"اللى ربى بتاع مربى" 😉🙄

باك تو هوم😂❤️

صمت ساد المكان فور ما نطق به مراد
جعل الجميع متسمرين في اماكنهم تروح على وجوههم نظرات غريبه توحي بعدم الفهم لكن نظرات احمد كانت غاضبه اكثر من انها نظرات لا تعي ماذا يحدث..........

مراد وهو يمسك الاوراق وينظر لمروه: ردي عليا اما اسالك الورق ده بيعمل معاكي ايه
أحمد بغضب: مراد اتكلم معاها بطريقه كويسه متخلنيش اخسرك 
مازن وهو يشد الاوراق من مراد: لا سيبه يا احمد حقه يعمل اكتر من كده
ثم نظر لمروة:آخر واحدة توقعت انها ممكن تعمل فينا كده
أحمد وهو يقف امامهم بغضب:اقسم بالله العظيم كلمة واحدة تتقلها متدخلش مزاجى اقلب عليكوا كلكوا
جمال بغضب وهو يمسكه من ياقته: ولا انت هتفك عقلك علينا ولا إيه
أحمد مشاورا عليهم:منتاش شايفهم يا بابا بيعملوا فيها ايه وانا واقف ولا كإنها سارقة منهم حاجة
مراد:ايوة طبعا سرقت 
أكرم:اتكلم كويس يا مراد واحترم إننا ناس كبار ودى هتبقى مرات أخوك
مازن وهو يعرض عليه الورق امام ناظريه:الحقيقة يا عمو أكرم إن مراد بيتكلم صح حضرتك عارف الورق ده بتاع إيه...دول تلات عقود كل عقد فيهم بتلاتة مليون جنيه
تيتة مجيدة بهمس للجد:ما تعمل حاجة يا راجل
جدو مصطفى بوجه جامد:اهدى يا مجيدة
تيتة مجيدة بغضب:انت حر 
جمال:أنا مش عاوز اسمع حاجة ولا أى مبرر لقلة ادبكوا مع البنت
مازن:ازاى بقى والعقود دى اختفت من الشركة بقدرة قادر ومحدش عرف عنها حاجه
مراد:صح وده كله حصل بعد ما ودينا العقود تتراجع في الشئون القانونية للشركة اللى  أستاذة مروة مسؤلة عنها 
أحمد لمروة:مروة الكلاك ده مظبوط
فنظرت له بحيرة ثم نظرت لأسفل ولم ترد عليه
احمد موسعاً عينيه: يعني ايه بقى يعني الكلام اللي بيقوله صح انت اللي سرقتي العقود دي
مروة:أحمد...أنا....
خالد: ايه ده يا احمد اكيد في.....
ثم نظر لمايا: سوء تفاهم 
فأمسكت مايا أصابعها بتوتر ونظرت لأسفل
نهال وهى تحتضن مروه: انت زي بنوتي بالظبط وقلبي مبيكذبش عليا لما بيقولى انك معملتيش كده... اكيد في حاجه غلط
ثم نظرت للجميع: مش كده يا جماعه
فايزة:كده يا نهال
في ذلك الوقت دخلت هيام وزوجها هشام....
هيام ملاحظه الهم على وجوههم: ايه يا جماعه مالكوا كده
فلم يرد عليها احد
هيام لهشام: هو في ايه يا حبيبي ومالهم كده
هشام: مش عارف والله يا حبيبتي
ثم نظر الجد:هو فيه ايه يا عمى
تيتة مجيدة بغضب: جرى ايه يا ابن الجاموسة انت منتاش شايفني واقفه ولا ايه
هشام بزهق: حضرتك عاوزه حاجه مني 
تيتة مجيدة وهى تستند على الجد وتلتقط حذائها:استنى عليا يا ابن الجزمة افوقلك بس
هشام وهو يتراجع خطوه للوراء: هو أنا عملت لحضرتك حاجة اصلا
هيام بتذمر: صحيح يا مامي هو عمللك ايه يعني
أحمد ممسكا بيد مروة بعنف:اعرف بس هى عملت إيه الاول
هشام بغضب: فيه إيه ومين دى وماسكها كده ليه يا ولد
مراد: سيبه يا بابا هو عنده حق
هاجر بغضب:لا معندوش حق يا عمو
هيام وهي تحتضنها برقه: هاي هجوره ما تضايقيش نفسك كده يا حبيبتي ان شاء الله كل حاجه هتبقى تمام
ندى:لحقتى تتعرفى على هاجر يا انطى
هيام:طبعا ما أنا جيت لنهال أنا واتش حبيبي قبل كده واتعرفنا عليها
اكرم:يعنى انتى كمان يا هيام كنت عارفه مكانها انتى وجوزك ومحدش فيكوا قالى
أمير: يا جماعة اهدوا كده عاوزين نحل مشكلة البنت الاول
اكرم بجمود وهو يخرج سلاحه: نسيت نفسك ولا ايه يا حضره الظابط
أمير بانتباه:ها...
ثم بلع ريقه بصعوبة ونظر للجد
اكرم مقتربا منه: ليك شوق في حاجه
أمير:أر...أروح لابويا بس س...سليم
تيتة مجيدة بتهكم:مونى؟...هههههههىىىىىىى ده احنا لو استدعيناه الوقتى هيقلبك كلب ميت
أمير بتوتر:خ...خلاص انا آسف
مهاب لندى:ما تدافعى عنه مش هيتجوزك ده
ندى بإدراك:اه صحيح
ثم اشارت بيدها: ولا اقولك وانا مالي
ليان وهى تنظر لها:أصلا
ندى ببساطة وهي تنظر لاظافرها: اه
امير: لا اقتلني يا عمو وريحني 
اكرم وهو يدفعه بعيدا: عمى الدبب
تيتة مجيدة:والألوان الاتنين يا أخويا
ندى:ما خلاص بقى يا تيتة
منة: دلوقتى نطقتى
سليم وهو ينظر لاحمد في تأهب: انا عاوز بس اسال احمد سؤال واحد
أحمد بجمود:أيوة
سليم:انت تصدق إن مروة تعمل كده