"اللى ربى بتاع مربى" 😉🙄

اللى متربوش أهم😂👈

فى الثانية ظهرا أمام إحدى المدارس الخاصة يقف ذلك الشاب بوجه ممتعض ينظر إلى ساعته ينتظر إحدى التكاتك
أصل للأسف جده مسبلوش حق التاكسى😂.........

ده كان أحمد طبعاً هو بيشتغل مدرس وأصلا كان داخل المجال ده غصب عنه
بسبب باباه
لأ وبيحضر ماجستير كمان بالإجبار وده كان سبب من الأسباب اللى خلته عاوز يهرب من البيت
فى الوقت ده أحمد كان متعصب جدا والدنيا حر ومش لاقى تكاتك
سائق تاكسي وهو يقترب منه:اتفضل يا باشا
أحمد بحمحمة:لا...لا شكرا أصلى مستنى واحد صاحبى
السائق وهو ينطلق:ماشى يا باشا
الأمن وهو يقترب من أحمد: استاذ أحمد
أحمد وهو يلتفت له:أيوة يا وائل
الأمن:أجيب لحضرتك كرسى تعد عليه بدل وقفتك
أحمد بحرج:مالها وقفتى...أقصد يعنى انا بستنى واحد صاحبي
الأمن:تمام أصلى استغربت عشان كذا تاكسى وقف لحضرتك بس حضرتك مردتش تركب وكده
أحمد:متشغلش بالك انت
الأمن:تمام انا كان قصدى أساعد حضرتك....أومال  هى عربية حضرتك فين
أحمد بتوتر:عر...عربيتى...اه عربيتى أصلها بتتصلح
الأمن بتفهم: اه بتتصلح وانا أقول حضرتك متسوح ليه
أحمد بنظرة ثاقبة: نعم
الأمن وهو يتراجع نحو البوابة:م...مقصدش قصدى يعنى على غير العادة يعنى واقف عشان تركب تاكس
أحمد:تمام طب اتفضل بقى شوف شغلك ومتكترش معايا في الكلام عشان انا طالع ميتين أمى
الأمن بخوف:ماشى عن إذن حضرتك
ثم قال فى نفسه:ماله ده
أحمد فضل واقف ربع ساعة كمان فى الشمس لغاية أما تعب جدا ولقى الأمن جايبله كرسى ومقرب منه ولما أحمد بصله
قام الراجل لافف وشه بسرعة ومرجع الكرسى مكانه قام أحمد ابتسمله بسماجة وعمله كده👍😂 😂 😂
بعد شوية من وقفة أحمد لاحظ إن الأوضة الصغيرة بتاعة الأمن فيها طفل لابس لبس المدرسة وزى ما يكون كان نايم في الأوضة دى
بس صحى وكان خايف وقاعد يعيط
فأحمد قرر انه يروح يشوف ماله
ولما الطفل ده شاف أحمد مقرب ليهم قعد يعيط أكتر وراح استخبى ورا الراجل بتاع الأمن
أحمد وهو ينظر له:ماله ده يا وائل
وائل وهو يحتضنه:ده يزن طالب في تالتة ابتدائي هنا في المدرسة مامته شوية كده هتيجى تاخده
أحمد وهو ينظر له بشفقة:طب وبيعيط كده ليه
وائل:مفيش هو بس بيخاف شوية
أحمد فى نفسه:غريب في تالتة ابتدائي ومش عارف يروح لواحده
أحمد وهو يدنو من يزن:تيجى معايا يا حبيبي وانا أروحك
يزن وهو يشد قبضة يده على ملابس وائل:ل..لا مينفعش
أحمد باستغراب:طيب انت عارف بيتكوا فين
يزن بخوف وعينيه مملوءة بالدموع:م...مش عارف
أحمد:مش عارف بيتكوا فين
يزن وهو يمسح دموعها:هو..هو أنا عارف بس مش...هينفع أروح لواحدى
أحمد وهو يمسح على شعره بهدوء:ليه يا حبيبي
يزن بارتجاف:ب..ب..بخاف
وائل:متشغلش بالك يا استاذ أحمد هو شوية كده ومدام مروة والدته هتيجي تاخده
أحمد لوائل:استنى انت على جمب
وائل وهو يحك رأسه:هو حضرتك مش طايقنى كده ليه
أحمد بسماجة:عيب خلقى
وائل وهو يجلس بعيدا:الله يسامحك
أحمد وهو يشد الكرسى ليجلس ويمسك يد يزن:قولى بقى انت اسمك ايه
يزن وهو يرجف ووجه أحمر من التوتر:اس...اسمى ي...يزن
أحمد:انت خايف كده ليه يا حبيبي
يزن وهو يلتف حوله:مفيش
أحمد بابتسامة:طب انت ليك صحاب
يزن بعيون بريئة:لا
أحمد بابتسامة:ايه رأيك نبقى صحاب وأوصلك البيت
يزن:بس..بس ماما هتزعقلى
أحمد:ملكش دعوة بماما دلوقتى ويلا نروح مع بعض وهجبلك آيس كريم....مش انت عاوز نبقى صحاب
يزن بتوتر وهو ينظر لوائل:مش..مش عارف لازم أستأذن ماما الأول
أحمد بغضب: يادى ماما اللى طالعالنا في البخت المايل
يزن وهو يشد قبضته على يد أحمد بخوف:أنا..انا هستنى ماما
أحمد وهو ينظر له بشفقة: متخافش يا حبيبي مش انا قولتلك احنا صحاب يبقى مش هعملك حاجة...تعالى بقى وأنا هوصلك
يزن ببكاء:لا..لا أنا هستنى ماما
أحمد:طيب اهدى...اهدى يا حبيبى....تعرف انك اسمك حلو أوى يا يزن
يزن موسعا عينيه وسط بكائه:بجد
أحمد:اه بجد....هو فين بابا يا يزن
يزن وهو يمسح دموعها:معرفش...انا عاوز ماما بس
أحمد:طيب تيجى معايا نروحلها
يزن وهو يتوقف عن البكاء:بجد هتودينى ليها
أحمد بابتسامة: أيوة
يزن برجفة:ماشى
أحمد وهو ينظر لوائل الذى نام على كرسيه أمام المدرسة مخفيا وجهه بالقبعة:أعوذ بالله جايبين خنزير ينام قدام المدرسة دك سل يقزحك
يزن بخوف:هو فيه خنزير هنا انا خايف
أحمد وهو ينظر بقرف لوائل:لا يا حبيبي كان هنا ومشى...يلا
وبدأ أحمد بالسير هو ويزن لكن بعد بضع خطوات سمع كلاهما صوت أنثوى ينادى بإسم الصغير
فتوقف كلاهما عن المشى وإلتفت أحمد بينما جرى يزن على صاحبة الصوت
مروة وهى تحتضن يزن:انت كويس يا حبيبي حد عملك حاجة
يزن وهو يكاد يبكى:لا يا ماما
مروة:انت ايه اللى خلاك سبت عمو وائل ومين اللى انت ماشى معاه ده
يزن وهو يشاور على احمد الواقف بعيدا:ده..ده مستر أحمد هو كان هيودينى عندك
مروة بصدمة وهى تمسك وجه يزن:يوديك عندى؟ أكلك حاجة ؟عمل فيك حاجه
يزن:ها
مروة بعنف:انطق بسرعة
يزن بخوف:لا
مروة:وبتروح معاه ليه من الاول مش خايف يخطفك مش انا قولتلك قبل كده حكاية الولد اللى اتخطف والراجل الشرير قتله وقط......
أحمد وهو يقترب بغضب:قتل ايه وقطع ايه يا مدام ايه القرف اللي بتقوليه لابنك ده
مروة وهى تنظر ليزن:يزن اركب العربية يا حبيبي
يزن راح فعلا وركب عربية مروة
احمد وهو ينظر لها بغضب:كويس عشان ميسمعش اللى هسمعهولك
مروة:تسمعلى ايه يا استاذ إنك كنت خاطف ابنى وماشى بيه معرفش هتوديه على فين
أحمد: الظاهر إنك مريضة وأم فاشلة
مروة بغضب:انا أم فاشلة
أحمد:طبعا وهو فيه واحدة تقول لابنها خطف وقتل هو ده كلام يتقال لأطفال
مروة:ابنى وبخاف عليه وأنا حرة فيه وأقوله اللى عاوزاه
أحمد وهو يرحل:اتحرقى
مروة بغضب:انت بتقول ايه استنى هنا
أحمد وهو يمشى بهدوء:مبقفش مع فشلة
مروة:انت تطلع مين أصلا
أحمد وهو يلف لها:شبح
مروة وهى تقف حائرة:شبح إيه...ايه الهم ده يعنى خاطف ابنى وي..... طيب
مشت مروة ورائه حتى وقفت أمامه
أحمد:ايوة عاوزة إيه
مروة: انت إزاى ماشى كده بسهولة بعد ما اتهمتك بخطف ابنى
أحمد:امشى لو سمحتى من قدامى انا فيا عقد الدنيا كلها وممكن اطلعها فيكى
مروة:انت فاكرنى هخاف منك ولا إيه
أحمد وهو ينظر لها نظرة ثاقبة:اه هتخافى
مروة بصويت:إلحقووونى....حرامى خطاف هيخطفنى انا وابنى......
أحمد وهو يرمى الحقيبة من يده:انا عملت لميتين امك حاجة يا ولية
مروة وهى تنظر للناس الوافدين:كان بيخطف ابنى كان هيموته
احمد وهو ينظر لهم مدافعا: والله ما حصل
ده حتى ابنها هناك أهو فى عربيتها
رجل وهو يمسك أحمد:اطلبوا البوليس بسرعة
سيدة ما:انا اللى هطلبه
أحمد وهو ينظر لها:هو انتى قاعدة على التليفون مستنيانى ولا إيه يا حاجة
رجل آخر:اخرس يا بجح... ناس مبقاش عندها لا دم ولا ضمير
سيدة أخرى لمروة:خلى بالك من نفسك ومن ابنك يا بنتى
احمد بعصبية وهو يحاول الهروب:ده انتوا اللى خالوا بالكوا على نفسها منكوا
مروة بمسكنة:شايفين بيبصلى إزاى ده كان عاوز يقتلنى
سيدة ما وهى تطبطب عليها: الحمدلله إننا لحقناكى يا بنتى قبل ما يعمل فيكى حاجة
أحمد وهو يحاول الوصول لها حتى يضربها:ودونى القسم حالا ودونى عشان يبقى محضر قصاد محضر
رجل ما بغضب:منكوا لله يا قتالين القتلة يا مختطفين الأطفال
السيدة وهى تشاور:البوكس جه أهو
احمد فى سره: مفيش غير الزفت خالد اللى هينقذنى أو خالو أكرم
العسكرى:اركب ياض
أحمد بغضب وجدية:مبحبش الطريقة دى....بس أنا ابن اخو العقيد أكرم مصطفى وابن المليونير جمال مصطفى
العسكرى:أشوف بطاقتك
أحمد وهو يبحث عنها: ماشى
العسكرى:اخلص
أحمد:احم مش لاقيها
العسكرى:طب اطلع البوكس وفى القسم بقى نتأكد من إنك ابن جمال بيه وابن أخو أكرم بيه وساعتها هنشوف حصل معاك انت والمدام إيه
مروة بغيظ:هو ده اللي لازم يحصل لازم ياخد جزاؤه
أحمد وهو يركب البوكس:وربنا لألبك على قفاكى لحد ما يبانلك صحاب اصبرى عليا بس
مروة للعسكرى:طب بعد إذنك معايا ابنى فى العربية ممكن أجيبه وآجى وراكم القسم أنا اللى هعمل المحضر حضرتك
العسكرى:ماشى يا مدام....اطلع يا ابنى بالبوكس
فنظرت مروة لأحمد بعدها نظرة انتصار كمن انتصر على خصمه فى المدرسة أثناء الفسحة وتوجهت إلى سيارتها للحاق بهم..........  
........................................................................
وفى مكتب هندسى يقبع قريبا من تلك المدرسة يجلس ذلك الشاب العنيد ذا الرأس اليابس
اللى أنشف من حجر الصوان
على مكتبه ومولع سجاير ولا همه شغل ولا غيره
هو عامل زى أخوه كده مش بيحب شغله ولا متقبل فكرة إنه مهندس دى خالص
وده طبعا كان باشمهندس سليم
بس فى نفس المكتب كانت قصاده الباشمهندسة مرام اللى سايبة كل حاجة فى الدنيا ومركزة معاه
هو كان بيبصلها بطرف عينه وبيضحك أصل مفيش فايدة فيها بجد
هو عمره ما عبرها وهى عمرها ما فكرت في حد إلا فيه
مرام برقة: باشمهندس سليم
سليم وهو ينفث سيجارته:أيوة
مرام:هو حضرتك مبتفكرش تبطل سجائر
سليم ببرود:وانتى مالك
مرام بإحراج:ايه الكسفة دى....يعنى علشان صحتك وكده
سليم:لا مبفكرش أبطل سجاير وريحى بقى على جمب
مرام وهى تنظر في أوراق أمامها بٱحراج:حاضر
بقيت مرام تنظر فى الورق ثم رفعت رأسها تنظر له بحيرة تفكر كيف تشغله بها
مرام: باشمهندس سليم
سليم بزهق:عاوزة إيه يا آنسة مرام
مرام:هو حضرتك مدايق من حاجة فيه حد مزعلك
سليم ضاحكا: ههههههههه قولتلك ريحى بقا😂
مرام بوجه أحمر من الكسوف:انا قولت بس أطمن عليك
سليم بابتسامة:ليه ما انا كويس قدامك أهو مالى يعنى عاوزة تطمنى أوى كده ليه 😂
مرام برقة:عشان..عشان يعنى احنا زمايل فى المكتب وكده
سليم وهو يطفأ سيجارته:إن شاءالله مش هنبقى زمايل ولا حاجة
مرام بعدم فهم:إيه
سليم ضاحكا: ههههههههه متشغليش بالك😂
ثم دخل عليهم زميل آخر لهم جلس على مكتب ثالث موضوع في الغرفة
نادر لسليم:إزيك يا سليم
سليم وهو يمسك هاتفه: الحمدلله يا ندور فينك يا باشا
نادر:مشغول والله بظبط شقتى
سليم: يا ابنى مش اما تلاقى عروسة الأول
نادر وهو ينظر لمرام:إن شاءالله هلاقيها هى تفهم بس وتحس
سليم:تمام يا حبيبي اجدعن اشتغل بس على نفسك وطور مهاراتك يا نادر يا حبيبي
نادر وهو ينظر لمرام بيأس: على الله ييجى بنتيجة أحسن هتشل
سليم: ههههههههه 😂 😂 😂
نادر وهو ينظر لمرام:إزيك يا آنسة مرام
مرام وهى تمسك أوراق وتقف:أحسن منك
نادر لسليم:شايف طولة اللسان
مرام وهى ترمى الاوراق على الأرض:انا لسانى طويل يا أبو عين زرقا وعين خضرا ومحدش عارف إن كنت جنية ولا بنى آدم
نادر:انتى قليلة الأدب ومحتاجة حد يربيكى
مرام:وانت جاموسة ومفيش واحدة ترضى بيك
نادر وهو يمسكها من ياقتها:هترضى غصب عن عين ام اللى خلفوها
مرام وهى تمسكه من ياقته هى الأخرى:أكيد عامية مبتشوفش
سليم وهو يشعل سيجارة اخرى ويضحك:قصدك غبية مبتفهمش😂😂
مرام وهى تترك ياقة نادر بهيام:بتقول حاجة يا باشمهندس
سليم منفجرا من الضحك: ههههههههه 😂 😂 قابلى
مرام بعدم فهم:أقابل ا......
فى الوقت ده نادر قام مشنكلها موقعها على الأرض😂
قامت هى شداه موقعاه راح خابط فى المكتبة اللى وراه قامت واقعة عليهم هما الاتنين 😂😂😂😂
سليم بقى ينظر للفوضى والورق الملقى في كل مكان ثم وضع هاتفه على أذنه ليقوم بمكالمة عاطفية انه مغامر ويحب الطيران على الأغصان