"اللى ربى بتاع مربى" 😉🙄

للعشق جنون😂

يجلس ذلك الشاب الوسيم ذو العيون الرمادية بشعره الأسود وذلك بالهيئة الكاملة التى ورثها من والده جمال بيه مصطفى
فى شركة جده في مكتب صغير فلقد سمح له الجد وأخيرا بامتلاك مكتب هو وابن عمه مراد كباقى أفراد الشركة أو لنقل كأقل فرد عادى فيها.................

مازن وهو يجلس على المكتب ويمسك بطنه:آه...هو....هو الواحد أكل ايه كده....اه....مكنوش يعنى سبع سندوتشات كبده وأربعة سجق وتلاتة حاجة ساقعة مشبرة اللى انا شربتهم دول.... اه.....أنا....انا اتحسدت ولا إيه
ثم نظر لبعض الأوراق الموضوعة امامه بدقه متناهيه يتضح فيها للرآئي انه لم يكن يعاني منذ بضعه ثواني 😂
مازن وهو يقلب في الأوراق:ده كويس....وده محتاج يتعرض على بتوع الشؤون القانونيه وده محتاج امضتى الكريمه
ثم امسك الورقه ليمضي عليها
مازن:أهو وآدي أحلى امضا.........

ثم نظر للشخص الذى اقتحم مكتبه ببلاهة أو لنقل للفاتنة التى اقتحمت ذلك المكتب الذى يجلس به دون سابق إنذار

مازن:انتى بتعملى هنا ايه
سلمى وهى تناوله ورق ما برقة:اتفضل
مازن وهو يلتقط منها الورق:و ده معناه ايه بقى
سلمى بابتسامة: ببساطة أقنعتنى
مازن:بجد والله ؟
سلمى:إيه
مازن بتعجب وهو يلف من كرسى مكتبه ليجلس قبالتها: أقصد يعنى إنى كنت عندكوا من ساعتين بالظبط وكان الكلام غير كده
سلمى ببسمة:ما أنا قولتلك انت أقنعتنى
مازن وهو يحك ذقنه وهو ينظر لها من أعلى لأسفل:اه ما أنا عارف إنى مقنع
ثم اقترب بكرسيه المتحرك بمفاجأة لها:ولا إيه رأيك
سلمى وهى تنظر له بخضة وارتباك:انت....انت....عن إذنك
ثم ابتعدت بكرسيها ووقفت فوقف قبالتها وأطال النظر لها
مازن ببسمة:راحة فين
سلمى وهى تنظر لأصابعها:ماشية
مازن وهو يغلق باب المكتب:مفيش مشيان
سلمى بغضب وارتباك:نعم انت مجنون ولا إيه
مازن وهو يضع القلم في يدها بالقوة:قبل ما نمضى العقد يا آنسة
سلمى بعدم استيعاب:ها
مازن بضحك:أومال فاكرة إيه😂
سلمى بخجل وهى تمضى العقد:مف...مفيش مش فاكرة حاجة
ثم نظرت له بارتباك أكبر:أنا...انا عاوزة أمشى بس
مازن وهو يمضى وينظر لها بعينه اليسرى وببسمة جانبية:عايزة تروحى ليه ده انتى حتى مشربتيش حاجة ولا أخدتى واجبك
سلمى وهى تنظر للباب المغلق بقلق:لا لازم أروح عشان مامى عوزانى في مشوار
مازن وهو يستقيم ويضع يده في جيبه بثقة وينظر لها بابتسامة:وهو مشوار مامى ده مينفعش يستنى ساعتين تلاتة خمسة كده
سلمى:ايه اللي انت بتقوله ده
مازن ببسمة ونبرة لعوب:عما نشرب حاجة كده وأحكيلك قصة حياتى
سلمى وهى تنظر لعينيه بتوتر:وأعرف قصة حياتك ليه...أنا...انا لازم أمشى
مازن بضحك وغمزة:أصلى عاوز أحكيلك عن واحدة عجبانى حولتنى أول ما شوفتها😉
ثم نظر لها بتفحص:لابسة كعب على حتة جيبة اي.....
سلمى وهى تأخذ الورق وتنظر للأرض بخجل:مع السلامة يا استاذ مازن
مازن وهو يفتح لها الباب برقة:نورتينا يا آنسة سلمى
فنظرت له سلمى بوجنتين حمراوتين ثم فرت من أمامه بالمعنى الحرفي لكنها قابلت مراد في طريقها.............
سلمى وهى تنظر ورائها وحولها بارتباك وتحدث مراد:ازيك يا استاذ مراد
مراد: الحمدلله مالك كده يا سلمى ايه استاذ دى وايه الارتباك ده كله
سلمى وهى تنظر له:مف...مفيش يا مراد اصلى متأخرة وعندى مشوار مع بابى ولازم أروح
مراد: تمام ابقى سلميلى بقى على أونكل ع..........
مازن ممسكا بالعقد متدخلا بينهما:مش كان المشوار مع مامى من شوية
سلمى وهى تنظر له بتوتر:مش عاوز حاجه يا مراد
مراد بتعجب:لا مع السلامة يا سلمى
مازن وهو يضع يده في جيبه بثقة:حوش اللى وقع منك😂
فتلقائيا نظرت سلمى حولها ولم تجد شيئا واقعا منها فنظرت له بغيظ
مازن بضحك: ههههههههه 😂 😂 هو أى حد يقولك أى حاجة تصدقيها كده
سلمى بغضب:انا غلطانة إنى جيت بالعقد لحد هنا أصلا