بقلمي: ميامي آلـ حيدر
بسم الله الرحمن الرحيم
لا تنسون تصوتون للبارتات والتعليق بين الفقرات ❤.
َيَسكنُ الشِعر في حَدائِق عَينيكِ
فلولا عَيناكِ لا شِعر يُكَتبُ
_________________
تذكير:
نزلت راسي اباوع جانت ضلام بس شوية ضوء ركزت حيل لمحت ولد حاصر بنية على الحايط ويگللها احبج انتبهت اكثر ولطمت على خدي صخاااممم بعيني هذول جساس و هُيام...
على صوت لطمتي وشهگتي ثنينهم رفعوا روسهم يباوعولي بصدمة
سما: دهر دهرك جساس ولكك عوف البنية شعندك وياها ورة البيت
رأسًا هو وخر منها ودنگ راسه وهُيام طفرت ركض لبيتهم وجهه صار احمر
باوعلي جساس بقهر
جساس: بحضج وبختج سما
سما: لك جساسس لو واحد شايفكم غيري شيگولون عزة بعينكم صدك ماتنردون يولد ناصر
جساس: طبي لج شسويتلها هسه انه
سما: هم عوزك تسويلها شي اله اگول لبيبي عليك بس هي تعرف دواك
اباوعله گام يتلفت يدورلة على حجارة يضربني بيها شال وحدة وشمرها واني بسرعة سديت الشباك والبردة وبعدني مصدومة من الصار هذول شنو بيناتهم، عفت كلشي على صفحة الظاهر المشاكل ملاحگتنه وين مانروح طفيت گلوبي ونمت
____________________________
قبل 3 ساعات، الساعة 5:30 عصرًا
-هُـيـام
رجعت للبيت مصدومة ومنزعجة من الصار صدگ طليقة ابن عمة هاي؟ لعد ليش هيج تبوسة وتحضنة اووووو هسه اني شعلية بيهم نارهم تاكل حطبهم
دخلت وعزلت البيت مثل كل مرة بس احس روحي محتاجة اغير من نفسيتي شوية رحت لغرفتي طلعت غراض العناية مال الجسم والبشرة
سويت تقشير لجسمي وشلت الشعر و زيتت شعري وخليتلة ماسك للأطراف وخليتله علاگة ورة ساعة رحت سبحت وغسلت شعري زين من الزيت والماسك
طلعت من الحمام احس روحي خفيفة ومرتاحة رحت سويت عناية لبشرة وجهي ورطبته ورطبت جسمي وشسورت شعري وحطيت عطر فراشة طايرةةة اجة الوقت الاحلى بين كل هل هوسة
الرگص
خليت مكياج سموكي وكثرت كحل وسويت مدمع حاد ولبست دشداشة سودة ضيگة وجبت حجاب خليتة بس على راسي وطلعت كذل ولبست خمار ذهبي وخليت عباية على اچتافي وشغلت اغنية خيه انباگ رجلي وبديت اركص عليها
يمة انباگ رجلي
دادا انباگ رجلي
نص الليل غطيتة
اگعدت الصبح ملگيته
ودادة انباگ رجلي
خدري الچاي خدري
عيوني المن اخدرة
أنت تقرأ
جُحر الجَساس
Mystery / Thrillerسمراءُ يا بُنّ الجمال ونفحِهِ ياقهوةً منها الفتونُ يضوعُ من قالَ إن الليل ليسَ بفاتنٍ ذابت على حسن المساء شموعُ وبلونهِ عبقُ السكون وغابةٌ فيها يضمدُ شوقهُ الموجوعُ ترنوا العيونُ إلى المساء تأملاً والليل سكرٌ والأنامُ هجوع للسُمر وقعٌ في الوجود وفتن...
