"اللى ربى بتاع مربى" 😉🙄

ندى حوادث ٢

فى بيت مظلم
يسوده الهدوء ولأول مرة
فى أجواء غريبة توحى للرآئى أن من يوجد في ذلك المكان إنما يخطط لإحدى جرائم سفك الدماء
النوافذ مغلقة الأنوار كلها مطفأة
ما عدا تلك المنضدة في منتصف المنزل حيث يتدلى من فوقها مصباح صغير و يجلس حولها هؤلاء الأشخاص ذو العقول الفزة بقيادة اكثر الأشخاص الذين لا يملكون أدنى فكرة عن أى حاجة في الدنيا 😂
وده طبعا مازن مش محتاجه كلام😂

مراد مربعا يديه بضيق: أنا مش عارف إزاى أنا مطاوعك في الهبل ده
مازن باعتراض: بقولك ايه متقرفنيش ميبقاش فى الشركة و هنا
مراد: على قلبك غصب عنك
مازن متخصرا:ليه يا أخويا سيلفتى ولا ضرتى
ليان: بقولك ايه يا حلوة يا شايلة البلاصى انت...افتح النور كده و نقعد نتكلم و نفكر زى البنى آدمين لكن جو الواد كونان ده مياكولش معانا سامع
مازن: والله انتوا ما بتفهموا حاجة ده أنا عملكوا ساسسبينس معملهوش شارلوك هولمز و طافيلكوا النور و شوية كده و هرفعلكوا البصمات
سليم:ليه هتعملنا فيش و تشبيه
منة بضيق: بقولك ايه افتح الشبابيك دى بلا ساسبينس بلا زفت الدنيا حر
مازن:اقعدوا كده ضيعوا في الوقت لحد ما البت ندى تموت و يجيبوها على نقالة
مهاب وهو يمسكه من ياقته بقوة:هى مين دى اللى تموت يا حيوان
أحمد وهو يبعده عن مازن:ميقصدش يا مهاب اهدى كده
مازن بهمس:لا أقصد بقى هه
مايا:اخرس خالص وروح افتح الشبابيك دى يلا
مازن وهو يربع يديه بعند:لا قومى افتحيها انتى
أحمد بغضب:هتقوم تفتحها ولا أفتح دماغك دلوقتى
مازن وهو يقف بغضب:اخص عليك وانا قولت انت الوحيد اللي هتوقف جمبى
أحمد:اشمعنا يعنى
مايا: عشان حضرتك غيبوبة طبعا 
مهاب:يخربيت أم دى شورة مش هنخلص بقى
ليان: يا ابنى اهدى بقى هنلاقيها والله
مهاب بعصبية:مش شايفة أخوكى اللى طالعلنا من كرتون تاز المشاكس ده بيهبل و بيقول أى كلام و يوم ما يقول حاجة جد يقول البت هتيجي على نقالة
ثم نظر لمازن:نقلوك على نقالة طماطم يا بعيد
مازن:لا انا عاوز نقالة بصل
مهاب وهو يكور يده بغيظ: والله لأقوم أضربه
سليم وهو يشد مهاب:تعالى هنا رايح فين
مايا:ما تسيبه خليه يخلص عليه و نخلص
مراد بجدية: خلاص بقى يا مايا
ثم نظر لمهاب:وانت اهدى يا مهاب مازن أكبر منك ولازم تحترمه برده
مهاب بضيق مربعا يديه:اه بإذن الله
مازن بضيق:الحق عليا اللى عاوز ألاقيلك أختك قبل ما تموت
منة:يييييييه يا ابنى إرحم أمنا احنا عيانين بالله
مازن بدهشة:يعنى انا اللى سليم يعنى
أحمد وهو يفتح النوافذ:اقعدوا كده انا عرفت احنا هنبدأ منين
مازن:طب انا جعان بقى
مايا:كلنا يالا
مازن:يع مش عاوز أجرب..ده طعم السحالى أرحم
مايا وهى تمسك ياقته بعنف و تدفعه للخلف:اترحم على نفسك دلوقتى
مراد وهو يشدها من ذراعها ليقع مازن على ظهره بالكرسى:ماياااااا ما تبطلى بقى
أحمد وهو يمسك رأسه:دمااااااااغى يا ظلمة
ليان:فيه إيه مالها دماغك...هو انت كل شوية هتقرفنا
سليم:ليان
ليان:شوبيك لوبيك يا حبيبي
أحمد بصوت عالى:اخرسوا بقى
مهاب:اتنيل قول اللى عندك
أحمد:لازم اول حاجه نسأل على صحابها و تانى حاجة ندور عليها في الجامعة
منة:جامعة إيه...الساعة داخلة على أربعة وهى أصلا معندهاش محاضرات النهاردة صباح الفل يا أحمد بيه
أحمد:هو ده اللي جه في دماغى بقى يا منة الله
سليم:دماغ جزمة قديمة بصحيح
أحمد: سليييييم
سليم بعدم اهتمام: يا عم بقى روح موت على جمب
مايا:و بعدين كنا هندور عليها في الجامعة ازاى هنجيب عربية ربع نقل و نمشى نقول بت تايهة اسمها ندى يا ولاد الحلال
سليم:حلال ولا حرام المهم نلاقيها
مازن:وانت هيفرق معاك يعنى حلال من حرام
سليم:يا ولا هقوم أطلع بنكرياسك في ايدى
مازن بتفاخر: معنديش بنكرياس 
منة وهى تخلع حذائها:طيب أما نشوف بقى....
مازن:لا افتكرت...افتكرت
منة:بجد والله
مازن:اه والله مش طلع عندى
منة:يا راجل
مازن: خلاص بقى يا منة
منة:معتش أسمع صوتك خالص
ثم نظرت لمراد:ايه الواد ده
مراد: معلش استحمليه عشان خاطرى
منة بحنية:ما هو عشان خاطرك يا مراد اومال عشان مين يعنى
مهاب:بعد إذن عصافير الحب و الغرام أختى مش......
مازن:هتموت و هتيجي على نقالة إن شاءالله
مهاب بجنون:إن شاءالله انت يا حيوان...انا هكلم خالد و أقوله و نخلص
أحمد:غلط يا مهاب اهدى بقى
ليان:طب محدش يعرف صحابها مين
مهاب:ندى اجتماعية جدا و عندها صحاب كتير بس أنا معرفش ولا حد فيهم بصراحة
مازن:انا كذا مرة آجى أفوت عليها ألاقيها في الكاڤاتريا مع واحدة كده شوفتها كذا مرة
مراد:متعرفش اسمها ايه
مازن وهو يضع يده على ذقنه:كان اسمها ايه يا زوز كان اسمها ايه نولة...فولة...ب...
مايا:فولة ايه احنا قاعدين في مطعم فول و طعمية...ما تنجز اسمها ايه
مازن:دك حش كرشك بفتكر مصربعانى على ايه هو حد قالك انها اتقتلت
مهاب بجنون:وهو احنا هنستنى لغاية أما تموت
مازن وهو مازال يفكر:قول يا رب بس
مهاب: يا رب انت اللى تتشنق و تتقتل وتعدم ٣٥٠ مرة يا عديم الدم
ليان بغضب:ما تحترم نفسك يلا فيه إيه
مراد:انتوا هتتخانقوا قدامى
ليان:لا من وراك...ايه القرف ده
مراد:انتى قليلة ال.......
منة: مراااااد انت هتقول إيه
أحمد:سيبين بس يغلط وانا هتعامل معاه
سليم بعدم اهتمام:أبو اللى يعرفكوا
مازن بصراخ:افتكاااااااااااارت
الجميع بانتباه:ها
مازن:اسمها رنا
سليم:كويس أوى يبقى لازم نوصل لرنا دى الأول يمكن نعرف منها راحت فين