"اللى ربى بتاع مربى" 😉🙄

سحلة يا دنيا سحلة😂🏃

فى قسم الشرطة حيث توجد إدارة مكافحة
الآداب تحديدا في مكتب العقيد أكرم مصطفى
يقف ذلك الضابط الشاب الوسيم ذو الغمازات الجميلة بشعره الأسود وطوله الفارع بحدقتيه الرماديتين
ليتلقى الأوامر من مديره
فلقد تسبب تأخير صديقه اللعوب فى سماعه
لبعض الكلمات اللاذعة
أكرم ببرود:سمعت يا حضرة الظابط
أمير بأدب:حاضر يا فندم
أكرم وهو يقف مقابلا له:وأى حاجة مش مظبوطة يحاول يعملها او أى تقصير في الشغل تبلغنى بيه على طول
أمير:حاضر يا فندم
أكرم وهو ينظر في أوراق أمامه:البيه شرف ولا لسه
أمير بثقة:وصل يا فندم
ثم قال في نفسه (يخربيت اللى جابوك يا خالد منك لله هتودينى في ستين داهيه)
أكرم بصرامة:انت سرحت فين كده وأنا بكلمك
أمير ببسمة:مفيش يا فندم مع حضرتك أصل بفكر في المأمورية
أكرم بعدم اقتناع:آه...خلى بالك دى مش فيها ترقية قد ما فيها جزا سامعنى طبعا يا أمير
أمير بارتباك:آه طبعا طبعا طبعا
أكرم ببسمة جانبية:هو ايه اللي طبعا طبعا
أمير:أصلى...أصلى بحفظها يا فندم
اكرم وهو يقترب من وجهه بشر:انت هتهزر معايا
أمير بخوف مضحك:ل...لا أبدا يا فندم
أكرم وهو يبتعد عنه:اعدل لياقة قميصك دى
واظبط نفسك كده ما هى مش ناقصه معاتيه كفاية الباشا التانى خريج كلية البارات قسم تحشيش وقلة أدب
أمير: ربنا يعينك يا فندم
أكرم بتفكير:اممممم أمير
امير بارتباك:أيوة يا فندم
أكرم:اوعى تكون عارف عنه حاجة ومخبى
امير وهو يرجع خطوة للخلف:ها
أكرم:عارف يا أمير لو عرفت أى حاجة عن الزفت اللى اسمه خالد متكونش قايلهالى هعمل فيك ايه
أمير مبتلعا ريقه:ايه يا أونكل
أكرم ممسكا بياقته بقوة:أونكل دى بره الشغل يا كلب
امير وهو يرمش بسرعة:حا...حاضر
أكرم وهو يقترب من وجه وهو ممسك به:انا مش هقولك هبيتك في الحجز هنا لغاية أما يبانلك صاحب تؤتؤ خالص انا بقى هبعتك لأبوك
وهو هيشوف شغله معاك
امير بخوف:سيادة العقيد
أكرم وهو يتركه ليقع متأوها على الكنبة:أيواااا سيادة العقيد منير باشا سالم وانت عارف بقى هيعمل في اللى جابوك إيه
أمير وهو يقف:لا لا يا اونكل والله لو عمل أى حاجة لكون قابض على أمه....
أكرم بنظرات نارية:نعم
أمير:أقصد لهكون قابض عليه بنفسى ومسلمه لحضرتك يا باشا
اكرم وهو يعطيه ظهره:طب اتفضل انت دلوقتى عشان المأمورية والتقرير يكون على مكتبى بمجرد ما تخلصوا مفهوم
امير وهو يؤدى التحية العسكرية:مفهوم يا فندم
اكرم بصوت جهورى:انت لسه واقف
أمير وهو ينظر في كل الاتجاهات:هو....هو الباب... الباب كان ف...فين
أكرم بسخرية:عند أبوك هناك عارف.....
امير وهو يفتح الباب ليهرب:عارفه عارفه والله يا اونك....قصدى يا عمو...
أكرم:نعم
أمير ممسكا بقبضة الباب:أقصد يوووه يا فندم... يا أبو خالد...
أكرم وهو ينظر في أثره ببسمة جانبية: ربنا يهدكوا....او يهديكوا
ثم قال في نفسه:انا قولت لمنير بلاش يدخلوا شرطة هما دول وش كده
يلا أقدار
ثم ضرب على مكتبه بقوة:وقال ايه جه يا فندم ما أنا عارف انه لسه مجاش ابن امبارح فاكر نفسه حويط وبيضحك عليا وبيغطى على الحيوان التانى
ثم ضحك باستفزاز:لا ونعم الصحوبية الهباب