"اللى ربى بتاع مربى" 😉🙄

عندما يسقط العظماء

بعد اذان المغرب في وقت شاعري يجلس ذلك الزوج مع زوجته في مكان هادئ للغايه قد حجزه لها اتباعا لأوامر ذلك الطبيب النفسي او لنقل اخصائي العلاقات............

فايزه بفرحة وهي تنظر حولها: ياااااااه المكان تحفة بجد انت حجزت ده كله عشاني
جمال بعلامات تعجب:أومال عشان مجيدة؟
فايزة:فيه إيه يا جمال انت مش عارف تقول كلمة كويسة
جمال متمالكا أعصابه:انتى عارفة إنى بعمل الكلام ده كمحاولة منى إننا كويسين لكن الطريقة دى مش طريقتى
فايزه وهى تمسك بيده فجاه: حبيبي انا بحبك في كل حالاتك
جمال بدهشة:نعم
فايزة ببسمة:زى ما سمعت انا بحبك في كل حالاتك وعمر ما قلبى طاوعنى أبعد عنك ابدا
جمال وهو يضغط على يدها برفق:تعرفى إنى مسمعتش الكلمة دى منك بقالى كتير أوى
فايزة ببسمة ودلال:مكنتش بتدينى فرصة يا حبيبي
جمال ببسمة:بتاكلى بعقلى حلاوة
فايزه بفرحة:يعنى جاب معاك نتيجة ؟
جمال بضحك:اه😂
فايزة بهمس: تسلميلي يا ماما مجيدة
جمال:بتقولى ايه ؟
فايزة:مبقولش يا حبيبي بقول انا فرحانة إن علاقتنا مع الوقت الحمدلله بتكون أحسن
جمال: الحمدلله....بس أنا بقى عاوز اقولك حاجه
فايزة:ايه يا حبيبي
جمال بغيظ:انا مش طايق الدكتور ده وعاوز أقرصه
فايزة بشهقة:تقرصه من لباليبه وفخاده؟
جمال وهو ينظر حوله:لباليب وفخاد ايه ما تخلى بالك من كلامك الناس اللى شغالة في المكان تقول علينا إيه
فايزة وهى تتخصر:يقولوا اللى يقولوه...ايه اللي انت بتفكر فيه ده يا جمال
جمال وهو ينزل يدها من خصرها:جرا إيه يا فايزة انتى عاوزانى أقلب عليكى تانى ولا إيه
فايزة ببلاهة:وحياة ربنا انت غريب جدا
جمال:ما تستنى اما أكمل كلامى الأول وبعدين ابقى استغربى يا حاجة
فايزة:طب قول
جمال:انا مش طايق الطريقة اللى الراجل ده بيعاملنى بيها ده ناقص يجيب خرزانة معاه في جلسة العلاج ويلسعنى بيها لسعتين على فخادى
فايزة ضاحكه بقوه: ههههههههه عشان كده منمر على افخاده😂😂😂 وانا اللى قولت انك انحرفت بصراحة
جمال ببرود:بس يا ماما انتى هتحفلى عليا ولا إيه
فايزة:يعنى إيه تحفلى؟ هنعمل حفلة يعنى
جمال:لا دى كلمة روشة كده لقيت الشباب بيقولوها
فايزة برومانسية:طب ما انت لسه شباب يا قلبى
جمال ببسمة:هو فيه ايه كده
فايزة:فيه إيه
جمال: حاجة غريبة فيكى
فايزة بدلال:حلوة ولا وحشة؟
جمال ناظرا في عيونها:حلوة أوى...حاسس كأنى بشوفك قدامى وانتى فى ثانوى من ايام ما كنا بنحب بعض
فايزة بهمس:يييييس....ييييييس
جمال:انتى بتقولى ايه كده مبسمعوش
فايزة:مب...مبقولش يا عمرى ده انا بس فرحانة أوى بإحساسك ده
جمال:بصى انا الراجل اللي بنروحله ده مطفحنى ومعكنن عليا عيشتى ومش طايق نفسى بسببه...لكن صدقى بقى دلوقتى حالا الوقت اهو عاوز اقوم أبوسه
فايزة بشك:جمال هو من شوية افخاده ودلوقتي عاوز تبوسه؟ مالك كده انا ابتديت اخاف منك بجد
جمال ضاحكا: ههههههههه 😂 لا متخافيش أنا اقصد عاوز أشكره عشان في اللحظة دى بالذات حسيت نفس الأحاسيس اللى كنت بحسها لما بشوفك أيام ثانوى والجامعة نفس اللهفة والحماس والشوق
فايزة:طب فاكر لما كنت بتلكك عشان تقعد تشرحلى واحنا الاتنين كنا فاشلين أكتر من بعض ومكناش بنبقى فاهمين حاجه خالص 😂
جمال:أيوة...وييجوا يسألونا في الآخر مبنبقاش عارفين نجاوب وناخد العلقة التمام😂
فايزه:ايوة فاكر لما بابا مصطفى علقك في الحديدة اللى جمب النجفة وانا اتحبست اسبوع فى البيت مبطلعش بسبب موضوع المذاكرة ده😂😂
جمال:😂😂لا مكانش بسبب المذاكرة كان بسبب إن ماما سمعتنى بقولك إنى بحبك وهتجوزك حتى لو هأكلك من مصروف اللى هو ايامها كان خمسة جنيه تقريبا 😂
فايزة:ايوة صح...بس ده كان مبلغ ساعتها😂😂😂
جمال بتذكر:كانت ايام حلوة أوى
فايزة:أوى...بس تعرف ايه الفرق بينها وبين دلوقتى
جمال:إيه
فايزة:إن انت زمان كنت قريب دلوقتى انت بغض النظر عن فترة العلاج دى انت كنت بعيد
جمال: بصراحة اه...بس برده انتى المفروض عرفتى طبعى وإنى يعنى مش بتاع الكلام الحلو
فايزة بتنهيدة: والله ولا الأفعال الحلوة
جمال:نعم؟
فايزة:قصد...قصدى الحمدلله....وروحنا للاستشارى واتحسن وضعنا انا وانت مش ك....مش كده
جمال بهدوء:اه طبعا ولا انتى شايفة إيه
فايزة:شايفة انك حبيبى واحسن راجل في الدنيا
جمال:وانتى كمان مش احسن ست بس ولا احسن زوجة انتى أحسن حبيبة
فايزة وهى تقف وتزغرد فجأة: لولولولولولولولوليليليليليليليليي نطق الأسد اللهم لا حسد🎉🎉🎉
فضحك عليهم العاملين جميعا😂😂 بينما أحرج جمال للغاية😂🤦
جمال وهو يجلسها بحرج:ايه اللي هببتيه ده اترزعى ابو اللى يخرجك أصل في فصل من البيت
فايزة بفرحة: إيه يا جمال انا من حقى أفرح ده انت اول مرة من ١٠ سنين تنطق بكلمة حلوة
جمال وهو ينظر حوله بحرج:ويا ريتنى ما قولت ولا اتنيلت اسكتى
فايزة:اسكت ليه.... ربنا يخليك ليا أزغرط كمان زغروطة
جمال:اعمليها بس عشان أكون فالقك نصين
فايزة بتذمر:فيه إيه يا جيمي الله
جمال:عرفتى بقى انا مبقولكيش كلام حلو ليه
فايزة:ليه يا حبيبي
جمال وهو ينظر للجرسون:الحساب لو سمحت
ثم نظر لها:خلينا نستخبى في بيوتنا بدل الفضايح دى
فايزة:فضايح عشان زغرطت؟ يعنى انت لو مكانى مش هتزغرط
جمال:مكانك مين يا ست انتى متجننيش وتخلينى أطل.......
فايزة مقاطعة:انت بتعمل معايا كده ليه ما انت كنت اتعدلت من شوية....استنى يكونش انا حسدتك؟
جمال: بقولك ايه قومى على العربية عشان نرو...........
فايزة مقاطعة بتفكير: مع اني قلت اللهم لا حسد
جمال وهو ينظر للجرسون:لو سمحت معندكش سم
الجرسون:افندم ؟
جمال:قصدى...بنج...بنج؟
الجرسون:اكيد لا يا فندم
جمال هامسا له:طب معندكش أى حاجة اموت بيها الست دى
الجرسون باستغراب:وعاوز تموتها ليه يا فندم
صاحب المطعم وهو يتدخل بينهما:دى مراته يا غبى
الجرسون:وده معناه ايه يا فندم
صاحب المطعم:ده سبب كافى عشان يموتها يا استاذ
الجرسون:يموتها؟
صاحب المطعم لجمال:معلش يا جمال بيه لسه جديد معانا في الشغل ومش عارفك كويس انت والمدام ده غير انه خاطب الأسبوع اللى فات
جمال وهو ينظر لفايزة التى اندمجت مع الطعام بل وبدأت في الغناء أيضا😂:خاطب الأسبوع اللى فات ؟تمام سيبه هو هيعرف غلطه مع الأيام
صاحب المطعم: ربنا يعين حضرتك يا فندم
جمال بحمحمة:فايزة
فايزة وهى تنظر للطعام:ايوة يا چيمى
جمال: يلا
فايزة منشغلة بتقطيع الطعام: على فين
جمال:لو مبصتليش وركزتى معايا هيبقى عند أمك
فايزة بفرحة وهى تنظر له:بجد هتودينى عندها
جمال بيأس:صبرنى يا رب
فايزة:مالك يا جمال...انت تعبان
جمال:أنا......
فايزة:هل ده معناه إنك مش هتودينى عند ماما النهاردة
جمال:ن...........
فايزة:يلا خليها يوم تانى انا بقول كده بر............
جمال:فايييييييييييزاااااااااا
فايزة بخضة: إيه يا جمال مالك
جمال: على العربية
فايزة وهى تجرى:حاضر حاضر
جمال وهو يضع المال على الطاولة ويرحل: استغفر الله العظيم...انا اللى جبته لنفسى