"اللى ربى بتاع مربى" 😉🙄

اتفاق ولا اختفاء ؟🤔😂

صوت وقوع الملاعق المصطدمة بالأرض من هاتين الفتاتين اللتان تبحقلان في تلك الكارثة الواقفة أمامها ملأ المكان فور سماعهما لتلك القصة....لا لا إنها مداهمة عسكرية بحتة😂..............

منة وندى:ها
مايا:ها ايه؟عكيت أوى أوى يعنى
ليان وهى تقترب منهما ممسكة كتابها:مش أوى يعنى يا  ميوش وربنا هو ما يستاهل إلا كده
مايا ببراءة:شوفتوا
ندى وهى تلتفت لمنة:أخويا ده اللى اتشلفط
منة:اه😂
ندى:so what 😂
منة:بت انتى جرالك ايه ده أخوكى
ندى:ما هو قليل الأدب يا منة وسافل بذمتك يستاهل ولا لأ
منة بيأس:خيبتى فيكوا انتوا التلاتة
ليان وهى تضع الكتاب فوق رأسها: هى خيبة وخيبة قوية فعلا 
منة:انتى يا ماما روحى كملى مذاكرة ملكيش دعوة بوقفة المطبخ بتاعتنا دى
ليان:ما كفاية بقى انا زهقت
مايا:زهقتى ايه امتحاناتك كمان أربع أيام
ليان:يعنى إيه بقى
ندى وهى تقلب عينيها:يعنى تزوقى عجلك عشان هنرش ماية يا ماما
ليان:أوف بقى
ندى وهى تدفعها:ما قولتلك هنرش ماية...انتى ايه سمعك تقيل
مايا لمنة:مالها دى
منة ضاحكة:تقريبا من ساعة ما عرفت إن امير جاى يتغدى معانا وهى بالطريقة دى 😂
مايا ضاحكة:ماله أمير مش عاجبك في ايه يعنى يا ندى😂
ندى:انتى طبعا بتدافعى عنه عشان هيساعدك
مايا باندفاع:لا طبعا ما إن شاءالله عن أهله ما ساعدني الواد زى الفل ومحترم عن أخوكى بصراحة
منة:يخربيت كده انتى مش بتحبيه يا بنتى
مايا:أيوة
منة: خلاص بقى يبقى تقبلى بالأمر الواقع
مايا:أضربه الأول
ندى بغضب بالغ:ما انتى ضربتيه وطلعتى عينه عاوزة إيه تانى يا مفترية انتى 
مايا ضاحكة: ههههههههه 😂 😂 هو أمير عامل معاها كل ده
منة: والله ولا كإنه قاتلها قتيل😂
مايا:تؤتؤ تؤ ده كده دابحها مرتين مرة في العيد الكبير ومرة في العيد الصغير😂
ندى بغضب:ليه عجلة؟ 
ليان من الخارج:حد بيخبط افتحوا الباب...انا بذاكر
منة: دلوقتى بتذاكرى
ليان:اه بذاكر انا ثانوية نيلة وامتحاناتى بعد اربع ايام
منة: يا سلام عليك انت يا واد يا مجتهد
مايا لندى:روحى افتحى يا عجلة انتى
ندى:لا
مايا:روحى يا أمى
ندى:يووووه 
ثم رحلت
مايا لمنة:أصلى بصراحة لو فتحت ولقيت خالد في وشى ه......
خالد وهو يدخل المطبخ ممسكاً رأسه:هتعملى ايه اكتر من كده
مايا بتلقائية:هى بتوجعك؟
خالد وهو ينظر لعينيها بعدم تصديق:ها
مايا بخجل وهى تبعد وجهها للجانب الآخر:مفيش مفيش
ثم خرجت من المطبخ
خالد لمنة:هاتيلى تلج بالله عليكى يا منة
منة بيأس:وليه بس ده كله🤦
خالد:نعم؟
منة وهى تعطيه الثلج:خد واطلع بره متعطلنيش
خالد وهو يأخذ الثلج ويحدث نفسه:هى ضربتنى وخايفة عليا ولا انا اللى بتهيقلى
مازن وهو ينظر له بغرابة:انت بتكلم نفسك ولا إيه
خالد: ليه اتجن.......
مازن وهو يدفعه:أب عدينى كده وانت سادد باب الخيرات في وش اللى جابونى
خالد وهو يكاد يقع:باب ايه؟
مازن وهو يأكل من حلل المطبخ:باب الخيرات...باب المطبخ يا أخويا
خالد وهو ينظر له بغرابة:أموت وأعرف بتودى الأكل ده كله فين
مازن وهو يأخذ الحلة ويجلس في الصالة ويأكل بالمغرفة:بوديه البنك الأهلى بوحشه هناك عشان أورثه لعيالى
منة وهى تضربه بالطاسة فوق رأسه حتى وقعت رأسه في الحلة:أهلى ايه وزمالك إيه يا حرامى يا متلصص
أمير وهو يجلس بجانب سليم: بقولك ايه انتوا مش بتتكلموا
سليم:لا ما هو لسه مأير منى 
أمير بضحكة:كويس برده😂
سليم:لا يا عم بس انا مش راضينى انا عاوز أصالحه برده 
مراد وهو يقف وراء الكنبة فى منتصفهما:أصيل يا سولى
سليم وهو يقف:مايا
مراد:عاوزها في ايه
سليم:عاوز أسأل عن حاجة مهمة اوى
أمير وهو ينظر لخالد:بصوا بصوا كده خالد بيبص ازاى😂
مايا وهى تضع الاطباق على السفرة:عاوز إيه يا سليم
سليم:تعالى
أحمد وهو يشد مخدة مرتكن عليها مهاب:هات دى
مهاب:يقل راحتك يا بعيد
أحمد:ما هى مقلولة يا أخويا من ساعة ما عرفتكوا
ندى:هو انت لحقت تعرفنا ده انت مقضيها نوم من ساعتها 
أمير ببسمة وهمس: يا سكر
مراد:ايه عالى عندك ولا حاجة
أمير وهو ينظر لندى بتفحص:عالى أوى
مراد مطبطبا عليه بقوة:لم نفسك وخدلك راجع عشان انت مش عاجبنى ودى أختى برده تمام
أمير بضيق:ايدك يا مراد فيه إيه الله
مراد:كله بالأصول
أمير:هو أنا ه..كده ولا كده يعنى ده انا هتجوزها يا ميمو 
مراد ببرود رافعا حاجبه:مالك؟
مايا وهى قادمة نحوهم: عاوزين ايه انا مش فاضية
أمير:ليه وراكى إيه
مايا:بنطفحكوا مثلا؟ 
أمير:اه صحيح
ندى:سيبك منهم يا ميوش وتعالى عشان نحط بقية الأكل على السفرة
أمير وهو يحرك شفاعه وينظر لندى ويغمز لها:جامدة😉
فقامت ندى بإسقاط ما فى يدها على الأرض😂😂
منة وهى تضحك: ههههههههه 😂 روحى المطبخ هاتى بقية الحاجات يا نودى😂
خالد وهو يبنظر من النافذة:انا عاوز أرتاح مش قادر أقف على رجلى
مهاب وهو محشور في آخر الكنبة وأحمد مرتكن عليه ونائم:تعالى هنا اترزع جمب أخوك
ليان:الصوت مش عارفه أركز
مهاب:اشمعنا اما نطقت انا يعنى
خالد لمهاب:احترم نفسك يا بابا 
ليان: ربنا يخليك يا خالود
ثم اخرجت لسانها لمهاب😝
مهاب بغضب: خالود ماشى
خالد لمهاب بضحكة وهو يمسك الثلج على رأسه:ايه فيه حاجة
مهاب وهو ينظر لسليم بحذر:لا مفيش يا عم
سليم وهو يقلب عينيه:مايا
مايا: يا ابنى عاوز ايه بقى متطفحنيش
خالد بكره:اكيد عاوزك عشان تخرجوا مع بعض مش كده
مازن:هياكلوا فين
مايا:انا مقول.........
مازن:هروح معاكوا
مايا:بس يا بابا
مازن:ده انتوا شبه جلدة الحنفية... مش عاوزنى اجى ليه...يرضيكوا أجوع واتعرى وانتوا كل واحد فيكوا قد الفلق عايشين على وش الدنيا
سليم:حد قالك اننا فاتحينها سبيل
ندى:سلسبيل مين
مازن:دى حاجة كده خيرية بيجيبوا منها اكل وشرب
ندى بفرحة:بجد 
أمير وهو ينظر لمراد وسليم:لا معلش ايه ده
سليم بهمس: قابل يا برنس
أمير:يعنى أخرتها هاخد شحاتة
مراد بضحك: ههههههههه 😂 آه
امير بتسبيل:بس مزة
مراد بصوت مسموع: وربنا ألبسك الفازة دى فى مخك
أمير: خلاص يا عم بعبر عن رأيى في ايه
مايا:فيه قلة أدب وسفالة
فنظر لها خالد بتفحص من اعلى لاسفل فتوترت مايا بشدة
مايا بهمس لسليم:عاوز إيه انا لازم امشى من هنا
سليم:ليه حد هياكلك
مايا:لا ع... عشان أحط الاكل معاهم
سليم:طب اسمعينى وقوليلى انتى اللى ضربتيه كده مش كده؟😂
مايا باندفاع: بصراحة اه
أمير بضحك: وانا شاهد😂
ليان بزعيق:ابوكوا أروح أتنيل أذاكر فين يعنى
منة وهى توزع الملاعق على السفرة:سيبى القرف ده بقى وقومى كلى محبكتش المذاكرة دلوقتى
ليان:مش انتى كنت لسه قايلالى ملكيش دعوة باللى احنا بنعمله
منة:ايوة بس احنا هناكل واكيد محدش هيبلع مكانك يعنى
مهاب بغيظ:ده اللى ناقص والله
ليان بعدم اهتمام:وايه المشكلة يعنى
ندى وهى تضربها على رأسها:بس يا ماما
مهاب وهو يهز احمد:أحمد...أحمد...ولاااا
أحمد بنعاس:إيه
مهاب: قوم عشان تاكل
مراد وهو يجلس على السفرة:سيبه عشان اما يقوم ميلاقيش اكل ميبقاش ساعتها يقول حاجة
امير وهو يمسك رأس مازن وهو يأكل بيده بشراهة: والله حتى لو جه قعد معانا دلوقتي ما هيلحق حاجة
مازن بألم:اه...ايه شيل ايدك دى يا عم
امير بعند:لا
مازن وهو يمد يده ورأسه على السفرة بفعل يد أمير:أب هات الحتة دى
مهاب وهو يدفع احمد عنه:ده انت لو تمثال...شوف تمثال مهتبقاش تقيل كده
خالد وهو يقف بجانب النافذة:ماشى
ندى:ماشى ايه مالك بتكلم نفسك كده
خالد:مفيش...عدونى كده انا أكل وأخلص عشان أروح أريحلى شوية كده قبل ما انزل تانى
منة:طب هات التلج ده أحسن ساح...وديه المطبخ
مهاب:أبدا.. أبدا
خالد:عاوز إيه
مهاب مشاورا على أحمد الراقد بصمت
خالد ببسمة:وهو كذلك😂
خالد وهو يفتح قربة المياة فوق وجه أحمد:هوووباااا😂😂😂
فانفجر الجميع ضاحكين عليه بشدة😂😂😂😂😂😂
أحمد وهو يقف غاضبا:مين الحيوان اللى عمل كده
خالد:انا عندك مانع
أحمد وهو ينظر له بغضب:انا مش هضربك في دماغك المبطوحة دى...أنا هستنى اما تنام وهعملها فيك بتلج بجد مش شوية ماية بقى
خالد بعند:مبطوحة...طب استنى عليا بس
فضحكت مايا فنظر الكل إليها حتى خالد لكنه نظر بغضب شديد 😂
مايا بحمحمة🙂: احم...ألا...ألا قولى يا أمير كنت بتقول هتخطب قريب م..مش كده
أمير:انا؟
ليان بإدراك:اه قولتلها فاكر...لما كنت آخر مرة هنا
أمير:اه...كنت بفكر كده
خالد وهو يجلس:ايه أى واحدة ولا واحدة معينة
أمير وهو ينظر لندى الخجلة:لا واحدة معينة طبعا
خالد: مقولتليش قبل كده يعنى
أمير بتوتر:لا..ما أنا اكيد هقولك
ليان بلؤم:حلوة
أمير بحالمية:جامدة
سليم بغضب:ما تحترم نفسك يا سافل
خالد:هو فيه ايه انت تعرفها
سليم:أعرفها؟ لا لا وانا هعرفها منين يعنى
خالد:مالك اتنفضت كده ليه
سليم:مفيش.... وبعدين انا مش بكلمك أصلا
خالد: يا سلام يا أخويا يعنى انا اللى هموت وأكلمك
أحمد بهدوء:اه هتموت وتكلمه
خالد:ما تلم لسانك بدل ما ألمك
أحمد:اتنيل ما هو كمان عاوز يكلمك
مهاب: هو انت نطقت ولا انا بيتهيقلى
أحمد وهو يقوم من على السفرة ويذهب ناحية الكنبة:فكرتنى والله
مهاب:بيشرب بنج...عليا الطلاق ده بيشرب بنج
مازن وهو يأكل من طبق ليان:خالد واسمه ايه التانى دهو...اسمه ايه حد يفكرنى
ليان وهى تضربه على يده:اسمه أخوك...اسمه اخوك يا كرش طالعله بنى آدم
مازن:اه واخويا اللى طالعله بنى آدم
مراد:انت عاوز ايه يالا ابو شكلك
مازن:عاوز أقولهم اتصالحوا يلا انتوا الاتنين عشان نخلص من التمثيلية الحمضانة دى
ثم ضرب مراد على يده: وابعد ايدك عن الكفته بتاعتي
مراد بألم:اه
مازن بلهجة مختلفة: وجع بيدك قليل الترباية لك ولى 
خالد وهو ينظر بغضب لسليم: تمثيلية ؟
سليم وهو يطقطق رقبته:وحمضانة؟
مازن وهو يشرب من دورق العصير: اه