"اللى ربى بتاع مربى" 😉🙄

حكايات🤭😂

ذهول كبير غمر الواقفين فى الأعلى والأسفل
وهو الصراحة مفيش أسفل ولا أوطى من الاتنين المتعلقين دول
وسط لمة الحارة كلها وتيتة مجيدة اللى واقفة بطاستها جاهزة لدب أى حد وجدو مصطفى اللى بيبص بجدية و حيرة بس مش حيرة مش من اللى عاوز يعمله عشان يطلعهم من الورطة لا دى حيرة من عدم تربيتهم وسفالتهم وإنها توصل بيهم لدرجة انهم يعاكسوا البنات قدام أبوهم و فى مكان شغله😅🥺😂

تيتة مجيدة وهى تندفع بطاستها:نااااااااااااعااااااااااام جوا ايه يا أخويا جواز انت مخك في أمعائك الدقيقة ولا إيه حكما أنا ست ش.....
جدو مصطفى وهو يرجعها للوراء:بس يا مجيدة بقى الدنيا مش ناقصاكى
تيتة مجيدة وهى تنفض يده:مش ناقصانى...جرا إيه يا راجل انت هتسيب الراجل يبيع و يشترى في أم العيال كده
مازن وهو يضرب جبهته وينظر لهما:هتدبسوا فى جوازتين أهم يا ولاد الوارمة
تيتة مجيدة وهى تدبه على رأسه:الوارمة دى تبقى دماغك يا ابن المهبوشة
مازن وهو يقع وعينيه تحول:وا...الوارمة...الشاور...ال...هاتولى....ال...هو أنا هموت ولا إيه
تيتة مجيدة بملل:ها...انجز عاوز تموت ولا هيغمى عليك بس
مازن وهو يغمى عليه ويشاور بيده 👍: مبروك انا مت يا تيتة
مهاب للرجل:بص يا عم الحاج احنا عيلة مش باقية على حد وأديك شفت الولية دبت الواد ابن ابنها مات زرع بصل فمش هتيجى عليك انت
الحاج بكرى: مصطفى بيه ما تشوف الحاجة مجيدة كده بتقول ايه
جدو مصطفى بجدية:خلى كلامك معايا أنا...حاج بكرى هو لا سمح الله عيالنا غلطوا مع بناتك
الحاج بكرى بشرار وهو يمد سليم وخالد بالعصا:لا و محدش يسجر ولا يقدر يهوب من بنات المعلم بكرى
خالد بغضب: وربنا اما أنزل لأوديكوا في داهية...اصبروا عليا بس
سليم وهو يتلوى:اسكت بقى ما انت العصايا مش طايلاك زيى
خالد بغضب: استرجل ياض
سليم:اسكت بقى دى قرابة ما يعلم بيها إلا ربنا
أحمد بتريقة:الوقتى عرفت ربنا 
سليم:ولاااااااا يا مستفز انت متحرقش دمى
جدو مصطفى:حاج بكرى بطل ضرب فيهم وكلمنى حصل حاجه أكتر من الكلمتين اللى قالوهم
الحاج بكرى بغضب:وهو ده شوية يعاكسوا بناتى ده أنا أشرب من دمهم
جدو مصطفى:اشرب من دمهم اه أكتر من كده لا
الحاج بكرى:يعنى إيه يا مصطفى بيه
تيتة مجيدة بغضب:يعنى نزل العيال بدل ما أقليك في الطاسة بتاعتى شبه البانيه يا عجل انت
الحاج بكرى:الله يسامحك كلامى مش معاكى يا ست
تيتة مجيدة:ستك و تاج راسك وأعلى ما في خيلك أركبه
الحاج بكرى وهو ينظر للجد مصطفى:انا مش هرد احتراما ليك يا مصطفى بيه بس أفهم تقصد ايه
جدو مصطفى:انا قصدى العقاب على قد الغلط يعنى لو واحد غلط مع واحدة بنجوزهالوا لكن لو واحد عاكس واحدة كفاية عليه لمة الناس والفضيحة والتعليقة اللى فى السقف ولا إيه يا حاج بكرى ده انت بتفهم في الأصول برده
الحاج بكرى بتأفف:بس يا مص.....
جدو مصطفى بحزم شديد:مبسش ولا حاجة يا حاج بكرى اللى انت عوزته عملته وأكتر شوية وكفاية انك مكبرتش حد وأخدت حقك من غير ما تشوف إن ليهم كبير يترد عليه
الحاج بكرى بغضب:يعنى انت راض....
تيتة مجيدة وهى تقترب منه بغضب:بلا راضيك بلا طين فوق دماغك انت محسسنى انك ظبطهم فوق فراش الخطيئة بص كده عليهم ده العيال من الخضة معناش عارفين شكلهم من شكل السباغ اللى فى الأرض
ثم دنت منه بفحيح: وبعدين انت يرضيك تجوز بناتك رمز العفانة...قصدى العفة والطهارة للبيتش ولاد البيتشز دول
الحاج بكرى باستغراب:مش فاهم
تيتة مجيدة بصوت عالى:يا أبو قلقاسة في دماغ أمك ترضى تجوز بناتك للسفلة دول....دول متربوش دول كل يوم في شقة شكل
الحاج بكرى:إيه
تيتة مجيدة:متعودش تأوأو انا عاوزة مصلحتك دول مش بتوع جواز دول بتوع آداب
ثم عضت على فمها وغمزت:انت ربنا بيحبك انك انقذت بناتك العفيفات المؤمنات من أبو جهل وابا الحكم دول ربنا ما يحكم عليك يا أخويا....ولو عاوز نصيحتى يعنى تاخد بناتك في اسنانك وتغادر برات البلاد زى حبيب فيروز كده أحسن ينشروا الفيروس بتاعهم وساعتها هنضطر نعمل دى إن ايه لولاد الحار....ولاد الحارة ده ايه لولاد مصر كلها بيت بيت حارة حارة زنجة زنجة
الحاج بكرى بصوت عالى:فكهم يا ابنى
تيتة مجيدة وهى تنظر لسليم وخالد بشر:أيوة فكهم.....فكهم وابعتهملى....ابعت يلى بتبعت
خالد وهو ينظر لسليم الذى نزل بتوتر:انا بقول نخلينا هنا أحسن
سليم وهو يقبل يد الرجل:أبوس ايدك علقنى تانى
الحاج بكرى وهو ينفض يده: ابعد عنى مش عاوز حد يبوس حاجة ولا يقرب منى سامع
خالد وهو ينزل للأرض:واد يا سليم نهرب كده ولا كده
سليم وهو يشاور للسماء:لا يا حبيبي احنا هنطلع فوق عند كل القتلة اللى سبقونا
جدو مصطفى وهو ينظر لهم:مراد وأحمد...شيلوا الجثة المتلقح ده وورايا على البيت
مراد وهو يمسك خالد و سليم من قفاهم:انا هأمن على دول الأول وأحمد يشيل مازن
أحمد وهو يحمل مازن على كتفه:على النعمة أرميه في أى خرابة
جدو مصطفى:ولد احترم نفسك
أحمد بهدوء:مش عايز اخوات أنا...انا حر
خالد وهو ينفض يد مراد:ايدك
مراد بغضب وهم في مدخل العمارة:مالها
خالد بغضب شديد:شيلها لتوحشك
مراد:وليك عين تتكلم بعد اللى عملته
سليم وهو يقف بينهما:وانت مالك يا عم مراد ما تخليك فى حالك
مهاب وهو ينظر لجده وجدته الواقفين بغضب:احترموا نفسكوا بقى شوية على الأقل عشان الناس الكبار اللى واقفين...انا زهقت انتوا ايه مبتبطلوش شكل
جدو مصطفى وهو يمنع تيتة مجيدة من التدخل بهمس:استنى
تيتة مجيدة:هيموتوا بعض
جدو مصطفى بهمس:قولتلك استنى
مراد لمهاب:عاوز إيه يعنى مش مكفيهم قلة ادبهم ليهم عين يبجحوا كمان
مهاب:واما انت شايفهم بجحين نزلت ليه من الأساس تدافع عنهم
مراد بثبات:نزلت أتفرج عندك مانع
مهاب بعدم اهتمام:وانتوا أول ما الراجل لم الناس عليكوا وكنتوا بتشاكلوا قعدتوا تندهوا يا مهاب يا مراد يا مش عارف مين ليه كنتوا اشاكلوا بطولكوا وخلاص
سليم:عاوز إيه يعنى
مهاب وهو يرحل:جتكوا القرف
جدو مصطفى ببسمة جانبية:شوفتى
تيتة مجيدة ببرود:لا مشوفتش
جدو مصطفى:هبقى أوديكى المستوصف أعملك نضارة حالتك بقت مستعصية و ميتسكش عليها
تيتة مجيدة:اشمعنا يا أخويا ما أنا ساكتة على حالتك يا ابو حالة بقالى قرن ومتكلمتش ولا فتحت بوقى
جدو مصطفى بزهق:أومال لو فتحتى يا أختى هتعملى فينا ايه
تيتة مجيدة بتهكم:هعملك سحر اسود ومهبب على دماغك يا ابن تفيدة
جدو مصطفى:طب.....
احمد وهو يرزع مازن على الأرض:انا طالع ومش فارق معايا تقطعوا بعض اهم حاجه عندى الهدوء سامعين
مازن وهو يقف:ف..فيه إيه...انتوا مين
تيتة مجيدة:احنا الميلامين يا روح امك
مازن:ميلامين مين انا اول مرة اسمع حد يسمى ولاده الميلامين..ممكن يسميهم مثلا هيثم نبيل عفت عبد الراضى لكن الميلامين دية غ.......
تيتة مجيدة:اخرس ياض واطلع فوق جهزلى الماية السخنة عشان تدعكلى رجليا
مازن وهو يصعد:منك لله يا ولية