"اللى ربى بتاع مربى" 😉🙄

السجن تأديب وتهذيب وإصلاح👍😂

فى شركة هندسية ضخمة
فى ذلك المكتب الراقى الهادئ الفخم للغاية
يجلس ذلك الشاب ينظر بتدقيق إلى تلك الأوراق
فتلك الشركة هى أمانة كبيرة لديه يديرها بدلا من والده كثير السفر حتى في حضوره أيضا هو الذي يديرها فلقد أصبح مؤخرا ماهرا بتلك الأعمال فهى أولا وأخيرا مجال دراسته في الجامعة
فقد كان مراد يجلس على كرسي المكتب اللذى يدور حاملا تلك الأوراق ويعطى ظهره للباب حينما فتح الباب فجأة ودخلت منه السكرتيرة تجرى خلف تلك الهوجاء التى دخلت فجأة وبدون سابق انذار
السكرتيرة:يا أستاذة مايا استنى بس مينفعش كده
مايا وهى تقتحم المكتب: بقولك ايه أنا لسه متمرنتش ولو ممشتيش من خلقتى دلوقتى أنا مضمنش نفسى
مراد من وراء الكرسى فى نفسه:بسم الله نبدأ المشاكل
السكرتيرة بتوتر:يا أستاذة مايا كل مكان وليه احترامه
مايا بجمود:عيدى كده اللى قولتيه تانى
السكرتيرة وهى تجرى على مراد:أستاذ مراد إلحقنى
مراد وهو يلف بكرسيه:إطلعى بره يا كاميليا
كاميليا بصدمة:إيه
مراد وهو ينظر لمايا:ده عشان مصلحتك
مايا مربعة يديها مقلدة السكرتيرة:إلحقنى يا استاذ مراد....إيه هعضك يا أختى
كاميليا وهى تمر بسرعة من جانبها: ربنا يعينك يا استاذ مراد
مايا وهى تلف لها:جدعة اقفيلى
مراد وهو يقترب منها بهدوء:ما براحة شوية يا مايا مش كده
مايا: يا أخويا اتلهى على خيبتك....لا لحظة خيبتنا كلنا
مراد:اهدى كده واقعدى عشان مش فاهم انتى متعصبة كده ومخوفة البت اللى شايلالنا الشغل وكل شوية تخضيها وأنا أذودلها المرتب من ورا عمايلك دى
مايا بتهكم:هى غلبانة وطيبة منكرش بس انت اللى قلبك رهيف أوى
مراد:طب اهدى واقعدى كده وقوليلى إيه اللى........
مايا منفجرة في وجهه:مصيبة
مراد مبتعدا عنها:يا ساتر يا رب
مايا وهى تجلس:ومصيبة كبيرة كمان
مراد وهو يجلس مقابلها:خير يا حجة
مايا بضيق:مش خير خالص...جدك عاوزنا نروحله كلنا انا وانت وماما ولو بابا موجود كان شده معانا ليه وفيه ايه معرفش
مراد:أومال كلمة مصيبة اللى على لسانك دى جايباها منين وجدى مين ده
مايا وهى تضربه على جبهته:انا قولت انك بتضرب برده
مراد وهو يقف:لا والله أنا بس مش فاهم ايه المصيبة في كده
مايا:أمك
مراد:ما تحترمى نفسك يا مايا الله
مايا:افهم يا غبى الظاهر امك المبجلة راحت اشتكت لجدك مننا جدك مصطفى أبو أمك مش أبو باباك
مراد:ايه أبو أمك دى هو انتى بتشتمينى
مايا وهى تشده من ياقته بعنف:ولااا اظبط كده عشان لو مظبطش الشتيمة لسه جاية متخافش
مراد وهو يوقعها أرضا:اهدى كده عشان أنا سايبك تهرى بمزاج.......آه
مايا موقعة إياه:طب خلى بالك يا كوتش
مراد وهو يقف بتحدى: قادرة
مايا وهى تنفض نفسها وتشد يده:طب وهنعمل إيه
مراد:فيه إيه يا بنتى
مايا: في خيبتك يا ظريف....وحياة ربنا أنا لو بكلم فرقعلوز كان فاته فهمنى
مراد: يا مايا أصلك مكبرة المواضيع على الفاضى هيجرى ايه يعنى لما نروح طب على الأقل نشوف جده كده ونطمن عليه طب ده احنا بقالنا قرن مشوفناهوش
مايا وهى تنظر للفراغ:بكرة تشوفه وتتبسط يا استاذ بس مترجعش تعيط
مراد:انتى هطلة يا بنت انتى بتكلمى نفسك
مايا وهى مازالت تتحدث مع نفسها:وبكرة ليه دول عاوزنا دلوقتى
مراد:هما مين دول اللى عاوزنا دلوقتى
مايا وهى تشده من يده للخارج:لا ما أنا مفييش مرارة يلا يا عم الحاج
مراد وهو ينظر وراءه:كاميلياااااا لو انا اختفيت في ظروف غامضة يبقى البت دى اللى موتتنااااى
مايا وهى تشير لها بعلامة الذبح:ابقى جربى
كاميليا بتحسر:حسبى الله ونعم الوكيل