"اللى ربى بتاع مربى" 😉🙄

حسنة قليلة تمنع بلاوي كتيره 😂

أمام تلك المدرسة
و عند انتهاء اليوم الدراسي
تقدمت تلك الشابة الجميلة ذات الست وعشرون عاما
لتأخذ طفلها من المدرسة
نعم هى صغيرة في السن
فلقد تزوجت في سن مبكرة و أنجبت
ذلك الطفل اللطيف الذى يدعى يزن
لديها زوج من العيون السوداء تلمعان لمعة براقة
متوسطه الطول تحب ارتداء الكعبين
والذى يميزها بحق هى مشيتها التى تشبه
عارضات الازياء بشدة

مروة وهى تقترب من وائل (فرد الأمن):فين يزن
وائل وهو ينادى عليه من داخل غرفته الصغيرة أمام المدرسة:يزن تعالى عشان مامتك
يزن وهو يجرى على والدته:مامى...أن...أنا جيت أهو يا مامى
مروة وهى تمسكه من يده:انت كويس يا حبيبي
يزن ببراءة:أيوة
مروة وهى تنزل لمستواه:انت أكلت سندوتشاتك كلها
يزن بارتباك:أيوة...بس...بس
مروة وهى تمسد على شعره بهدوء:بس ايه يا يزن متخافش
يزن:بس مستر أحمد إدالى ش......
مروة بقلق و توتر:إدالك ايه....عمل فيك ايه انطق بسرعة
يزن بصوت باكى:ادالى شوكولاته
مروة:إزاى تاخدها منه يا يزن افرض كان عاوز يموتك مش انا قايلالك متاخودش حاجة من حد حتى لو بابى
يزن بدموع:بس مستر أحمد طيب أوى و بيحبنى بجد
مروة وهى تخرج منديل و تمسح له دموعه:اهدى يا روح قلبي...انت عارف إن انا بحبك صح
يزن بدموع:صح
مروة: علشان كده يا حبيبي مش عاوزة حد يإذيك ولا يخطفك ولا يعمل فيك حاجه
يزن بشهقات و بكاء:ماشى ي...يا...يا مامى
مروة وهى تفتح له باب السيارة:يلا اركب علشان نروح للدكتور ونتأكد إنك كويس بعد الشوكولاته اللى أكلتها
يزن بخوف بعدما ركب:بس انا خايف يا امى
مروة وهى تطبطب عليه:معلش يا حبيبي علشان نتأكد إنك كويس
يزن وهو يمسح دموعها:حاضر يا مامى

وعلى مقربة منهم خلف شجرة كبيرة
كان ذلك الشاب
ذو السبع و عشرين عاما 
يختبأ خلف الشجرة
قاصدا ذلك و متعمدا
وقد سمع معظم الكلام و مضمونه
ولم يكفه ذلك
بل خرج تحت أنظار وائل مليئا بورق الشجر
على ملابسه بل و فى شعره أيضا
ملابسه مليئة بالغبار
وقد فزع وائل من هيئته لدرجة أنه
رمى كوب الشاى من يده وأختبأ في مقصورته
مصدرا صوتا كصوت (ولية بتصوت)😂
لكن أحمد لم يأبه له
بل ركب سيارة أجرة كان يحوش ثمن الركوب فيها منذ أسبوع😂
وانطلق وراء تلك المرأة هى و طفلها
يتساءل إلى أين سيأخذه فضوله