"اللى ربى بتاع مربى" 😉🙄

حلقاتك برجالاتك😂🥺

فى تلك المساحة الخضراء التي
اعتاد هؤلاء القدوم إليها
عقابا على تمردهم و قلة أدبهم
اجتمعوا على شكل دائرة صغيرة على صراخ ذلك المدعو مازن
ليصرخوا وراءه جميعا
فهى مفاجأة،صدمة،مصيبة،مسؤلية
ترى من أين جاءت الأقدار بتلك ال.........

مايا وهى تنظر وسط الحشائش: يا خبر ايه ده
مازن وهو يلتقطها:ايه النونو الحلو القلبوظ ده...ده حلو أوى
منة بيأس:حلو أوى ايه احنا في مصيبة
مازن وهو يحمل طفلة وجدوها وسط الحشائش ويهدهدها:قمراية بقبوظة وكرشها مدلل مترين يا إخواتى
خالد:بنت دى ولا ولد طيب
مايا بضيق:ايه الأسئلة دى
خالد ببسمة مستفزة:سؤال عادى وطبيعى يعنى
مهاب:ريح نفسك انت وهى بنت عشان في ودنها حلق
سليم مازحا: ههههههههه 😂 يا خسارة
مراد بضحك:و بعدين يا عم منك ليه 😂
سليم:الله طب ما انت حلو أهو و بتعرف تهزر
مراد بجمود:مش على طول يا حبيبي
فنظر له سليم نظرة ثاقبة
مازن وهو يحملها:يا غتى نونة صغنتوتة يا روحى يا روحى
الحاج محمد:اتصلوا على جدكوا بسرعة عشان نشوف العيلة دى بنت مين
منة وهى تلاعبها مع مازن: يا ترى الصغنونة دى ايه اللي جابها هنا
مازن ببلاهة:بدرى مش كده
سليم: بدرى ايه و متأخر ايه متشلناش يا حبيبي
ليان لمازن: والله لولا إنك شايلها كنت فطستك ولفظت آخر أنفاسك الأخيرة
مازن بجمود مضحك:بس يا بت بدل ما أخليها تعضك
ليان متخصرة:ليه هى كلب دى طفلة صغيرة
ندى بصوت باكى:مين اللي يجيله قلبه يرمى البيبى القمر ده وسط أراضى الناس كده
مراد وهو يمسك الهاتف:أنا هتصل على جدو
الحاج محمد:أيوة كده يا ابنى لحسن دى حاجة مش سهلة و فيها مسؤلية

فبدأت الطفلة بالصراخ ففزع مازن وألقاها لخالد 😂
خالد وهو يمسكها بتوتر:طي...طيب بتعيط من...ايه دى...حد ياخدها منى...انا خايف
أحمد وهو يكتم أذناه:ده بس اللى كان ناقص....انا مش عارف أعيش معاكوا عادى زى الناس ليه دوشة دوشة دوشة
منة وهى تضربه على يداه الموضوعة في أذنه: يا أخى متقرفناش بقى ووطى صوتك عشان البنت متتسرعش
أحمد بضيق:يوووه بقى يا منة ما انتى عارفة إنى مش بحب الدوشة
مراد:انت لو جيت تبص تلاقيك أكتر واحد مزهقنا والله يا أحمد
أحمد:قصر معايا يا مراد
سليم وهو يقف ما بينهما: خلاص بقى بطلوا شغل العيال ده احنا كبار ميصحش كده
مراد لسليم:قوله
سليم لمراد:مراد انا هسكته ولا هسكتك ده انت حتى أعقل واحد فينا
مراد بتفاجأ:بجد والله
سليم:بجد ايه؟
مراد:ده رأيك فيا
أحمد بهدوء:ده غالبا رأى الكل فيك
فنظر له مراد بعدم تصديق
أحمد:متبصش كده مش معنى إن بتخانق معاك يبقى مقولش كلمة حق فيك
مراد وهو يضع يده على كتف أحمد:شكرا
أحمد وهو ينظر لكف مراد:العفو
ليان لمازن بحماس:ارقصلها يا مازن عشان تسكت
مازن:نعم يا أختى...هو انتوا مشغلنى و هتقبضوا عليا ولا إيه
ليان:لا جايبينك من السيرك يا ظريف
مازن وهو يرفع اصبعه في وجهها بحدة:احترمى نفسك يا ولية انا بقولك أهو...قال رقص قال
ندى لليان:أطبله يا ليان عشان يرضى
مازن لمهاب:سكت أختك بدل ما ألوشها في وشها أخليه وشين قد بعض
مهاب باستفزاز:لا أختى و تقول اللى هى عايزاه
مازن وهو يخلع شبشبه:طب والله اللى هيقرب منى و يطلب الحاجات البطالة دى لبشبشب أمى ده و على بوزه لحد ما خليه شبه البطاطس المحمرة
ندى لمهاب:هو زعلان كده ليه يا مهاب ده انا حتى كنت هجيبله بتاعة بترن كده مش فاكرة اسمها ايه
مازن بصدمة وهو يضرب نفسه بالشبشب:صاجات...عاوز تلبسينى صاجات
أحمد لمراد:سيبك انت منهم واتصل
مراد بحيرة:تليفونى مش لاقط شبكة
خالد بخوف:البنت...أنا...انا خايف
سليم:خايف من ايه يا ابنى هى هتاخد روحك دى طفلة بتاع تلات شهور
خالد وهو يمسكها جيدا:لا خايف تقع منى...أنا...انا بجد مش بعرف... أتعامل معاهم
منة لليان بهمس:مالها مايا
ليان وهى تنظر لمنة:مالها
منة بهمس:واقفة متنحة قصاد خالد و مبتتحركش
ليان بهمس و حماس:مش قولتيلك حلوين أوى مع بعض زى الروايات اللى بقراها
منة بيأس:مفيش فايدة فيكى والله
ليان بهمس: يا بنتى مش شايفاها عاملة قصاده إزاى
منة بزعل:دى حالتها صعبة خالص
ليان بنفس الزعل:أوى يا حرام...منة احنا لازم نساعدها
منة بهمس:إن شاءالله....هزيها كده بدل ما هى متنحة قصاده عشان محدش ياخد باله إنها مركزة معاه 
ليان بهمس:ماشى