"اللى ربى بتاع مربى" 😉🙄

الأذلاء😂🥀

فى ظلمة الليل وقبل آذان الفجر
فى تلك الحارة الشعبية البسيطة
والناس نيام
تحديدا في ذلك البناء المكون من ست طوابق
والمفروض يعنى إن الناس نايمة وم.........
لا لا ايه ده ده فيه رزع وخبط مش طبيعي 😂😂
وواحد واقف في الدور التالت بين شقتين بيخبط بأقصى ما عنده على الشقة دى شوية والتانية شويتين😂
فقام ذلك المتعوس على عينه اللذى يدعى مهاب ليفتح الباب وهو يدعك عينيه من أثر النوم
مهاب وهو يفتح الباب بغضب:فيه إيه انت مين وبتخبط كده ليه
الحاج محمد:انتوا احفاد مصطفى بيه
مهاب منتبها:أيوة احنا خي.......
مراد قادما من ورائه:واقف بتكلم مع مين
مهاب بغضب:وانت مالك
أحمد من الداخل:اقفلوا الباب ده ومحدش عاد يرزع الرزع ده كله على الصبح
مراد ملتفتا لأحمد:اهدى شوية علينا كده محناش ناقصين نصايح على المسا
مازن وهو يعبر من وسطهم بسرعة البرق ويخرج للخارج ويضع رأسه على كتف الحاج محمد ناعسا:انت مين يابا
الحاج محمد وهو يدفعه:أعوذ بالله انا لا عمرى شوفت ولا هشوف
مازن متخصرا: ليه يا حاج بقى شوفت الخبث والخبائث ولا إيه
خالد وهو يخرج لهم وفى يده زجاجة من المياه:انتوا بتعملوا إيه
مازن:بنعمل عمل أعملك
خالد ضاحكا بغمزة:مش محتاجه
مازن وهو يختبأ تحت جلابية الحاج محمد: متحرييييييييش
الحاج محمد منتفضا:هو برده يا قليل الأدب....اخرج من الجلابية يا قليل الحيا
سليم وهو يأتى ليقف جوارهم بزهق ويمسك مازن من قفاه:لمؤاخذة يا عم الحاج
مراد:ما قولتلناش انت...اقصد حضرتك مين
أحمد بضيق:وايه الرزع ده كله أنا بحب النيلة الهدوء
خالد:وانت فاكر نفسك جاى هنا تستجم
مازن محركا أكتافه:وخش خش خش نلعب تحت الدش
خالد مقربا وجهه له:وأما أقربلك تقولى انا اللى متحرش
مراد مربعا يديه:لا هو منحرف لواحده مش محتاج حد شمال زيك يكمل عليه
خالد ممسكا برقبة مراد:الشمال ده أنضف منك انت وأختك اللى شبه الرجالة
مراد وهو يطرحه أرضا:انت أصلك عيل واط.......
الحاج محمد وهو يجلس على السلم:كان عندك حق يا مصطفى بيه هما فع.........
فى تلك الأثناء خرجت ليان صارخة:فيييييييه ايه ايه اللي بيحصل ده
مهاب وهو ينظر لها بدقة مدندنا:ايه اللي انا شايفه ده
ليان رافعة حاجبها:بتقول ايه
مهاب ببراءة وهو ينظر للشكلة ولإخوته اللذين تدخلوا في تلك المطحنة:مفيش دول بيصبحوا على بعض بس
ثم اقترب منها قليلا:صباح العسل
فوضع الحاج محمد يديه على وجهه بيأس:وكمان سفلة رحمتك يا رب
ثم رأى الحاج محمد ندى تأتى من داخل شقة البنات وهى تمسك شبشبها بشعرها المنكوش:فييييه ايييه يا لياااااان حرامى.....هو فين هو فين انطقى
ليان وهى تشاور عليهم وتتجنب مهاب:انتى عمشة يا حجة ولا ايه ما هم متلقحين على بعض زى الفطير المشلتت بغاباوتهم أهم فوق بعض
ندى وهى تحك رأسها:ايه ده يعنى مفيش حرامى
ليان مربعة يديها وناظرة لمهاب بتحدى:لا
ندى وهى تلقى السلام على الحاج محمد:إزيك يا عمو
الحاج محمد:الحم.......
ندى مقاطعة:انت مين
الحاج محمد وهو يقف بجوارها:فرحينى يا بنتى وقوليلى إن معتش حد غيركوا
ندى:هو انت فطرت يا عمو ولا أعملك فطار
الحاج محمد وهو ينظر للسماء: رحمتك يا رب
ندى وهى تنادى بعلو صوتها:ماياااااااااا
مايا وهى تحمل شومة:أيوااااا انا جيت أهو يا ندااااا ها لقتيه
الحاج محمد:يادى النيلة
ندى وهى تجذبها بجوار الحاج محمد:تعالى...تعالى مفيش حرامى ولا حاجة ده واحد عمو أبو جلابية كده لقيته قاعد هنا بس باين عليه سكر أوى
مايا:ايوة مين ده يعنى
ثم نظرت له:لمؤاخذة يعنى يا حاج
الحاج محمد بصوت عالى جدا وبعصبية شديدة:أنا الزفت أبو جلابية....أقصد الحاج محمد اللى جدكوا باعته عشان يوصلكوا للأرض اللى هتتنيلوا تتحرقوا فيها بجاز
سليم وهو يقف ويوقف أحمد من على الأرض:نعم
الحاج محمد وهو يرحل:وقسما بالله كلمة زيادة من أى حد فيكوا لأكون جايب الكورباج بتاعى اللى بضرب بيه الحمير ومنسله على جتتكوا
ثم رحل وهو يبرطم:قلة رباية وسفالة وقال انا أبو جلابية قال ده الواد بيستخبى في الجلابية شبه القراضة وبيقول على ابن عمه انه متحرش ده كان ناقص يخش في الكالسون