"اللى ربى بتاع مربى" 😉🙄

جدو لاند😂

على الساعه السابعة عقب غروب الشمس
كان ذلك الشاب الوسيم
يقف مع عماله أو عاملاته بالمعنى الأصح
يلقى عليهم محاضرة بينما تقف بجواره تلك الفاتنة الذى لا يعرف من أين أتت

سليم بجدية:مواعيد الشغل إن شاءالله من الساعة ٩ الصبح لحد الساعة ٢ الضهر و مش عاوز تأخير و يكون فيه انضباط
سيدة ما وهى تنظر له:واشمعنى النهاردةٍ مقعدنا للساعة سبعةٍ
سليم بغضب:انتى اسمك ايه يا ولية
هاجر:ما تهدى بقى ايه الأسلوب ده مع الناس
سليم ببرود:وانتى مال حضرتك
هاجر ببرود مماثل: خلاص أسيب الدنيا تتصرف فيها زى ما يعجب حضرتك
السيدة:أقول اسمى ايه ولا تتعاركوا الأول
سليم بغضب وهو ينظر لهاجر التى تنظر له ببرود:ها اسم المحروسة إيه
السيدة: أسمى شلبية يا أخويا
سليم:طيب يا.........
هاجر مقاطعة:اسمه باشمهندس سليم يا آنسة شلبية
سليم:لا والله
هاجر ببرود:ده ضروري عشان الشغل يمشى مظبوط و ميتعودوش على كده
سليم ببرود أكبر:حلو ده استمرى
هاجر ببرود:إن شاءالله
سليم:الشكوى بتاعتك ايه يا مدام شلبية
شلبية بضحك:ايييهههههههههههىى😂 انى مش مودام أنى آنسة بس ابن الحاچ بسطويسى متكلم عليه
سليم بغضب:وانا مال أمى انا متكلم عليكى ولا أبوه هيجوزك على أمه يا ولية انتى
هاجر لشلبية:احم...شلبية متزعليش من الباشمهندس ده عاوز يقولك ألف مبروك بس الكلام ده مش في الشغل
ثم نظرت لسليم بحذر:مش كده يا سلي....قصدى يا باشمهندس
سليم بتمالك أعصاب:أيوة أيوة...مبروك.... استغفر الله العظيم يا رب
سندس لشلبية: لولولولولولولولوليليليليليليليليي مبروووك يا شلبية🎉🎉
ثم نظرت لهاجر:عقبال عندك يا أبلة هاجر
هاجر بإحراج: ربنا يخليكي....احم..
سليم وهو يغمز لها:مالك احمريتى كده ليه
هاجر بغضب:وانت مالك خليك في حالك
سليم مدندنا:خليك في حالك آه خليك في حالك
هاجر مربعة يديها بغضب وهى تنظر لهم جميعا:بقولكوا إيه الباشمهندس عاوز يقولكوا النهاردة استثناء بس عشان بنعرفكوا على الشغل لكن المواعيد بتاعتنا من ٩ ل٢ إن شاءالله
شلبية: ماشى يا أبلة هاجر ألا ايه استثناءا دى...دى حاجة في المكن يعنى
سليم بغضب:هو مفيش غيرك بيسأل ليه
فتاة ما:طب أنى اسمى نجفة ينفع أسأل بدالها
سليم:هموت مش قادر
هاجر بضحك:اهدى يا باشمهندس مش كده😂
سليم:انتى فرحانة فيا
هاجر بضحك: بصراحة اه😂😂
مبروكة:أب هناخد بوريك
هاجر وهى تكاد تتكلم
سليم وهو يطبطب على يدها:لا هرد انا...انا عرفت بوريك دى تطلع إيه
هاجر وهى تسحب يدها:ترد بلسانك مش بإيدك بدل ما أقطعهالك
سليم ببسمة مستفزة:انا أعمل اللى انا عاوزه
هاجر بتجاهل:هنشوف
سليم وهو ينظر لمبروكة:أيوة فيه بوريكات يا مبروكة إن شاءالله أى أسئلة تانية ملهاش لازم......
هاجر وهى تنظر له بتحذير:أى حد عنده سؤال تانى
سيدة ما:أنى
هاجر:اسمك ايه يا حبيبتي
السيدة:اسمى ريا
سليم وهو ينظر لهاجر:انا مش متفائل
هاجر بضحك:ليه بس 😂
سليم:بتقولك ريا يعنى هتلاقيها جايبة سكينة في أيدها
هاجر بتهكم: يا خفة دمك
سليم بنظرات مستفزة: يا قوة قلبك انتى والله
هاجر بضيق:نعم
سليم:يعنى واقفة مع واحد حليوة زيى المغرب والدنيا هتبتدى تضلم و بتساعديه في شغله مش خايفة
هاجر بثقة:لا مش خايفة و ده شئ ميخصكش و خليك في حالك يا باشمهندس ماشى
سليم وهو يحك ذقنه:هنشوف
سليم بجدية مضحك:اتفضلى يا ست ريا😂
ريا: ينفع نجيب أكل معانا
هاجر:مالوش لزوم يا ست ريا عشان احنا عاملين ليكوا هنا بوفيه فيه كل أنواع الأكل
سليم:لا يا ست ريا انتى بالذات تجيبى اللى تحبيه
ثم نظر لهاجر:انتى عاوزاه تموتنا ولا إيه
ثم نظر لريا:سلامى للمعلم حسبه
ريا وهى تحك رأسها:يعنى إيه
هاجر وهى تدوس على قدمه:معلش يا طنط بيهزر
ريا:ماشى يا أختى براحته
أم جبل: هيبقى فيه محشى في اسمه ايه البوفيه دهٍ
سليم وهو يكاد يقفز لهم من مكانه:محشى و كوارع ايه يا ولية يا فشلة اللى بتقولى.....
هاجر:فيه هنجبلكوا كل اللى انتوا عاوزينه اكتبوه في ورقة واحنا هنجيبه المهم تطلعوا شغل كويس عشان الباشمهندس يتبسط منكوا وكل مادا هيزودلكوا الفلوس
سليم وهو ينظر لها بتعجب:مين قال كده
هاجر بنظرة تحذير له:انت اللى قولتلى كده فاكر
سليم ببرود:لا مش فاكر
هاجر وهى تدوس على قدمه بقوة:طب افتكر
سليم متوجعا:اه...اه افتكرت افتكرت...هزودكوا
ثم نظر لها:حسبى الله ونعم الوكيل فيكى يا شيخة
هاجر برقة:شكرا يا باش...مهن...دس
سليم بغمزة:حلاوتك😉
هاجر بغضب وهى تنظر لهم:الأجازات إن شاءالله خميس و جمعة حد عاوز يسأل حاجة تانى عشان زهقنا بصراحة
سليم وهو يضع يده على خده وينظر لها بجرأة:لا مزهقناش كملوا
هاجر:أفندم
سليم وهو يعتدل بنبرة لعوب:فيه إيه ما تخلى الناس تسأل
هاجر ببرود:لا يلا اتفضلوا
بدأ الجميع بالخروج بينما نظرت هى له بحقارة و غضب هى غاضبة بالفعل لماذا يتفحص بها بتلك الطريقة هو قليل...لا إنه معدوم الأدب
هاجر بشجاعة:بطل الطريقة المستفزة دى معايا
سليم بروقان:طريقة إيه
هاجر رافعة حاجبها:نعم
سليم:ما تقولى طريقة ايه عشان أبطلها زى ما بتقولى
هاجر بخجل:قصد...قصدى يعنى على بص...بصا...بصاتك دى و...وكلامك
سليم ببراءة:مالها بصاتى
هاجر وهى تدير وجهها الجانب الآخر:قليلة الأدب زيك بالظبط
سليم باستنكار:أنا...ده انا في قمة أدبى معاكى
هاجر بوجه جامد يخلو من التعبيرات:طب هات فلوسى
سليم وهو يغمز لها:فقدتى الأمل فيا مش كده😉
هاجر باحتقار له: والله تبقى مؤدب تبقى قليل الأدب ده شئ يرجعلك لكن انا كده كده مش هسكتلك....ايدك على فلوسى بقى
سليم بضحك: ههههههههه 😂 يلا مش هزودها معاكى أكتر من كده أحسن وشك جايب ميت لون
هاجر بهمس:سافل
فابتسم سليم ومد يده ليعطيها المال
فنظرت هاجر له نظرة غريبة
سليم:نعم
هاجر:بقية فلوسى
سليم:لا دول بس كفاية
هاجر بعند:وانا بقول دول قليلين
سليم بعند أكبر:وانا معنديش أزيد من كده
هاجر بثقة:تمام زى ما لمتلك الناس عشان يشتغلوا بسيطة أخليهم يسيبوا الشغل ومشروعك الحلو ده يقف ها ايه رأيك
سليم وهو يزودها مالا: خلاص خدى ده انتى قادرة
هاجر ببسمة رقيقة:شكرا يا باشمهندس
سليم بضيق:العفو يا أختى
هاجر وهى ترحل:انا مش أخت حد و خصوصا لواحد زيك كده
سليم:انا هقطعلك لسان........