"اللى ربى بتاع مربى" 😉🙄

اصحاب ولا بيزنس؟

تفاجأت تلك الثائره بذلك الغاضب الذي يشدها.... او لنقل يجرها من يدها خلف حائط ذلك المبنى الشاهق غير عابئ بمن حوله من المشاه والعابرين..... بل غير عابئ من الاساس بجده وبجدته وحتى ابن عمته او اي احد في تلك الشركه.... فقد شدها من يدها إلى حيث بعض الهدوء وهي لم تكف ولا لحظه واحده عن الصراخ في وجهه بل نعتته بكل الصفات القبيحه التي يعرفها وقد سمع عنها والتي لم يسمع عنها في حياته

مروه وهي تشد يدها منه بقوه: انت ايه جبله معندكش دم ولا احساس
أحمد بغضب: فكك يا مروه
مروة بصراخ: يعني ايه افكني... يعني تشد ايدي وتجرني وراك وتقولى فكك لا فكك انت يا برنس مش انا اللي يتعمل معايا الحركات دي
احمد بغضب شديد ممسكا بكتفيها فجاه وعينيه مليئه بالشرار:و اما طليقك بيطاردك مبتقوليليش ليه
مروه بصراخ:مبقولكش عشان انت ملكش دعوه بيا ولا بحياتي ولا بابنى ولا يخصك في حاجه الموضوع ده .......هتستفيد ايه يعني لما تعرف
احمد بغضب شديد: لا ليا دعوه غصب عن عينيكي الاتنين يا هانم
مروة:لا بقى ده انت بجد بجد عديم الدم
أحمد:زى ما انتى عديمة الذوق والأدب كده
مروة: أنا عديمة الذوق والأدب ؟... بقولك ايه طلع نفسك من المواضيع دي.... انت اصلا بتدخل بصفتك ايه يعني
أحمد:بصفت..............
مروة مقاطعة:و متقوليش بصفتي معجب بيكى ومش عارفه ايه والكلام ده...... قولتلك قبل كده الحوارات دي ما بتاكلش معايا ولا انت فاكرني يعني هتثبت بقى وهقتنع بكلامك ده
أحمد: اتجوزك انا بس واجيبك من شعرك
مروة وهى تفتح عينيها على اخرهما: تجيب مين من شعرها
أحمد: بقول لك ايه يا حاجه تقتنعي متقتنعيش مش مهم اساسا ومش هستنى رايك انا معجب بيكى غصب عنك ولا باين عليا كده اتهفيت في نافوخى وبحبك المهم إنى هتجوزك غصب سواء مقتنعه ولا لا
مروة:بت...بتحب؟بتحب مين يا عم الحاج
أحمد بغضب:بتنيل بحبك انتى...ايه شايفانى بكلم حد غيرك
مروة:ب..بص كلامك...كلامك ده..غريب وغلط...كله غلط ومش في وقته
أحمد ببسمة:مالك اتلخبطتى كده ليه
مروة وهى تعود لغضبها:بلا اتلخبطت بلا اتنيلت..سيبك منى وفض الموضوع ده
أحمد:كل ده عشان جوزك اللى ميساويش..انتى خايفة أوى كده ليه
مروة:اولا هو مش جوزى ده طليقى..وانا بقى مبخفش من حد وطلع نفسك من الحوارات دي بالذوق كده بدل ما أقل منك
أحمد:تقلى من مين يا بنت الجزمة القديمة
مروة:بنت الجزمة...عليا النعمة انت عيان بدماغك وانا بقى هوريك بنت الجزمة دى هتعمل فيك ايه
ثم خلعت مروة حذائها وحدفته بغضب عارم في وجه أحمد لكنه أمسكه بيده بوجه بارد
مروة بغضب:انت ايه يا أخى
أحمد:انا مش أخوكى يا أما
مروة: بقولك ايه هات الشوز
أحمد وهو يتركها ليذهب:عند أمك
مروة: يعني ايه بقى همشي حافيه
أحمد ببرود: تمشي زي ما تمشي ميهمنيش
مروة: والله فرج عليك الشارع كله وأقول ان انت سارق جزمتي
أحمد: ليه طمعان فيها من جمالها
مروة وهى تتعكز على شجرة ما:متهزرش بقى...أبو تقل دم أهلك... بقولك هات الجزمة
أحمد:طول ما انتى لسانك طويل كده مش هديهالك وخليكى ماشية حافية كده
مروة:خليها أهى تبقى جزمة شايلة جزمة
أحمد وهو عينيه تشتعل غضب:انا بقى هوريكى انا هعمل في أمك إيه يا حيوانة