"اللى ربى بتاع مربى" 😉🙄

حدث ذات ليلة🤫🤦

فى ذلك المنزل الكبير الذي لطالما كان هادئا باستثناء تلك التي كانت تلعب لعبتها المفضلة والتى لم تكن والدتها لترضى عنها أبدا فهى في نظرها لا تليق بفتاتها الجميلة....
فى ذلك المنزل قد تجمع الجد مصطفى وزوجته تيتة مجيدة بابنتهم المدللة وزوجها الكابتن هشام حتى........

تيتة مجيدة وهى تجلس عنوة:عاوزة إيه يا روحى ها
هيام بفرحة:عاوزة أوريكى حاجة حلوة أوى يا مامى
الجد مصطفى:مامى..بقى الزعبولة دى يتقالها يا مامى حكم والله
تيتة مجيدة وهى تلوى فمها بتهكم:زعبولة يا ابن فتحية إن ما قطعت عليك ماية ونور وخليتك تمشى حافى في الشوارع مبقاش أنا مجيدة
جدو مصطفى:أومال هتبقى ايه مجدى😂
تيتة مجيدة:ده انت سقعان
جدو مصطفى ضاحكا: ههههههههه 😂 امك هتبقى راجل يا هيام
هيام لهشام الضاحك منذ البداية 😂:ما تقول حاجه يا هشام انت بتضحك
هشام بصوت خفيض لهيام: ههههههههه دول حلوين اوى بصى كده عاملين إزاى😂
هيام ضاحكة وواضعة يدها على فمها: ههههههههه 😂 طب بس بقى أحسن ياخدوا بالهم 😂
هشام وهيام: بقولك ايه ما تجيبى بوسة وانتى حلوة كده
هيام بكسوف:بس بقى هياخدوا بالهم يقولوا علينا إيه
هشام وهو يمسك يدها:يا حبيبتي والله ما هم واخدين بالهم دى طنط عاوزة تشرحه انتى مش شايفة ولا إيه 😂
هيام بصوت مسموع:هشام بس بقى😂
تيتة مجيدة بانتباه:انت يا واد انت بتقول ايه لبنتى كده
هشام بإحراج:ها
هيام ببسمة:ها ايه رد
هشام:أصل...كنت بق........
جدو مصطفى لتيتة مجيدة:وانتى مالك بيقولها ايه خليكى فى خيبتك ده انتى هم
تيتة مجيدة لجدو:انا هم يا أبو شنب شبه ديل الحرباية
جدو مصطفى وهو يقف:جرا إيه يا ولية هو محدش قادر عليكى ولا إيه
تيتة مجيدة وهى تقف مستندة للعكاز:تعالى خدلك قلمين يا أخويا
جدو مصطفى بعصبية مضحكة:معملتهاش من اربعين سنة هعملها الوقتى
تيتة مجيدة:لا اعملها يلا عشان أبلغ عنك في الكراكون وأقول البيج باشى ييجى ياخدك
هشام باستغراب:بيج باشى هما من أيام الملك ولا إيه
تيتة مجيدة وهى تقترب منه:عاوز إيه ياض
هشام متراجعا:انا آسف كملوا خناق براحتكوا
تيتة مجيدة لهشام:هكمل وانا يعنى هخاف منك
هيام متدخلة: خلاص بقى يا مامى اهدى بقى
جدو مصطفى:ايوة كده شوفى الولية الصعرانة عاوزة تحبسنى وانا مأكلها كفتة النهاردة
تيتة مجيدة:دك سل يقزحك اومال عاوزنى أجوع
جدو مصطفى بصوت عالى:انتى لسانك ده ايه صاروخ
تيتة مجيدة:صاروخ يخش في كرشك يا ابن فتحية
هيام بيأس: يا مامى خلاص بقى
جدو مصطفى واضعا يده على خصره:لا خليها تتهور اما اشوف آخرها فين
تيتة مجيدة وهى تشمر أكمامها:ما بلااااش
جدو مصطفى:لا ورينى يا بنت السحالى
تيتة مجيدة مهددة:هقرصك من فخادك المدلدلة يا راجل بلاش
جدو مصطفى:كده.........
هشام:اهدى يا عمى انت الكبير
جدو مصطفى وتيتة مجيدة:احنا قد بعض
هشام:ايوة يعنى هتبطلوا خناق
الاثنين بعند وكل منهم يستند لعكازه:لا
هيام بانفعال رقيق: يا جماعة اهدوا بقى عشان منة هنا
جدو مصطفى وتيتة مجيدة:منة مين
هيام لهشام:مش انا قايلالهم الحكاية كلها قبل كده
هشام وهو ينظر لهم:بتهيقلى؟
جدو مصطفى وهو يجلس:يعنى هى هنا فعلا
هشام:أيوة يا عمى
تيتة مجيدة:وعاملة إيه ولا شكلها ايه بعد كل اللى حكيتوهلنا
هشام وهيام:هى مين
تيتة مجيدة:اللى جابتكوا
ثم نظرت لجدو مصطفى:عرفت إنى عندى حق
جدو مصطفى بعدم اهتمام:ما علينا يعنى
تيتة مجيدة:ضلالى
جدو مصطفى بعدم اهتمام:ما تنجز منك ليها البت دى حالتها ايه وكويسة ولا لأ
هشام بزعل: والله يا عمى البنت طلعت غلبانة اوى اكتر من ما كنت متخيل مضروبة وعاملة حادثة وهربانة من أهلها
جدو مصطفى:يا ساتر يا رب
تيتة مجيدة بإصرار:احنا لازم نقف جمبها ونساعدها البت دى احنا مش هينفع نسيبها كده
جدو مصطفى:كويس بقيتى بتعرفى تكلمى
تيتة مجيدة:اصلهم ودونى لدكتور أطفال شد لسانى من لغلوغه وظبطهولى كده من عند اللوز وبقيت بعرف اتكلم عقبالك بس تروحله يروح شايل لسانك خالص من عند مريئك كده
جدو مصطفى صارخا:انتى عاوزة ايه منى يا كلبة البرك انتى اعوذ بالله منك كوبة
هيام: والله العظيم هعيط كفاية بقى
جدو مصطفى بعدم اهتمام:سيبكوا انتوا إيه حكاية انها هربت من أهلها دى
تيتة مجيدة:اه صحيح
هيام لهشام:تحكى انت ولا أحكى انا يا روحى
هشام:اللى تحبيه يا حبيبتي
هيام بدلع:بموت فيك يا اتش والله
هشام وهو يقبل رأسها:وانا كمان يا روحى
تيتة وهى تخلع حذائها:خلعوا روحك من جسمك انت وهى يا بعدة بعد الشر
هيام وهى تختبأ هى وهشام: خلاص هنقول يا مامى هنقول
تيتة وهى تلبس الحذاء مرة أخرى:ايوة كده اتربوا فاكرين نفسكوا في مسلسل حب للإيجار ولا إيه
جدو مصطفى:حبك برص
تيتة مجيدة:حبتك عقربة تلوشك وتكومك
جدو مصطفى بسخرية:ما هى حبتنى فعلا هيجرى ايه اكتر من كده
هشام بإنفعال:بصولى هنا بقى الله يكرمكوا عشان اقولكوا كل حاجة
جدو مصطفى:قول يا هشام
ثم نظر لها:قول يا اخويا وخلصنا
تيتة مجيدة وهى تضع يدها على خدها:قسم وسمعنى
هشام بيأس: الحكايه كلها إن البنت مرات باباها صعبة جدا جدا وكانت بتضربها عشان تصرف على نفسها وكانت عاوزاها تتجوز ابنها بالعافية من غير رضاها وإلا هتسجن باباها بوصولات امانة عليه بخمستاشر ألف جنيه تقريباً مش فاكر بالظبط
هيام:أيوة يا بابى ومنة اصلا بتدرس في كلية التجارة وكانت بتشتغل جمب الكلية بس......
جدو مصطفى:بنت جدعة والله....كملى
هيام:بس مرات باباها مكنتش بتخليها تروح الكلية ولا تحضر أصلا
تيتة مجيدة بغيظ:بس لو وقعت في ايدى لأفطسها بنت الجزم القديمة
جدو مصطفى وهو ينظر لها: هيحصل إن شاءالله
تيتة مجيدة: وبعدين يا بت كملى
هشام:مفيش بعد ك......
تيتة مجيدة:انت بت
هشام:لا
تيتة مجيدة:اومال بتفتح بوقك المدور ده ليه
جدو مصطفى:يخربيت اللى يعرفك
تيتة مجيدة بسماجة:إن شاءالله
هشام:المهم يعنى إنها موجودة دلوقتى عندنا جوه بس تعبانة جدا ومحتاجة حد يراعيها لحد ما تخف وبالنسبة لمر.......
تيتة مجيدة لجدو مصطفى:وهو مراد يليق بيها أصلا ولا يكونش عندكوا رأى تانى
جدو مصطفى وهو ينظر لهم: محدش فيهم يسجر يعترض أصلا
هشام:عمى احنا مش معترضين اصلا البنت فعلا جميلة جدا ومكافحة
هيام وهى تنظر لهشام:وكمان بتحب مراد أوى
هشام بابتسامة:طبعا يا حبيبتي ♥️
جدو مصطفى:البنت دى انا لازم أشوفها
هيام وهى تمشى أمامهم:طيب اتفضلوا عشان تتعرفوا عليها
فمشى الثلاثة ورائها
لكن مجيدة امسكت بيد زوجها عنوة
جدو مصطفى ببسمة:الوقتى حبتينى
تيتة مجيدة:مش اوى يعنى
جدو مصطفى بغير تصديق:يا سلام
تيتة مجيدة وهى تعض على شفاهها:اسكت بدل ما يحسدونا
جدو مصطفى وهو يقبل راسها: ههههههههه 😂 ربنا معايا يا رب
تيتة مجيدة:ماشى يا أخويا.... بقولك ايه البت دى احنا لازم نجبلها حقها ونعرف عنها كل حاجة ده حفيدنا برده ولو إنى متاكدة إنها كويسة وخسارة فيه
جدو مصطفى:نفس احساسى والله
تيتة مجيدة وهى تسير ناحية الغرفة: والله وبقيت بتحس كمان
جدو مصطفى:ولية سو
تيتة مجيدة وهى تقف:هو أنا كده ولو ك.....
هشام وهو يدخل وراء هيام التى استأذنت منة أولا:اتفضلوا يا جماعة
تيتة وهى تسبق جدو:هنتفضل طبعا
ثم دفعت هشام:فسح كده
فنظر هشام لجدو مصطفى
جدو مصطفى:ولا كأنك سمعت حاجة
هشام باستسلام:طب اتفضل يا عمى