"اللى ربى بتاع مربى" 😉🙄

الخطة العامية😂😉

طاولة مستديرة كبيرة تأخذ عرض تلك الحارة البسيطة يجلس حولها أولئك المنكوبون
ليأخذ كل من يجلس حقه
يترأس تلك الطاولة ذلك الكبير المهيب الذى استدعى على عجالة من حفيده مهاب ليرى ما تفعله زوجته في تلك الحارة وأبنائها
أو لنقل ليرى ما فعله أبناء الحارة بزوجته المسكينة الهادئة كما أفهمته هى😂..................

المعلم بكرى وهو يمسك ظهره بألم:أنا عاوز حقى من الست دى وإلا والله أبلغ البول....بوليس ده وربى أكون مبلغ عنها الأمن الوطنى بذات نفسه مش أقل من كده
جدو مصطفى بجدية:اهدى يا معلم احنا قاعدين قاعدة صلح وكل واحد هياخد حقه
تيتة مجيدة بغضب:ايوة كل واحد هياخد حقه وانا بقى عاوزة حقى وحق احفادى الستومية وتسعين دولت منه
المعلم بكرى:ليه عملتلهم ايه يا ولية انتى
تيتة مجيدة:مش علقتهم ولا انا اللى كان بيتهيقلى
المعلم بكرى: وهما كانوا يستاهلوا ولا كنت بتبلى عليهم
تيتة مجيدة بغضب:انا أحفادى ميتعلقوش يا عين امك ولا عشان الموضوع عدى عليه ييجى شهر شهر ونص كده هسكتلك وبعدين بقى انا كمان ليا حق عندك يا راجل يا ضلالى
المعلم بكرى:حق إيه يا حاجة متعفرطنيش على المسا
تيتة مجيدة:بلا على المسا بلا الناس الكويسة...حقى يا أخويا إنى مأخدتش لفة زى بقية عيال الحارة على ضهرك ومشيت بيا زى الكلب
ثم نظرت لأحفادها:حق ده ولا مش حق
ندى بغباء:وانا كمان عاوزة أركب وأدلدل يا تيتة 
جدو مصطفى بغضب:مجيدة متخلنيش أحلف عليكى بالطلاق قدام الناس دى كلها
تيتة مجيدة بعدم اهتمام:كنت عملتها من زمان يا مصطفى
المعلم بكرى بغضب وهو يدب على الطاولة: أنا مش عارف انا عملت إيه في دنيتى عشان أشوفك يا ست انتى.....يا انا يا أنتى النهاردة
تيتة مجيدة بتهكم: يا أنا يا خالتى هههىىىىى...وقسما بالله إن ما حطيت البلغة في زورك لأمسكك من لسانك بإيدى وأمسح بيك سلم العماير اللى موجودة دى كلها ده انا ولية شبطه وهجمة انت متعرفنيش يا حيلة أمك
ليان بفرحة:سقفة لتيتة يا حارة
فصفق الجميع ضاحكين بصوت عالى 😂
المعلم بكرى بغيظ وهو ينظر للجد مصطفى:شايف يا مصطفى بيه
الجد مصطفى بغضب شديد: بااااااااااااااس الكل يخرس خالص واللى هسمعه بيتنفس قسما بالله العلى العظيم ما هيعرف هيحصله إيه
ثم نظر لهم نظرة ثاقبة:ولا تحبوا تعرفوا
فهز الجميع رؤوسهم بالرفض
جدو مصطفى لبكرى:انت عاوز ايه يا بكرى
بكرى:انا عاوز حق.........
جدو مصطفى:قبل ما تقول على حقك نصيحة منى منظرك بقى زفت قدام الناس وهيبتك بقت في الأرض
المعلم بكرى بغضب أكبر:ما هو عشان كده عاوز حقى
ثم نظر لتيتة مجيدة:ومش هسيبه لو على جثتى
تيتة مجيدة بعدم اهتمام:ده أنا أقتلك بالشبشب زى البرص وعد الجثث بقى
ثم نظرت لأحفادها:أصل ده أصله كان برص وتحول لبنى آدم عشان كده بقى أخرته عندى الشبشب اللى فى رجلى
خالد:عاش يا تي.........
جدو مصطفى وهو ينظر لخالد:ولد مسمعش نفسك
ثم نظر لزوجته:وانتى كلمة زيادة وتروحى على بيتكوا
تيتة مجيدة:يعنى إيه بقى هتقتلنى وتحرمنى من الأكل عشان أبو ديل شبه ديل اللاما ده
جدو مصطفى بغضب شديد جدا:مجيييييييدااااااااااااا
تيتة مجيدة بخوف وهى تنظر لهم: ده اصعر وهياكلنى ده ولا ايه
جدو مصطفى:مجيدة
تيتة مجيدة بسرعة:أيوة يا أخويا
جدو مصطفى بهمس لها:اقطمى بدل ما أخلى منظرك زبالة
تيتة مجيدة بغضب وصوت عالى:وانا هسكت بقى إياك
جدو مصطفى لمازن:خد جدتك واطلع فوق
مازن بزهق:هاتى ايدك يا تيتة ده انتى زى ما يكون مكتوبة عليا
الجدة وهى تستند عليه:ملقاش إلا انت يا حمار الدراوى اللى هيسندنى عليك مش كان يستنضنف
مازن بتريقة وهو يرافقها ناحية مدخل العمارة:ويجبلك مين يا تيتة محمد صلاح ياخد ايدك
تيتة مجيدة وهى تدبه بطاسة أخرتها من ملابسها بسرعة:لا الملك فاروق يا ابن الصرمة