييجى يتحشرلى في البانيو ولا يطلعى من السخان
وبقى مازن طوال الوقت يتحدث حتى ضربه خالد على رأسه وفقد الوعى ونام خالد بسلام بينما استيقظ مازن فوجد خالد نائما ولم يجد من يتحدث معه فقرر النوم
..............................................................................
أما عن المراد المحبوس في تلك الغرفة التى لا يوجد بها لا نافذة ولا سرير فلم يكن حاله يسر عدو ولا حبيب
ولو كنتوا معتقدين إن مراد هيعد في الزاوية يعيط ويندب حظه تبقوا غلطانين
ده قاعد رايح جاي جاى رايح بيفكر إزاى يطلع من هنا
وهو فعلا حاول كتير بس مفيش فايدة فيه حراسة مشددة من بهاء ومحسن اللى تيتة مجيدة عطيالهم الطاسة بتاعتها ومفيش حد عارف يخترق الحاجز ده
وهو طبعا كل اللى كان شاغله منة ووعده ليها
بس يا ترى هيعمل ايه لازم يطلع من هنا بأى شكل..............
.....................................................................
أما بالنسبة للبنات فكانت كل واحدة فيهم في حالها هما متعصبين ومخنوقين آه وهدومهم كانت متوسخة من التنضيف بس في حالهم😂
ليان وهى تعدل ملابسها:نستحمل بعض بقى يا بناتيت يا حلوين
مايا بلطافة غير معتادة:أكيد يا ليونة
ليان رافعة حاجبها:إيه
ندى وهى تطوى ملابسها:هى قالتلك يا ليونة بجد ولا أنا اللى بتهيقلى
ليان بنظرة مشدوهة:لا قالت
مايا وهى تأخذ ملابس من الخزانة:انتوا مستغربين كده ليه
ندى:أصلك رقيقة ولطيفة كده ود.....
مايا:وايه
ليان:ودى مش عوايدك يعنى بصراحة
مايا بوجه بائس مبتسم:لا ولا يهمكوا
ندى:انتى زعلتى يا مايا
مايا وهى تعطيهم ظهرها:لا أبدا يا بنات
فنظرت ليان لندى بغرابة
ليان لمايا:انتى بتستخدمى ايه لشعرك يا مايا
ندى وهى تمرر يدها في خصلات شعر مايا:بجد ما شاء الله حلو أوى
مايا:بجد شكله حلو
ندى:طبعا ده تحفة طويل وناعم تبارك الله
مايا:ميرسى يا بنانيت
ليان:بت يا مايا تعالى هنا
مايا:خير
ليان:اومال يا بت عاملة السبع رجالة في بعض ليه ولسانك تسعة متر
ندى:صح ليه؟مع انك زى القمر شبه عمتو هيام وشعرك طويل وعنيكى رمادى كده وقالبة على الأجانب
مايا بتوتر: الله يعنى....طب ما انتوا كمان قمرات وكل واحدة فيكوا عليها لسان قد كده
ليان:امممممم اجابة مقنعة مش أوى يعنى بس هنعتبرها مقنعة
ندى وهى تلف شعرها على يدها:صح هنعتبرها
مايا وهى تعطيهم ظهرها وتنظر للخزانة:انا من رأى كل واحدة تركز كده في مستقبلها والكلية والثانوية والحاجات دى
ليان:يييييييييييه ثانوية تانى ده أنا هموت مشلولة بسببها
ندى:عادى يا لولو متكبريش المواضيع كده وهى تعدى
مايا بعنف وهى تلتفت لهم:صح أصل الثانويه العامه دى عاملة زى الكلب البلدى لو خوفتى منه يطلع يجرى وراكى اما بقى لو لعبتى معاه كده وخدتيه على قد عقله مش هيعملك حاجة
ليان:لا والله
ندى وهى تنام على السرير براحة:كلب بلدى اممممم حلو ده والله
ثم انفجرت ضاحكة: ههههههههه 😂 😂 😂 عليكى حاجات يا بت يا مايا
ليان وهى تحتضنها:وطلع دمها خفيف كمان 😂
مايا ظلت تنظر لهم ببسمة لطيفة لطالما حلمت بأن تكون لها أخت تشاركها كل شئ فوالدتها لم تكن معها بذلك القرب من قبل
مايا:نتكلم جد بقى
ندى وليان:ها
مايا:احنا هنطلع ازاى من هنا
ندى: معنديش فكرة
ليان: الموضوع صعب أوى مش شايفة جدو وتيتة عاملين علينا حصار ازاى
مايا: الموضوع ده عاوز خطة
ندى:كده يبقى لازم نجتمع احنا والباقى
مايا وعينيها تلمع بغضب:الباقى
ندى وليان:أيوة.................
...........................................................................
أما عن ذلك البارد والعاقل والفاشل اللذين يجلسون في غرفة واحدة.........
فقد تجمع سليم وأحمد حول مهاب اللذى علق في أحد السماعات
مهاب بصراخ:نزلنى ياض انت وهو
سليم وهو ينزع ملابسه:سامع حاجه يا أحمد
أحمد وهو يشد مهاب من ياقته:لا يا حبيبي
سليم:كويس
مهاب:هو ايه اللي كويس نزلنى بقولك
أحمد وهو يشده بقوة: محدش قالك اغلط فينا يا صغنن
مهاب:وربى لو نزلت هبهدلكوا
سليم:ابقى خلى خالد بيه ينقذك مننا بقى
أحمد ببرود:احنا نموته ونجيب رجل أخوه في الخاية
مهاب:نزلنى وخليك راجل
أحمد وهو ينزله:انزل يا أخويا مش عشان خايفين منك عشان بس مش عاوزين وجع دماغ
فى الوقت ده مهاب ادى لأحمد بوكس وقعه على الأرض
سليم وهو يمسك مهاب من قفاه:انت عملت إيه
احمد وهو يقف بغضب: ده حيوان....ده لازم يربطوه جمب الحمير إن ما نيمتك النهاردة في الحمام مبقاش أنا
مهاب وهو يحاول الفرار منهم إلى الحمام:مش هديلكوا فرصة تمسكونى لا
سليم وهو يكلمه من الغرفة ومهاب في الحمام:خليك عندك أحسنلك 
أحمد وهو يضع يده على وجهه:لو راجل يطلعلى
مهاب بصراخ:لو رجالة اوى كده طلعونا كلنا من هنا
سليم وهو ينظر لأحمد:هنعمل ايه في الموضوع ده صحيح
احمد وهو ينام:بكرة يا سليم مش قادر
سليم وهو يجلس ناظرا للفراغ: ربنا يستر

بعد قليل سمع الكل صوت انذار يشبه الحريق فيا ترى ماذا حدث..............؟
يا ترى انذار ايه ده؟
منة؟
مايا؟
هشام وهيام؟
قرارات جديدة ؟