"اللى ربى بتاع مربى" 😉🙄

ذهب ولم.......🤷🏃

فى مشهد مهيب خرج الكل من غرفهم يهرعون إلى..............
ثانية واحدة كده هما الحقيقة مش عارفين ايه اللي بيحصل ولا رايحين على فين
كل اللى يعرفوه إن فيه جرس زى بتاع الحريق ضرب وأوضهم اتفتحت فجأة وطلعوا يجروا زى المجانين على باب الله 😂🤦

فى الصالة تحت الكل اتجمعوا وقاعدين يتلفتوا حوالين بعض وحوالين نفسهم وبيبصوا لكل الاتجاهات في قلق مش مطمنين ممكن يحصلهم إيه😂
ليان بقلق:هو ايه اللي بيحصل ده
خالد بهزار:جبانة
سليم لخالد بصوت جهورى:خالد ملكش دعوة بأختى
خالد بضحك:ليه هى بتعض😂
أحمد بهدوء:لا بس احنا اللى بنعض
خالد بروقان وهو ينظر للسقف:على نفسكوا
مهاب بغضب:ما تخرسوا بقى انتوا ايه مبتبطلوش
ليان بغيظ: والله قول لأخوك يخليه في حاله الأول
مهاب وهو ينظر لها من فوق لتحت:والله
ليان وهى تنظر للسقف:استغفر الله العظيم
مايا بملل:مش كنا هنام ونخلص من اللى احنا فيه ده.....هو فيه ايه بقى
مازن للجميع:ممكن أقول حاجة
الكل:لا
مازن:طيب....أنا مش فاهم حاجه
خالد:غيره
مازن:يعنى إيه
خالد:يعنى من امتى بتفهم يا مازن يا حبيبي
مازن وهو يختبأ وراء أحمد:حبيبى.....ياما
أحمد وهو يتخلص منه بزهق:أب...أبو شكلك ابعد كده..... خايف من ايه
مازن وهو ينظر لخالد بمزاح وخوف:الواد ده متحرش
سليم بعقل:بطل تفاهة يا زفت انت بقى
مايا وهى تنظر بغيظ لخالد:سيبه هو عنده حق باين عليه متحرش فعلا
خالد وهو يضع يديه فى جيبه بثقة:راجل
مايا وهى تقترب منه بغضب شديد:على الأقل...........
ندى صارخة: باااااااااااااس انتوا ايه اخرسوا بقى هو ده وقته مش أما نفهم الحزن والوكسة اللى احنا فيها دى وبعدين ابقوا اقتلوا بعض ايه القرف ده
مازن وهو ينظر لهم: صحيح ايه القرف ده
ندى:نعم انت كمان
مازن بجدية مضحكة:هم يا ندى يا أختى بقى سايبنا كدهون من غير عشا ده تسيب وإهمال
فنظر له الجميع بيأس 🤦
ثم نادى بصوت عالى:انت يا راجل ياللى اسمك بابا جدو......انتى يا تيتة انتوا ياللى خاطفنا أنا جعااااااااان انتوا ايه معندكوش قلب يحس بالفقراء والمساكين
مهاب بقرف:قصدك الشحاتين
مازن وهو يردح:شحاتين شحاتين يا أخويا احنا لاقيين حد يسأل فينا
ثم نادى بصوت أعلى:بقى مازن ابن أبو مازن و...........
خالد لندى ضاحكا:مش أبو مازن ده بتاع شاورما باين😂
مايا:خليك انت كده اتريق على خلق الله وانت فيك العبر
خالد ضاحكا: ههههههههه 😂 😂 اهدى بس كده على نفسك يا عم الحاج
مايا بغضب:طيب والله ل..........
مازن وهو يصعد ليقف على السفرة:اخرسوا.....هو أنا كنت واقف فين
ليان:تحت جمبنا هنا
مازن وهو يضع يديه فى خصره:لا يا بت في الخطبة بتاعتى
ليان بعدم اهتمام: عند أبو مازن باين؟
مازن وهو يكمل:آه إزاى يجيلهم كبد يبيتوا مازن ابن أبو مازن وأم مازن على معدة فاضية
احمد وهو ينظر له:انزل يا زوما انزل يا حبيبي
مازن:لا لازم أعلمهم كيفية التعامل مع الناس اللى زى
أحمد:بس يا بابا
مازن:لا ها
أحمد بتحول غريب:انزل يا مازن بدل......
مازن مسرعا بالنزول:نزلت أهو....خرابى عليك يا واد يا أبو حميد
ندى باستغراب:هو قلب كده إزاى
مايا:مش عارفه مع انه شكله هادى يعنى
ليان:أحمد متنكوشيهوش
مايا:واريڤر يعن...............
مازن بصوت عالى:الحرييييييييييقااااااااا
سليم وهو يفك حزامه فجأة:حريييقة ايه الله يحرقك
مازن وهو يختبأ تحت السفرة:ايه يا سليم يا حبيبى مش فيه جرس رن
سليم وهو يمسك الحزام:آه وبعدين 
مازن وهو يخرج رأسه من تحت السفرة بحذر:طيب يبقى المفروض فيه حريقة ده أنا نازل على أساس إننا هنولع وهيبقى فيه مطافى فين المطافى والخراطيم الكبيرة دى
سليم وهو يشد يده:طب أطلع
مازن:ها
سليم وهو يشده: أطلع بقى
خالد:عشان تعرفوا بس أنا قاعد مع مين في الأوضة
ندى: خلاص يا خالد بقى
خالد:انتى معاهم ولا إيه
ندى بقرف:لا معاك ولا معاهم انا مبحبش المشاكل خلينا نتنيل نطلع من التدبيسة دى على خير
مايا:صح مالوش لازمه الرغ...........
مازن:فين الخراطيم
الكل:يييييييييييه
مازن: يا جماعة خراطيم المطافى ده أنا كنت ناوى أبلبط كده أصلى عندى كيف أستحمى بخراطيم الم............
وفقد الوعى............
فى ذلك الوقت تفاجأ الجميع بتيتة مجيدة وهى تدب سلاحهها الشهير(الطاسة) على رأس مازن
ولكن لحسن الحظ استيقظ مرة أخرى
فتيتة مجيدة تسكت أبدا راحت دباه تانى فأغمى عليه تانى أو تالت أيهما أقرب😂
مجيدة: الحمدلله مات بعد الشر عليه
مهاب بصوت منخفض:يا رب البتاعة اللى فى ايدك دى تضيع
مجيدة وهى تجلس على كرسى مقابل لهم:والحلة على البابور عشى عيالك
الكل:إيه
مجيدة مدندنة:وأنا رايحة بيت أبويا مش راجعالك
أحمد بتمالك أعصاب:تيتة متعصبيناش بقى
مجيدة وهى تمسك شعر مازن الملقى بجانبها على الأرض:ونحلو بإيه........
مهاب بصوت منخفض:والسكر على
خالد:مهاب انت اتجننت
مايا بإندفاع:أيوة غلى يا تيتة نعمله ايه يعنى خلصينا
مجيدة وهى تلقى برأس مازن جانبا:على الزوراعية يا رب أجابل حبيبى
مهاب:ما تقابليه يا حاجة انتى عاملة مشكلة ليه
أوف
مصطفى وهو يأتى من ورائها:شلتيهم ولا لسه
خالد:لا فقعتلنا المرارة بس
جدو مصطفى:اخرس خالص أنا وجهتلك كلام يا حيوان
خالد بنرفزة:أنا مش حيوان يا جدو
جدو مصطفى وهو يضربه على وجهه:اخرس يا قليل الأدب انت بترد عليا
خالد بغضب: حضرتك....حضرتك....
ثم أدار وجهه للجانب الآخر:استغفر الله العظيم
مصطفى:أصلكوا متربتوش وأنا اللى هربيكوا يا شوية حيوانات
ليان:جدو احنا كلنا متربيين كويس ومش هنقبل من حضرتك المعاملة دى
مايا:صح ولا انت أبونا ولا أمنا عشان ت...........
فقام الجد مصطفى بصفعها هى الأخرى
جدو مصطفى:اخرسى اسمها حضرتك مش انت انتوا لو جايين من الشارع هتبقوا متربيين عن كده.....أنا جدكوا وأولى بتربيتكوا بدام ما اتربيتوش يا شوية كلاب حاولت كتير أعاملكوا زى البنى آدمين وانتوا مصرين تبقوا حيوانات
مايا بعنف:ويا ترى بقى مراد اخويا فين وحابسه ليه
مجيدة:قليلة الأدب شكلك عاوزة تتحبسى معاه
مصطفى وهو ينظر لمايا بقسوة:لا دى ليها تدبير تانى
ثم نظر لهم جميعا:اللى يرد بعد كده يرد بأدب فيه حاجة اسمها حضرتك يا جدو وحضرتك يا تيتة وبعد كده المعاملة بالمثل القلمين اللى اخدهم خالد ومايا دول البداية بس واللى يطلب حاجة يطلبها بأدب سامعين
الكل بزهق:سامعين
جدو مصطفى:فيه حاجة تانية لازم تتعلموها اسمها سياسة الاعتذار اسمها إيه
الكل:سياسة الاعتذار
جدو مصطفى:يعنى اللى يغلط يعتذر سواء لشخص كبير أو صغير فهمتوا
مهاب: وربنا فهمنا يا حاجوج جعانين بقى
مجيدة لمازن:دك حش وسطك وانت منقرض خلقة
مهاب بصوت منخفض:هى الولية دى قارشة ملحتى كده ليه أعوذ بالله منك
مجيدة:بتبرطم في ايه يا عبد
مهاب:مفيش أتيتة
سليم للجد:هو انت....قصدى حضرتك يعنى كنت نادهلنا ليه
مجيدة:عشان كيفه كده
مهاب للجدة:هو انتى قريبة البت سوكة العبيطة
مجيدة وهى تلقى عليه حذائها:أيوة تبقى بنت جوز أمى.......آه يا قليل الرباية
مصطفى وهو يمسك مهاب من ياقته:انت والحوش دول على المطبخ ومسمعش نفس حد فيكوا
أحمد:هو ده اللى حضرتك عاوزه مننا
مصطفى:أيوة مش انتوا جعانين
الكل:آه
مصطفى:يبقى على المطبخ يالا مستنين إيه
مازن وهو يستيقظ اثر الضربة:م....مطبخ....أنااااااا
مجيدة وهى تنظر له وهو ممد تحت قدميها:وخدوا الجثة دى معاكوا
جدو مصطفى:لسه واقفين ليه 
ندى:يعنى هتخلينا نعمل اكل بجد لنفسنا
جدو مصطفى:أيوة
ندى:لا انت بتهزر بجد
جدو مصطفى لندى:بنت اتربى
ليان واقفة امام ندى:متقصدش يا جدو احنا بس متعودناش على كده واى حاجة بنعوزها بنطلبها من بره
أحمد:أيوة ولا حضرتك كمان هتجبرنا على نظام معين مش كفاية اللى احنا كنا عايشين فيه
مجيدة نظرت لمصطفى نظرة مختلفة لكنه تمالك نفسه حتى يكمل تلك المحادثة معهم
جدو مصطفى:بلا كلام فارغ واللى قولته يتنفذ ومن غير مناقشة
سليم وهو ينظر لاخوته:مش قولتلكوا ويبقى الوضع كما هو عليه
جدو مصطفى:ولد......احترم نفسك
سليم بنظرة ثاقبة:حاضر
ندى باعتراض: يا جدو احنا متعودناش ندخل المطبخ ولا نعمل الأكل لنفسنا احنا أصلا مش بنحب أكل البيت وبعدين انا مش هخش المطبخ واعمل أكل وضوافرى تتكسر ماليش دعوه انا عاوزة أكل من بره
مجيدة وهى تدفع أحمد من أمامها:عدى كده وانت قد اللوح........ليه يا نوغة تكونيش فاكرة نفسك السفيرة عزيزة ولما تتجوزى هتقولى لجوزك إيه ابقى اطلبلى أكل من بره أصلى فاشلة ومبعرفش أطبخ
ندى باعتراض:يووووووووه بقى انا مش هبهدل نفسى واللى بتطلبوه ده مستحيل
مجيدة:واما أسحلك من شعرك الأشقر ده يا بت انتى وأمسك بيكى البلاط هيبقى مستحيل برده
مازن وهو يمسك رأسه:جبارة يا ولية والله
مجيدة وهى تحدف الحذاء الآخر في وجهه:أول مرة أشوف برص بيتكلم
أحمد:بقولكوا إيه حتى لو البنات هيخشوا المطبخ احنا ندخل ليه طب هما بنات احنا مالنا احنا
جدو مصطفى:سمعنى تانى كده انت قولت ايه
أحمد بشجاعة:بقول لحضرتك احنا رجالة وهما بنات
جدو مصطفى وهو يدور حوله:آه وده معناه إنك متخشش المطبخ مش كده
أحمد: بالظبط كده
خالد: صح احنا الأكل يجيلنا على الجاهز
مايا :انت حيوان انت وهو والله
خالد بتحدى:انتوا فاكرنا زيكوا ولا إيه
مايا:لا أحسن منكوا وجزمنا فوق دماغكوا
خالد بضحكة مستفزة: ههههههههه 😂 ولا ليه لازمة كلامك بالنسبالى
ليان:انتوا مجانين بقى
خالد:فوقى يا ليان من وهم الاسترونج وومن والكلام العبيط بتاعكوا ده
سليم:صح مش احنا يا ماما.....وبغص النظ.......
جدو مصطفى وهو يضع يديه خلف ظهره بحزم:حلو أوى أوى الكلام ده
مهاب:ايه هتسيبنا نطلب أكل من بره
مجيدة وهى تحاول الوقوف وتنظر لزوجها:أبرك عليهم اموتهم الوقتى
جدو مصطفى:لا استنى شويه بعد الأكل.....انا ممكن الوقتى اطلب الاكل ومفيش أكتر من الفلوس بس هل كل واحد فيكوا مقتنع بكلامه ده
الكل:أيوة
جدو مصطفى مشاورا على البنات:يعنى انتوا مقتنعين إنكوا مش عاوزين تتبهدلوا وتعملوا حاجة لنفسكوا وإن الأكل لازم يجيلكوا لحد عندكوا
ثم شاور على الأولاد:وانتوا مقتنعين إنها مش مهمتكوا وانتوا عشان رجالة تبقوا أحسن من الستات وتستحقوا تتخدموا
طب اسمعونى بقى الرسول عليه الصلاة والسلام....صلوا عليه
الكل:عليه الصلاة والسلام
الجد: الرسول صلى الله عليه وسلم كان بيساعد أهل بيته وهو اشرف الخلق كان بيقدر الست وإنها بتتعب ووصانا إحنا الرجال عليهم وقال رفقا بالقوارير واحنا المفروض منحسش إننا مفضلين عليهم بالطريقة اللى مش كويسة دى الرجل له القوامة لإنه المفروض يتولى أمور بيته ويحمى زوجته وأولاده انتوا فاهمين الدنيا غلط
اما بالنسبة للبنات افرض..........
مجيدة:سيبنى ياض انا اللى هنصحهم
جدو مصطفى:ياض....وانا اللى عمال اقولهم قول حضرتك ونيلة فوق دماغك....قولى يا أختى
مجيدة وهى تنظر لهم: المفروض البت منكوا تبقى شاطرة ولهلوبة في شغل البيت لأجل إنها متشمتش حد فيها فاهمين
ليان ومايا وندى:لا
مجيدة: دى النيلة أقصد يعنى ٱنها هتبقى جوزة وعندها جوز هتطبخله ايه الهوا ولا تقوله خد المحشى استوى
مايا:هو ايه أصله ده
مجيدة:يعنى يا بهايم يا تيران هيبقى عندكوا بيت ومسؤليات لازم تتحملوها مش قصدى على الطبيخ بس وافرضوا اتغربتوا هتقولوا ايه عاوزين مامى تعملنا ولا هتعدوا تعيطوا
ليان:لا هنطلب برده أكل من بره
ندى ومايا:صح
مجيدة:صح في عينك انتى وهيا اومال انا لسانى اتشوى في ايه من امبارح
مازن:انتى عاوزة منهم ايه يا تيتة.
مجيدة بنظرة سمجة:تخليك في خيبتك القوية
مازن:هشوف
مجيدة وهى تنظر للبنات:وافرضوا فلوسكوا خلصت ولا افتقرتوا تعملوا ايه تشحتوا ولا تتعملوا تشيلوا المسؤلية
مايا وندى وليان:ها
مجيدة:واد أمحسن هاتلى الط.......
البنات:خلا... خلاص خلاص فهمنا
مجيدة:ايوة كده ناس متجيش غير بالجزمة
جدو مصطفى: ودلوقتي على المطبخ وإلا هدور فيكوا الضرب ومش هعيد كلامى تانى
مايا:برده حضرتك بتطلب المستحيل
جدو مصطفى:كده يعنى
الكل:طبعا
الجد:بهاااااااااااااااء الحزام من جوه
مازن بتوتر:ل...لا بالله ع...بالله عليك بهاء لا
ثم كلم الجميع:يلا على المطبخ....يلا.....يلا انتوا لسه هتنحوا
ثم رحلوا
مجيدة لمصطفى بعد رحيلهم:ما براحة شوية على العيال يا ابو عضم مسوس انت اعمل لأخرتك يا راجل
جدو مصطفى:يا ولية حلى عنى بقى سيبينى أربيهم بطريقتى
مجيدة:أسيبك تجوعهم وتموتهم يعنى حكما دول أحفادى طلعوا ولا نزلوا أحفادى
جدو مصطفى:وانا أقول الابتلاء ده جايلنا منين
مجيدة بتفكير:منين يا ترى
جدو مصطفى:ارحمنى منها يا رب عاملة زى الأتب
مجيدة وهى تستند على عكازها:حاكم انا كنت بلعب جمباز يعنى ممكن أتجمبز عليك أموتك
جدو مصطفى:أيوة ما انا عارف بالأمارة لما كان فيه حرامى داخل علينا واستخبيتى ولما قفشك قولتيلوا جوزى نايم في الأوضة اللى تحت ومهوش دارى موته ونهرب سوا ساعتها لا شوفت جمباز ولا باليه شوفت واطيانتك بس  يا ولية يا واطئة
مجيدة وهى تنظر له بحدة:انا واطية يا اللى ب.............
جدو مصطفى:بهااااااااااااااء
مجيدة: لا بهاء ده على نفسه ده أنا أموتك انت وهو ببيرسول يا حبيب تيزة
جدو مصطفى وهو ينظر لبهاء بملل:انده لمراد خليه ينزل مع اخواته
بهاء: حاضر يا مصطفى بيه